ओहाङःसैको ओउः फरीसीलम्इ लयःकुस् वाह्ओमयःमा हेरोद् राजाकोः मान्तालम्मा येसुकःताङ् ल्होक्आकानी। ओउःमयः येसुकःताङ् वाङ्ती “लौ गुरुय नाङ्इ दोङ् कुरातेः स्यान्ती तोतेःनौ बा। सुकायःमातेः नोःतेःनौ ताङ्ह्ओ मान्ताकायःया मीओकायःया नाङ्इ यातैज्योः कुरा हतेः तोतेःनौ। सुकःमातेः रैमाःत परमेस्वर्कोः दोङ् कुरातेः स्यान्तेःनौ बा
फीलीपी 4:8 - चेपाङ8 लौ पुःचोङ् हौचोङ्य दोह् कुरालो पेओमा लुङ्गार्सीःमा खेःलेःनाः ओउः कुरापाय् ल्हुङ्हाङः सेती मुन। दोह् दोह् दोङ् कुरा लेःआः दोह् दोह् ताङ्ह्ओ कुरा पेओ छय्ङ्ओ कुरा दोह् दोह् झाक्सीःओ सायःगार्सीःओ कुरा लेःआः इ खाल्कोः कुरालम् सबै ल्हुङ्हाङः सेती गम्नु। See the chapter |
फीलीपी 4:8
67 Cross References
युहनाकायः सात्सापाय् बोङःउतो हेरोद् राजाइ ताक्आक्थाल। “ओउःच्युक् पेओ परमेस्वर्कायः चीःओ मान्ताकायः सात्सा जुगाङ् स्याव्ल” त दाय्ह्ती युहनाकः रैती ओउःकायः पानःती झ्याल्खानहाङः थुनती गम्ओ ह। युहनाकायः झ्याल्खानहाङः गम्तोक्हाङः बेला बेलाहाङः हेरोद् राजाइ ओउःकायः गोत्ती वानःती ओउःइ तोओ कुरा झाक्ती सायःउतो “लौ ङा दोह् हायःचाङः दोह् हायःचाङः” त दाय्ह्ती आन ग्याङ्ह्ती मुओ खेःतो।
येसुइ इत चीःती “लौ नीङ्इ जाङ्ह्ओ काम्लम्पाय् ‘पेओलेः’ त नीङ्इ अरु मान्तालम्कायः ताःताक्तेःनानी दोह् हायःती दाय्ह्सा मान्तालम्इ नीङ्कोः ल्हुङ्तुक्कोः कुरापाय् पेतो चीःसा खाय्तेःइली। ओउःमयःखेइ चीःसा खाय्तेःइली परमेस्वर्खेइ नीङ्कोः ल्हुङ्तुक्कोः पेतोलेः चीःतेःनै बा ओउःत झ्यान्ते दोह् दोह् मान्तालम्खेइ ताङ्ह्ताक्लेःनानी ओउःकःलेः परमेस्वर्खे अह्र्लेःनाः बा।
ओहाङःसैको यात्चाक् यहुदीया देस्कोः अरीमाथीया गाव्सै वाङ्ओ मान्ता युसेफ् त तोओ खेःतो। ओउःपाय् पेओ मान्ता खेःतो परमेस्वर्कोः कुरालेः सबै जाङ्ह्सा बोङःती परमेस्वर्कोः राजी दाङ्तोक् बेलाकायः गलमा ल्युङ्ह्ती मुओ खेःतो। फेरी युसेफ् त तोओपाय् यहुदीलम्कोः ताङ्ह्ओ मान्ता खेःतो ओहाङःसैको सभा काम्हाङः हुम्ती मुतोक् बेलाहाङः अरु ताङ्ह्ओ मान्तालम्खेइ येसुकायः सात्सा बोङःओ कुरा नोःकाय्ओ सायःती युसेफ्खेइ “सात्लाम्” त दाय्ह्ती अरुलम्कुस् ङ्र्याःल।
