फीलीपी 4:5 - चेपाङ

⁵ सबैकायः काङ्‌तोलेः नोःन। ङीकोः प्रभुपाय् देङीलेः वाङ्‌नाः।

फीलीपी 4:5 Cross References

मत्ती 6:25

‘लौ उया ङाइ स्‍याङ्‌ह्‌पाय् दोह् जेःगा जेःचाङः दोह् नाय्इ लावचाङःस’ त दाय्‍ह्‌ती ल्‍हुङ् रुःतेःचनै। जेःगासै नीङ्‌कोः जीङः ताङ्‌ह्‌तो लेःआः नाय्‌सै नीङ्‌कोः आङ् ताङ्‌ह्‌तोलेः मुनाः माःदै।

मत्ती 6:34

लौ उया स्‍याङ्‌ह्‌कायः ल्‍हुङ् र्‍याङःती मुलाम् तेन्‌कोः लीह्‌सीःओकायः ह ल्‍हुङ् रुःतो स्‍याव्‌तेःपै।

लुका 21:34

लौ पेतो धय्‌ती मुन दा। नीङ् धय्‌ती ल्‍युङ्‌ह्‌ती मुमाःत लुङ्‌ह्‌जेःती हान् तुङ्‌ती लयःकोः काम्‌लम्‌कायः ल्‍हुङ् रुःती मुतेःनै त खेःया नीङ्इ जुगाङ् चीःमालो दीन्‌हाङः ओउः मान्‍ताकोः चोःपाय् याव्‌छीत्‌हाङः ग्रीनःरुसीत दाह्‌ती वाङ्‌लेःनाः।

१ कोरीन्‍थी 16:22

सुसुइ प्रभुकायः राप्‌नीली ओउःकायः पेमालो स्‍याव्‌पै। मरनाथा त तोसा “प्रभुय वाङ्अ दै”

१ कोरीन्‍थी 6:7

दोङ्‌सीलेः इ कायःकाय्ओ तय्‌छनःती योसा काम् मुनाः त झ्‍यान्‍ते नीङ्‌कोः ल्‍हुङ्‌तुक् पेतो खेःबाय्‌ल नीङ् सबैकायः जुगाङ् कुरा क्‍लीमःओलेः मुतेःनै। अरुकुस् कायःकाय्ओसैपाय् लीह्‌सीःओ गोरःसामा पेलेःनाः नीङ्‌कोः सामान् माल्‌ताल्‌लम् अरुइ लाती आलःसामा पेलेःनाः।

१ कोरीन्‍थी 8:13

ओउःत खेःया ङाकोः जेःगा जेःओपाय् अरु ङ्‌हाम्ओ हौचोङ्‌कायः ब्रःताक्‌चाःथास त खेःया लौ ओउः खाल्‌कोः जेःगा ङाइ लयः सीधाङ्‌माखाहाङः गलमा जेःङल।

१ कोरीन्‍थी 9:25

सुसुखे जीतसा बोङःनानी ओउःपाय् गलमा लीङ्‌हाय्‌मामाःत यातैज्‍योः ल्‍हुङ् स्‍याव्‌ती वाह्‌नै। एतलेः वाह्‌लेःनै ओउः तन्‌ती खेलओ मान्‍तालम्‌खे झ्‍योम्‍ह्‌ती वाय्‌सा रोकोः माला ह दोःनै ङीखे गलमा द्योक्‌मालो जीङः दोःनाःतय्‍ही।

२ कोरीन्‍थी 10:1

ङा पावुल् त तोओ नीङ्‌कःहाङः मुतोक्‌खेहाङः “काङ्ओ लेःआः” त ताःतेःनाङ्‌सतो ङाकोः रम्‍ह्‌गखेहाङः “खह्र्ओ” त नोःकाय्‌तीतेः मुतेःनै। लौ ख्रीस्‌कोः काङ्ओ ल्‍हुङ् दोःती ङा नीङ्‌कः द्याह् इतलेः तेनेःनाङ्‌स।

