Filipiyafɔm 2:13 - Nyεmε Jɔrε Kadasi

¹³ Dama Nyɛmɛ suyo i juma am ahore su a, na i ma am de i nɔaniɛ ni, na am yo i koroo­wa.

Filipiyafɔm 2:13 Cross References

Luka 12:32

Na Yesu akaaki ase ka, “Má am soro sɛrɛ, haari ni bo am ti ka nbɔɛm bo bu sunnu má ni, dama am Si Nyɛmɛ ayi am ka am ni yiri sáŋga di i fɛmɛya n a.

Luka 2:14

“Kansi wo Nyɛmɛ bo i wo aŋgoro n dɔ. Na ahoreda wo minɛm bo bu wo asiɛŋgu fɛn n dɔ na Nyɛmɛ ahore ajɔ bu ŋu ni.”

Yohane 3:27

Na Yohane ase bu ka, “Sɔnɔ koro nya má deke be, má ka Nyɛmɛ afa nyini deke n ama i.

Yohane 6:45

Kabo Nyɛmɛ nɔaniɛ kan­fɔm yo kɛrɛɛri lɛɛ, ka, ‘Nyɛmɛ kére sɔnɔ kɛrɛ nyaari a.’ Na sɔnɔ kɛrɛ bo i ti Nyɛmɛ keree­wa n na i siiri nu, i mi bá m dɔ.

Yohane 6:65

Na wɔ se bu ka, “Nyini dɛɛ ti ye ma se am ka be wo má bɛrɛ bo i koro ba m dɔ, má ka m Si ama atin ka i mi yo m susu­fɔ.”

Sayoowam 11:21

Na Mibiɛ n yiko awo bu dɔ nahɔrɛ su, na minɛ beberebe ayo yarada, na ba kaaki bu wo, na ba su Mibiɛ n dɛɛ atin n su.

Romafɔm 12:3

Tɔ, Nyɛmɛ aceeri n bo wɔ fa ama m dɛɛ ti, m sutu am kɛrɛ fɔ ɔ ka, má be wura i ŋu kpiri tara kabo i ti ni, ama, sɔnɔ kɛrɛ sunsun na i niɛ i ŋu kabo i ti nahɔrɛ su barasu, na i si kabo Nyɛmɛ ama i mi yarada barasu ni.

Romafɔm 9:11

Saŋga bo Rɛbɛka nya wu má i ndaam ni, na bu nya yo má sakpa wara satiɛ be ni, nyini saŋga n ye Nyɛmɛ seeri i ka, “Baa­kpiɛn ni bá su baa­kan n a.” Nyɛmɛ dɛɛ koroya­nu ye i yoori sɔ n a, yiri koro i sɔnɔ ye i yiiri i a, má ka bu be sa­yoo­wa dɛɛ ti a.

Romafɔm 9:16

Nyini ti, má adamande koroya­nu, wara deke bo i boro i nyi yo i ni ti jɔrɛ a, ama, kabo Nyɛmɛ si aŋunfɔ ni, nyini ti jɔrɛ a.

1 Kɔrinto­fɔm 12:6

Sɔnɔ kɛrɛ la atin barasu barasu kabo i mi koro fa yo i juma, ama, Nyɛmɛ kun ni yo nyini n kɛrɛ a.

1 Kɔrinto­fɔm 15:10

Nyɛmɛ ahɔrɔma n dɛɛ ti, ye m ti kabo m ti n a. Ahɔrɔma n bo wɔ fa ama m ni, i ti má ŋgbɛɛn, ama, m koro se ka ma yo juma atara nyiŋgam kɛrɛ mmɔɔ. Má mini ni m tii yoori i a, ama, Nyɛmɛ dɛɛ ahɔrɔma n bo wɔ fa ama m ni, nyini ma m koro yoori i a.

2 Kɔrinto­fɔm 3:5

Ya la má deke bo i kere ka yɛrɛ ni ya tii koro yo juma n a. Deke bo i ma ya koro yo i n fite Nyɛmɛ dɔ ɔ.

Ɛfɛso­fɔm 1:11

Deke n kɛrɛ bo Nyɛmɛ adu mɔ acici ka i yo i ni, kabo yiri Nyɛmɛ koro n lɛɛ ye wɔ yo i n a. Ye wɔ yi ya ka ya yo i dɛɛ minɛm, na ya ni Kristo yo kun.

Ɛfɛso­fɔm 1:5

wɔ du mɔ acici ka i fá ya yo i kunnu nbaam Yesu Kristo dɛɛ ti. Deke bo i koro ka i yo i ni, i koroo­wa lɛɛ.

Ɛfɛso­fɔm 1:9

Nyɛmɛ ayi deke bo i du mɔ koroori ka i yo i, na i wo i ahore­mbaa su na be si má i n akere ya, Yesu Kristo ama wɔ yo yii­wa. I koroo­wa lɛɛ.

Ɛfɛso­fɔm 2:8

Am yarada n bo am ayo i n dɛɛ ti, Nyɛmɛ ahɔrɔma ni ma am nyaari tii­de a, má am sakpa dɛɛ ti a, ama, Nyɛmɛ aceeri a. Nyini ti, má be se ka i fa fɔ.

2 TƐSALONIKAFɔM 1:11

Nyini dɛɛ ti, ye ya sere Nyɛmɛ ma am saŋga kɛrɛ n a. Ya sere i ka i ma am wo wo bo i ti ye ni ka i dɛɛ minɛm bo wɔ fere bu n wo ni. Na ya kaaki sere i ka i fa i yiko n buka am, na am yo am kunnu koroo­wa, ni juma kɛrɛ bo i ti kpa kɔ wie.

2 Timoti 1:9

I deeri ya tii ji wɔ, na wɔ fere ya ka ya yo i dɛɛ tiɛŋgu minɛm, má ka ya sakpa bo ya yo i n dɛɛ ti, ama, i dɛɛ kunnu koroo­wa ni i ahɔrɔma n dɛɛ ti a. Saŋga bo i nya yi má durunya ni, ye i yoori ya nyini sakpa n a, Yesu Kristo dɛɛ ti.

Hiburu­fɔm 13:21

Nyini ti, m sereeri Nyɛmɛ ka i ma am deke kpa n kɛrɛ bo i ti ye ni ka am nya i, na am yo i sa koroo­wa, na i kaaki ya wo, na ya yo minɛ n bo i ahore jɔ ya ŋu. Yesu Kristo dɛɛ ti, ye i yo nyini n kɛrɛ a. Yiri ti ye ni ka ya kansi i saŋga kɛrɛ saŋga. Ami.

1 Petoro 1:3

Am ma ya kansi Nyɛmɛ, yiri bo i ti ya Mibiɛ Yesu Kristo Si. Wɔ si ya aŋunfɔ agaya n dɛɛ ti, ye wɔ ma ya yo minɛ fɔfɔrɛ, ye ya la tama wo ni ŋgɔɔ a, dama i teŋgeeri Yesu Kristo i yiwee n nu wɔ.