“यात्चाक् सीपाहीकोः कप्दन् कर्नीलीयस् त तोओइ ल्होक्आताङी। ओउःपाय् आन पेओ परमेस्वर्कायः झाक्ती तोओ मान्ता लेःआः। इतलेः सबै सीजारीयाकोः यहुदीलम्इ चीःती कर्नीलीयस्कायः लुङ्ती तोनानी। ओहाङःसै ओउःकःताङ् यात्चाक् परमेस्वर्कोः ल्होक्ओमयः थाती ‘लौ नाङ्इ जोपाहाङः मुओ सीमोन् पत्रुस्कायः गोत्लाङ् ल्होक्उ दा। गोत्ती वानःआक्तीको ओउःकोः कुरा पेतोलेः सायःनु’ त दाय्ह्ती ओउः ल्होक्ओमयःइ तोताङःआथै। ओउःत झ्यान्ते ङीइ नाङ्कायः गोत्लाङ् दाह्आलाङी” त दाय्ह्ती ओउः सुम्चाक्इ पत्रुस्कायः छ्यानःआथै।
ल्हुङ्हाङः परमेस्वर्कोः कुरा ग्याती जाङ्ह्सा खेःतो। फेरी मान्ताकोः ल्हुङ् ग्याताक्साकायः परमेस्वर्कोः ग्वालामःइ जाङ्ह्सा खेःओ काम् लेःआः। कीताप्हाङः लेखओ ऐन्इ जाङ्ह्सा काम्पाय् खेःल। ओहाङःसैको परमेस्वर्कोः कुरा ग्याती जाङ्ह्ओ मान्ताकायः अरु मान्ताइ खेःल परमेस्वर्इलेः पेतो लुङ्ती तोनाःथै।
ओहाङःसैको नीङ्कायःपाय् “पेमालो काम् जाङ्ह्सा ताक्ताक्लाम्” त दाय्ह्ती परमेस्वर्कः तेलेःनाङी। ङीखेकायः पेतोलेः त छ्यानःसाकायः ह इत तेनाङीली नीङ्खेकायः दोङ् पेओ काम् जाङ्ह्ओलम् स्याव्साकायः इतलेः परमेस्वर्कः तेनाङी। ङी गतलोमा स्याव्नाङी पेतो स्याव्नाङीया पेमालो स्याव्नाङीया ओउःतलेः तेनाङी।
ओउःपाय् ल्हुङ्खेकोः रेव्ओ कुराखे लेःआः। परमेस्वर्कोः ग्वालामःखेकोः पेओ कुराखे इलेःआः। राप्ओ ल्हुङ्मा चोङाय्ओ धोमाय्ओ ल्हुङ्मा लीह्सीःओ गोरःओ पेओ योनःती योओ ल्हुङ्मा ङ्हाम्सीःओ काङ्ओ रेव्तो जाङ्ह्सा ग्यामालो ल्हुङ्मा लयःकायः मीतो योओमा ओउः सबैलेः परमेस्वर्कोः ग्वालामःइ बयःओ कुरालेः ऐन्इ ताक्मालो कुरा खेःल।
ओउः त्यावःअसै दोःओ व्हाय्तो चीःओ ल्हुङ्पाय् नीङ्ओ लेःआः। ओउःत व्हाय्तोलेः चीःओ ल्हुङ् नाःओ मान्तापाय् खह्र्ओ काय्काय्ओ मान्तापाय् खेःल। ओउःपाय् काङ्ओलेः अरुकुस् ब्राङ्ती वाह्ओ लेःआः अरुकायः योनःती योओ मान्ता लेःआः बा ओउःइ पेओ काम्लम् आन जाङ्ह्नौ। ताङ्ह्ओ मान्तामा मीओ मान्तामा सुकायःमा घार्ताक्तीलेः योनौ ओउःइपाय् ब्रेह्तो लेइ नोःउलु।
Advertisements