२ थेसलोनिकि 2:2

प्रभु वाङ्‌सा खेःओ दीन् “द्याह्‌पाय् दाह्ओ लेःआः” त तोओ सायःतेःआकानी त खेःया “लौ ल्‍हुङ् रुःमामाःत ब्रःमामाःत ल्‍हुङ् धोमाय्‌तो मुन” त तेती तोनेःनाङ्‌स। “ओउः कुरापाय् पावुल्इ परमेस्‍वर्‌कोः ग्‍वालामःसै दोःती स्‍यान्आताङी चेतीहाङः लेखआताङी” त दाय्‍ह्‌ती यात्‌नीस्‌चाक्इ माःती तोनानी यादो।

तीतस् 3:2

फेरी “अरु सुकायःमा गाल्‌धै बयःतेःचानी। सबैकुस् ङ्र्याःती काङ्‌तोलेः मुन सबैकायः ‘ङापाय् ओउःसै ताङ्‌ह्‌लेःनाङः’ त म्‍हर्‌लाम्” तमा दाय्‍ह्‌ती तोउ

हेब्रैनी 10:25

यात्‌नीस्‌चाक्इलेः अरु ङ्‌हाम्ओलम्‌कुस् हुम्‌ती थनःसाकायः फेआकानी ओउःमयःलो लेखालेः हायःलाम् ओहाङःसैको प्रभु वाङ्‌सा खेःओ दीन् द्याङ्‌तो दाह्‌ती वाङ्‌खेःओहाङः न्‍हाङ्‌तोलेः “हुम्‌लाङ् आल्इ” त दाय्‍ह्‌ती लव्‍ह्‌काय्‌ती तोकाय्‌न।

हेब्रैनी 10:37

“लौ ओउः वाङ्‌सा खेःओ चाक्‌पाय् देङेलेः वाङ्‌नाः ओउःपाय् वाङ्‌साकायः भेक्‌ल।

१ पत्रुस् 1:11

ओउःमयः येसु ख्रीस्‌कोः ग्‍वालामः दोःती “ओउः लोने वाङ्‌सा खेःओ चाक्‌पाय् लीह्‌सीःओ गोरःआक्‌तीको लोने आन पेतोमा तोङ्‌ह्‌तोलेः स्‍याव्‌लेःनाः” त दाय्‍ह्‌ती ङ्‌हासै येसु ख्रीस्‌कोः कुरा छ्यानःआकानी। ओउःच्‍युक्‌पाय् छ्यानःसापाय् छ्यानःनीतो ओउः बेलाहाङः गतलो दाङ्‌नाः गलखा वाङ्‌नाः त चीःसाकायः आन बोङःआकानी।

१ पत्रुस् 4:7

लौ सबै थोक्‌कोः द्युम्ओ बेलाहाङः दाह्‌खेःआ ओउःत झ्‍यान्‍ते घीःओ नीङ्ओ ल्‍हुङ् दोःती परमेस्‍वर्‌कः तेती तोनु दा।

प्रकाश 22:20

इ कुरालम् छ्यानःती तोओचाक्‌पाय् “माः है ङापाय् रेन्‍ह्‌तोलेः वाङ्‌नाङः बा” त दाय्‍ह्‌ती दाय्‍ह्‌लेःनाः। माः प्रभु येसुय रेन्‍ह्‌तोलेः वाङ्‌चाक्अ दै।

प्रकाश 22:7

“लौ ङा रेन्‍ह्‌तोलेः वाङ्‌नाङः बा” त दाय्‍ह्‌ती तोओ लेःआः। सुसुइ इ कीताप्‌हाङः छ्यानःती लेखओ कुरापाय् ल्‍हुङ्‌हाङः सेती गम्‌नानी ओउःपाय् चोङाय्‌सीःतोलेः मुजेःनै।