Filipiyafɔm 4:9 - Nyεmε Jɔrε Kadasi

⁹ Dekem bo am sɔnsɔn bu fiteeri m dɔ ni, ni bo am deeri m dɔ ni, bɛrɛ la m nɔaniɛ ni, ni m sa­yoo­wa ni, am su bu su na am fa yo juma. Nyɛmɛ la ahoreda, yiri wó am dɔ a.

Filipiyafɔm 4:9 Cross References

Matio 1:23

“Suŋguru bo wɔ nya si má biɛsɔ bá nyinsɛ, na i wú baa­biɛsɔ, na bu fére i ka Emanuwɛli,” i bu la ka, Nyɛmɛ wo ya dɔ.

Matio 28:20

Na am kere bu ka bu de m nɔaniɛ maa­wa n kɛrɛ bo ma fa ama am ni. Am ti fɛn, m wo am dɔ, saŋga kɛrɛ, fa kɔ haari durunya n awieeri.”

Matio 7:21

Na Yesu akaaki ase ka, “Má sɔnɔ kɛrɛ bo i bo fere m ka, ‘M Mibiɛ, m Mibiɛ,’ ni wura Nyɛmɛ fɛmɛya n nu a, se má ka bo bu yo m Si Nyɛmɛ bo i wo aŋgoro n dɛɛ koroo­wa ni.

Luka 6:46

Na Yesu akaaki ase ka, “Nzu ti ye am fere m ka, ‘Ya Mibiɛ, ya Mibiɛ,’ ye am yo má deke bo m se ka am yo a?

Luka 8:21

Na Yesu ase bu ka, “M ni, ni m niɛmam la minɛm bo bu ti Nyɛmɛ nɔaniɛ n na bu de i na bu fa yo juma n wɔ.”

Yohane 13:17

Nzɛn am sin ahin n kɛrɛ, na am yoori sɔ, tere­fiɛ wo am dɔ.

Yohane 15:14

Nzɛn am su m nɔaniɛ maa­wa n su, am ti m danfom wɔ lɛɛ.

Yohane 2:5

Na i ni ase awuru­nbaam n ka, “Am yo deke kɛrɛ bo i se am.”

Sayoowam 9:6

Ama, yasu jina na a wura miɛ n kunnu na m má sɔnɔ be kere u deke bo wɔ yo daka ka a yo ni.”

Romafɔm 15:33

Nyɛmɛ bo i ma tana­laifiɛ n buka ya kɛrɛ. Ami.

Romafɔm 16:20

Nyɛmɛ bo i ma tana­laifiɛ ni, i cɛ́ má, i má am yiko na am fún tiɛntiɛn Sitana ŋu mɛrɛki i. Ya Mibiɛ Yesu Kristo buka am.

1 Kɔrinto­fɔm 10:31

Nyini ti, nzɛn am diiri diire, wara am nuuri deke nuu­wa, wara deke kɛrɛ bo am yoori i, am yo i na i wura Nyɛmɛ kpiri.

1 Kɔrinto­fɔm 14:33

Dama Nyɛmɛ ti má bo i fa kpakpaaki­nu ba i minɛm dɔ, ama, i ma bu la tana­laifiɛ wɔ. I ti sɔ ɔ lɛɛ, Kristo jama n kɛrɛ nu,

1 Kɔrinto­fɔm 4:16

Nyini ti, m sere am wɔ, am sɔn m su, na am ma am woo­wa ti kabo m woo­wa ti barasu ni.

2 Kɔrinto­fɔm 13:11

M ninbaam, jɔrɛ bo wɔ ka n la ka, am ma am ahore jɔ, am boro am nyi na am wo wo kpa, am ti kabo m sereeri am ni, am la anɔɔsɛ ni am beŋgum, am wo ni tana­laifiɛ. Nyɛmɛ ti tana­laifiɛ ni koro­fɔ a, yiri wó am dɔ a.

Filipiyafɔm 3:17

M ninbaam, am ma am woo­wa ti kabo m dɛɛ n ti barasu ni. Woo­wa kpa n bo ya du mɔ afa akere am ni, am niɛ minɛm bo bu bita nyini woo­wa kpa n ni, na am sɔn bu su.

Filipiyafɔm 4:7

Am yoori sɔ, Nyɛmɛ má am ahoreda bo i la má aŋusu, na i súniɛ am dika fa kɔ am ahore su ni am sunsunni nu, dama am ni Yesu Kristo ayo kun n dɛɛ ti.

1 TƐsalonikafɔm 1:6

Na am asɔn ya ni Mibiɛ n dɛɛ wo n su, haari ni bo am diiri wahara agaya n kɛrɛ ni, am deeri labari kpa n wɔ, ni ahorejɔ n bo i fite Awiɛwiɛ Casi n dɔ ni.

1 TƐsalonikafɔm 2:14

Ya ninbaam, sam bo bu yo tuuri Kristo jamam bo bu wo Yudiya asiɛn n su ni, nyini sam ye ba tu ambɛrɛ gusu n a. Kabo am tiɛŋgu minɛm akere am wahara barasu ni, sɔ ye Yuda­fɔm yo fa kereeri Kristo jamam n a.

1 TƐsalonikafɔm 5:23

Ya sere Nyɛmɛ, yiri n bo i ma ahoreda n ka, i ŋmisi am ahore­mbaa, ni am ŋuniɛ, ni am sunsunni kɛrɛ casi, adena am wo wo bo fin be mata má am, haari fa kɔ ju saŋga bo ya Mibiɛ Yesu Kristo bá kpie i nyi ba ni.

2 TƐSALONIKAFɔM 3:4

Ya Mibiɛ n ama ya ahoresi ka am suyo deke n kɛrɛ bo ya ma am nɔɔ ka am yo i ni, am kɔ su suyo i saŋga kɛrɛ.

2 Timoti 4:22

Ma Mibiɛ n wo ni wɔrɔ. Nyɛmɛ buka am kɛrɛ.

Yakobo 1:22

Am yo kabo Nyɛmɛ nɔaniɛ n kere ni. Má am dadaka am ŋu ka am ati i na am yo má kabo i kere ni.

2 Petoro 1:10

Nyini dɛɛ ti, m ninbaam, kabo Nyɛmɛ afere am na wɔ yi am ni, am boro am nyi, adena am woo­wa kere ka am ti i dɛɛ minɛm. Nzɛn am yoori nyinim sɔ, am kpáasi má fieo.

1 Yohane 3:22

Na deke kɛrɛ bo ya sereeri i, ya nya i wɔ, dama ya de nɔaniɛ maa­wa n bo Nyɛmɛ fa maari ya ni, na ya yo sa bo i sun i nu.