फीलीपी 4:10 - चेपाङ

¹⁰ परमेस्‍वर्‌इ पेतो हायःओ त खेःओ ङा आन चोङाय्‌लेःनाङः। दोह् हायःती दाय्‍ह्‌सा आन ज्‍याङःओकायः नीङ्इ ङाकायः बयःमालो खेःतेःइतो द्याह् फेरीलेः नीङ्इ लव्‍ह्‌ती बयःसा बोङःतेःनानाङ्‌स। ओउःत बयःसापाय् ङ्‌हामा म्‍हर्‌ती बोङःतेःनीतो ङाकायः लव्‍ह्‌ती बयःसा दोःआक्‌तेःइली।

फीलीपी 4:10 Cross References

२ कोरीन्‍थी 11:9

फेरी नीङ्‌कःहाङः मुओ बेलाहाङः ङा राह्ओ चीस्‌लम् नीङ्‌कःसै दोह्‌मा त्‍याक्‌ङल मासीदोनीया देस्‌सै वाङ्आ ङ्‌हाम्ओलम्‌कःसै ह त्‍याक्आलाङः। ओउःत हायःतीलेः ङ्‌हासैमा ङाइ सुकायःमा सावःताक्‌नेःनाङ्‌सल लोनेमा सावःताक्‌नेःनाङ्‌सल।

२ कोरीन्‍थी 6:7

परमेस्‍वर्‌कोः ग्‍वम् दोःती ङीइ ओउःकोः दोङ् कुरालेः तोनाङःसु परमेस्‍वर्‌कोः मीक्‌हाङः ङी पेतो स्‍याव्आक्‌तीको ओउःकोः काम् नीङ्‌तोलेः जाङ्‌ह्‌नाङःसु सुइमा ङीकायः क्‍लीमःसा खाय्‌ताङीली।

गालाती 6:10

ओउःत खेःओ ङी पेतो हायःसा दोःनाःतय्‍ही त खेःया सबै मान्‍तालम्‌कायः पेतोलेः हायःनी ङीकोः ङ्‌हाम्ओ पुःचोङ् हौचोङ्‌लम्‌कायः न्‍हाङ्‌तोलेः पेतो जाङ्‌ह्‌सा बोङःनु दा।

गालाती 6:6

सुसु ख्रीस्‌कोः कुरा स्‍यान्‌नाःइसी ओउःपाय् दोह् दोह् पेओ थोक्‌लम् दोःनाः ओउः थोक्‌लम् ओउःकायः स्‍यान्ओ मान्‍ताकायः वेःती बयःपानी।

फीलीपी 1:1

लौ इ चेती ङा पावुल्‌मा तीमोथीमा नीची नीस्‌चाक् येसु ख्रीस्‌कोः नोकरीनीस्इ नीङ् फीलीपी सहर्‌हाङः मुओ ख्रीस्‌कायः ङ्‌हाम्ओलम्‌कायः लेखती ल्‍होक्‌नेःनाङ्‌स. नीङ्‌कायःमा नीङ्‌कोः स्‍यालःओ मान्‍तालम्‌मा परमेस्‍वर्‌कोः काम् जाङ्‌ह्ओलम्‌कायःमा सबैकायः लेखती ल्‍होक्‌नेःनाङ्‌स।

फीलीपी 1:3

नीङ्‌कायः ल्‍हुङ्‌हाङः लाय्ओ बेलाहाङः परमेस्‍वर्‌कायः गलकायःमा “च्‍युता” त तोनाङः।

फीलीपी 2:30

दोह् हायःती दाय्‍ह्‌सा ओउःखे “ङा सीनाङः यादो” त म्‍हर्‌माःत ङाकायः लव्‍ह्‌ती ख्रीस्‌कोः काम् जाङ्‌ह्‌तोक्‌हाङःपाय् दोङ्‌सीलेः सीखेःओ खेःतो। ओउः बेलाहाङः नीङ्‌खेइ ङाकायः लव्‍ह्‌सा खाय्‌तेःनीली त झ्‍यान्‍ते नीङ्‌कोः होन्‍त लव्‍ह्आताङः।