Filipiyafɔm 2:14 - Nyεmε Jɔrε Kadasi

¹⁴ Deke kɛrɛ bo am yo i ni, má am ŋuŋuti na am se akuruwa,

Filipiyafɔm 2:14 Cross References

Matio 20:11

Bu deeri ŋwaa wieeri sɔ ni, na ba ŋuŋuti fie n fɔ ni.

Marako 14:5

Má ya tɔɔri i, má ya nyá ŋwaa beberebe, na ya fá ma yaari­fɔm.” Na ba kan bara ni ndiɛ agaya.

Marako 9:14

Saŋga bo Yesu ni i susu­fɔ nsanm ni kpieeri bu nyi ba juuri i susu­fɔ nyiŋgam bi ni, na ba ŋu ka jama beberebe atiɛn bu nɔɔ abara ayɛ bu. Ye Nyɛmɛ nɔaniɛ kere­fɔm n nbem bita bu ni akuruwa.

Luka 5:30

Na Farasi­fɔ nbem ni Nyɛmɛ nɔaniɛ kere­fɔm nbem bo bu ni bɛrɛ wo ni, aŋuŋuti i, na ba bisa Yesu susu­fɔm n ka, “Nzu ti ye am ni lampo­de­fɔm, ni satiɛ­yo­fɔm saŋga di diire na am nu nzan a?”

Sayoowam 15:2

Na Pɔɔlu, ni Banabasi, ni bɛrɛ ase akuruwa nyannyan fa kɔ nyini jɔrɛ n bu su. Nyini ti, na ba fa sɛsɛ­su ka Pɔɔlu, ni Banabasi, ni yarada­yo­fɔm nbem bo bu wo Antiyoki ni, ka bu kɔ Yɛrusalem miɛ kpiri n nu na bu kɔ bisa Yesu jaramasam ni, ni Kristo jama nkpiɛn­kpiɛnm n nyini jɔrɛ ni.

Sayoowam 15:39

Dɔ na akuruwa bambaka aba bu afiɛn, na ba kpaaki ayaki bu beŋgu, na Banabasi afa Marako abuka i ŋu su, na ba fa lee bambaka akɔ Sipurusi asiɛn n su,

Sayoowam 15:7

Na ba se nyini jɔrɛ n akuruwa bu ŋuŋu nu acɛ, na Petoro ayasu ajina, na wɔ se bu ka, “M ninbaam, am si ka mini ye Nyɛmɛ du mɔ yiiri m fiteeri am nu, ka m ma minɛm bo bu ti má Yuda­fɔm n ti labari kpa ni, adena bu yo yarada.

Sayoowam 6:1

Na fa kɔ saŋga su, na Yesu susu­fɔm n asunnu abuka su, na Yuda­fɔm bo bu jɔjɔ Giriki aniɛ n ni aŋuŋuti Yuda­fɔm bo bu jɔjɔ Hiburu aniɛ ni. Bu ŋa cɛɛn kɛrɛ cɛɛn na bu ce nkuna­fɔm diire ni, bu bu má bu dɛɛm wura má nu.

Romafɔm 12:18

Nzɛn am koro yo i, am boro am nyi na am ni sɔnɔ kɛrɛ tana ni laifiɛ.

Romafɔm 14:1

Am de minɛm bo bu yarada ti má bii­wa n ni am saa nnyɔ, má am se bu akuruwa fa kɔ deke n bo bu ci bu n su na am tanda bu ahore.

Romafɔm 16:17

M ninbaam, m sere am wɔ, am si am ŋu sa ni minɛm bo bu saaki keree­wam bo am adu mɔ ade i ni, na bu fa kpakpaaki­nu ba ni, na bu ma minɛm kpaasi fa kɔ bu yarada n su ni. Má am dodo bu.

1 Kɔrinto­fɔm 10:10

Má am suŋuŋuti kabo bu nbem yo ŋuŋutiiri na mɛrɛkɛ saaki­fɔ n ba kuunri bu na bu kaari ŋgbɛɛn ni.

2 Kɔrinto­fɔm 12:20

M soro sɛrɛ wɔ, m koro má ka m ba baari am dɔ, na má m ba tu am kabo m koro ka am ti ni, wara na ambɛrɛ gusu ŋu m kabo má am koro ka m ti ni. M soro sɛrɛ ka, beni, m bá ŋu ka, am suse akuruwa, na am susi kɔrɛ, na am sufa yaa, na am suyo anyii sam, na am sukan am beŋgu jɔrɛ susaaki bu, na am sukpura tere, na am suyo kpirikoro, na am la kpakpaaki­nu.

Galaatiyafɔm 5:15

Ama, nzɛn saŋga kɛrɛ na am sudi aluwa na am ŋumi sukpi am beŋgu ŋu, na am asi má am ŋu sa, am sáaki am ŋuŋu nu wɔ lɛɛ.

Galaatiyafɔm 5:26

Má am ma ya wura ya ŋu kpiri, na má am ma ya yo sa bo i yɛ minɛ ahore su, na má ya si kɔrɛ.

Filipiyafɔm 2:3

Má am sunsun kabo am yo na ambɛrɛ ŋgumi nya i, má am wura am ŋu kpiri, ama, am yo am ŋu kaan, am bu am beŋgu ka bu tara am.

1 TƐsalonikafɔm 5:13

Am ma bu jirima nahɔrɛ su, ni koro, fa kɔ bu juma n bo bu yo i n dɛɛ ti. Am ma tana­laifiɛ wo am ni am beŋgum dɔ.

1 TƐsalonikafɔm 5:15

Má be se ka i fa i beŋgu satiɛ bo i yo i fa tɔ i mi kaari, ama, saŋga kɛrɛ am ma am sunsunni la ka, am yo sakpa ma am beŋgum ni sɔnɔ kɛrɛ.

Hiburu­fɔm 12:14

Am kɛrɛ boro am nyi na am tana laifiɛ ni sɔnɔ kɛrɛ, na am wo wo bo i ti casi, dama wɔrɔ kɛrɛ bo a ti má casi, a ŋú má Nyɛmɛ.

Yakobo 1:20

Dama yaa kere má sɔnɔ na i yo sa bo i kɔ atin su Nyɛmɛ dɔ.

Yakobo 3:14

Ama, nzɛn am susi kɔrɛ ahore­mbaa su, na am suyo wi, na am bita anyii sunsunni, má am bita fɔ ka am la alecira, na má am bu kɔrɛ jaraki nahɔrɛ n sɔ.

Yakobo 5:9

M ninbaam, má am wo waraki su, sukan am beŋgu ndiɛ, adena má Nyɛmɛ bá di am jɔrɛ. Am ti fɛn, yiri Jɔrɛ­di­fɔ n lɛɛ, yiri jina anɔ n nu n a.

1 Petoro 3:11

I mi yaki satiɛ­yo, na i yo sa bo i ti kpa, i mi boro i nyi na i sukpini tana­laifiɛ busu.

1 Petoro 4:9

Nzɛn am beŋgum aseke am wɔfɔ, am de bu, má am ŋuŋuti.

Juda 1:16

Nyini minɛm ni sɔ, bu ŋuŋuti wɔ saŋga kɛrɛ, na bu sujaraki bu beŋgu, na bu susu bu konvikiya sa ŋgbɛɛn­ŋgbɛɛn bo bu bita i n su, na bu sufɔ yanfɔya, na bu subo minɛm anɔɔfiɛ, adena bu nya bu dɛɛ sa koroo­wam.