फीलीपी 4:18 - चेपाङ

¹⁸ द्याह् ङा दप्‌तोलेः दोःआलाङः। नीङ्इ एपाफ्रोदाय्‍तस्‌कुस् ल्‍होक्ओ थोक्‌लम् दोःती ङा प्‍ल्‍याय्‌ती वाय्‌तोलेः स्‍याव्आलाङः। ओउः थोक्‌लम्‌पाय् पेतो सय्‍ङ्ओ उलःसा ल्‍हाओ धुप्‌लो लेखा परमेस्‍वर्‌कायः म्रोताक्‌नौ बा।

फीलीपी 4:18 Cross References

रोमी 12:1

लौ उया पुःचोङ् हौचोङ्‌य परमेस्‍वर्‌इ ङीकायः एतलेः योनःती योआतय्‍ही ओउःत झ्‍यान्‍ते ओउःकायः म्रोताक्‌साकायः रेव्ओसै छय्‍ङ्‌ती पेङ्‌कलःतो स्‍याव्‌ती ओउःकोः काम् जाङ्‌ह्‌सा थेङा परमेस्‍वर्‌कायः लयःकोः आङ्‌मा ल्‍हुङ्‌मा जुदालेः ल्‍हाइसी एतलेः तेती तोनेःनाङ्‌स। ओउःत हायःसापाय् परमेस्‍वर्‌कायः दोङ् पेओ मानसा लेःआः बा।

२ कोरीन्‍थी 11:8

नीङ्‌कःहाङः काम् जाङ्‌ह्‌साकायःपाय् ङाइ जेःगा तुङ्‌गा लेःसाकायः अरु देस्‌कोः ङ्‌हाम्ओलम्‌सै पैसा त्‍याक्आलाङः।

२ कोरीन्‍थी 9:12

दोह् हायःती दाय्‍ह्‌सा एत बयःसा काम् जाङ्‌ह्‌धार्‌नालेः ङ्‌हाम्ओलम्‌कोः राह्ओकायःमा पाःनाःथास परमेस्‍वर्‌कायःमा नाःतोलम्इ ताङ्‌ह्‌ताक्‌ती तोताक्‌नाःथास।

एफेसस् 5:2

ख्रीस्इपाय् ङीकायः राप्‌ती ङीकायः रौ जीङः दोःताक्‌साकायः सीती लयःकोः जीङःपाय् पेतो सय्‍ङ्ओ धुप् उलःओलो लेखालेः परमेस्‍वर्‌कायः म्रोताक्‌ती ल्‍हाआकान्। इतलेः ङीमा राप्ओ ल्‍हुङ् दोःती गलकायःमा वाह्इ।

फीलीपी 4:12

ङा ह्र्यात्‌मा स्‍याव्‌सा धेःआलाङःस साहुमा स्‍याव्‌सा धेःआलाङःस। गाःहाङःमा गलकायःमा ङाइ लयः धेःती चीःनाङः योङ्‌क्राय्ओहाङःमा कोस्‌तोक्‌हाङःमा नाःती नाःओहाङःमा राह्ओहाङःमा सबै लयः धेःती छ्युप्‌ती मुसा खाय्‌नाङः।

२ थेसलोनिकि 1:3

लौ पुःचोङ् हौचोङ्‌य नीङ्इ ङ्‌हाम्‌सापाय् न्‍हाङ्‌तोलेःतेः ङ्‌हाम्‌तेःनानी। लयःमयःकायः राप्‌सापाय् न्‍हाङ्‌तोलेःतेः राप्‌काय्‌तेःनै ओउःत झ्‍यान्‍ते ङीइ परमेस्‍वर्‌कायः गलमा “च्‍युता” त तोसा खेःनाङी।

हेब्रैनी 13:16

अरुलम्‌कायः पेओ काम् जाङ्‌ह्‌ती लव्‍ह्‌काय्‌न दोह् हायःती दाय्‍ह्‌सा ओउःत हायःओमा परमेस्‍वर्‌कायः म्रोताक्‌ती ल्‍हासा थोक्‌लम्‌लो लेखा मुलेःनाः।

१ पत्रुस् 2:5

फेरी ओउः परमेस्‍वर्‌कोः कीम्‌हाङः देती गम्‌सा बाङ्‌लो लेखालेः नीङ् जीङः नाःओलम्‌पाय् छ्युङ्‌ह्ओलेःतेः इ। परमेस्‍वर्‌कायः म्रोताक्‌सा पेओ कुरा ल्‍हासाकायः नीङ् येसु ख्रीस्इ छ्युङ्‌ह्ओ पुरोहीत्‌लो लेखा स्‍याव्‌तेःनै।