फीलीपी 2:7 - चेपाङ

⁷ लयः झाक्‌तीलेः सबै फेती ओउःइ लयःकायः मीताक्‌ती मान्‍तालो थाङ्‌ती नोकरी काम् जाङ्‌ह्आकान्।

फीलीपी 2:7 Cross References

मत्ती 12:18

“लौ ङाइ छ्युङ्‌ह्ओ आन राप्ओ नोकरी योनु दा। ओउःकः ङा आनलेः म्रोनाङः फेरी ओउःकायः ङाकोः ग्‍वालामःलेः बयःनाङः। ओउःइपाय् ङाकोः तय्‌छनःती योसा कुरालेः सबै जात्‌कोः मान्‍तालम्‌कायः छ्यानःती तोलेःनौ।

मत्ती 20:28

ओउःलो लेखालेः ओउः मान्‍ताकोः चोः त तोओमा अरुकायः ओउःकोः लयःकोः काम् जाङ्‌ह्‌ताक्‌लाङ् वाङ्ओ खेःल अरुकायः ओउःइलेः काम् जाङ्‌ह्‌लाङ् वाङ्‌ती ओउःमयःकायः रेव्ओसै दल्‌ताक्‌सा थेङा सीसा ग्‍याओ खेःतो” त दाय्‍ह्‌ती येसुइ तोआथास।

मर्‌कस् 9:12

“एलीयापाय् दोङ्‌सीलेः ङ्‌हा वाङ्‌ती सबै कुरा पेतो जाङ्‌ह्‌ताक्‌नौ बा। ओउः मान्‍ताकोः चोः त तोओमा आन लीह्‌तो गोरःसा खेःतो ‘ओउःकोः कुरा अरु म्‍हर्‌इली’ त उय्‍ह्‌लेहाङः लेखओआः।

लुका 22:27

सुखे ताङ्‌ह्ओलेः दाय्‍ह्‌सा ओउः जेःगा दोल्‌कावःओ बयःओ नोकरीया जेःगा त्‍याक्‌ती जेःओ मालीक्‌या। जेःगा त्‍याक्‌ती जेःओ मालीक्‌पाय् नोकरीसै ताङ्‌ह्‌लेःनाः त जवतेःनानी माःर। ओउःत नीङ्‌खे हायःतेःनानी ङाखेपाय् नीङ्‌कोः नोकरीलेः स्‍याव्‌ती मुनाङः।

युहना 1:14

ओहाङःसै ओउः नोःराय् त तोओपाय् मान्‍तालेः स्‍याव्‌ती ङीकःहाङः याक्‌ती मुओ खेःतो। ङीकःहाङः याक्‌ती मुतोक्‌हाङः ओउःपाय् दोङ् कुरा स्‍यान्‌ती मान्‍तालम्‌कायः योनःती योती आन बाल्‌ती जाङ्‌ह्आकान्। बेला बेलाहाङः ओउःकायः परमेस्‍वर्‌कोः ल्‍हुङ्‌गोरे चोःलो लेखा अङ्‌ग थङ्‌ग त पेओमा ताङ्‌ह्ओमा च्‍यवःआलाङःसु।

रोमी 1:3

ओउः पेओ नोःराय्‌पाय् ङीकोः प्रभु येसु ख्रीस्‌कोः कुरा लेःआः। येसु ख्रीस्‌त तोओपाय् परमेस्‍वर्‌कोः चोः लेःआः। ओहाङःसैको ओउःपाय् मान्‍ता स्‍याव्‌ती दावुद् राजाकोः प्‍लोमःदाने त तोओ खेःतो।

रोमी 15:3

ओउःतलेः ख्रीस्इलेः हायःआकान् ओउःइपाय् लयःकायः म्रोताक्‌सा गलमा बोङःउलु। ओहाङःसैको इ कुरापाय् परमेस्‍वर्‌कोः आखरःहाङः लेखती मुनाः “लौ नाङ् परमेस्‍वर्‌कायः रेव्‌तो नोःओ कुरापाय् ङाकःहाङः वाङ्ओ लेःआः” त दाय्‍ह्ओ लेखती मुनाः।

रोमी 15:8

दोह् हायःती दाय्‍ह्‌सा यहुदीकोः आय्‌कानः तोकानःलम्‌कायः तोती गम्ओ कुरा ताप्‌ताक्‌साकायः ख्रीस्इलेः परमेस्‍वर्‌कोः दोङ् कुरा छ्यानःती यहुदीलम्‌कायः काम् जाङ्‌ह्‌लाङ् वाङ्ओआः त ङाइ तोनेःनाङ्‌स।

रोमी 8:3

ङी रेव्ओ ल्‍हुङ् नाःओ मान्‍तालम्‌कायःपाय् ओउः आय् ऐन्‌खेइ दल्‌ताक्‌सा खाय्उलु ओउःत झ्‍यान्‍ते परमेस्‍वर्‌इ लयःकोः चोःपाय् मान्‍तालो लेखा स्‍याव्‌साकायः ल्‍होक्आकान्। ङी रेव्‌तो हायःओ मान्‍तालो स्‍याव्आक्‌तीको परमेस्‍वर्‌कोः चोःइ रेव्ओ काम्‌लम् क्‍युम्‍ह्‌ती वाय्‌ताक्‌साकायः लयःकोः आङ् ल्‍हाआकास। एतलेः परमेस्‍वर्‌इ मान्‍ताकोः रेव्ओ काम् न्‍युम्‍ह्‌ताक्‌माआकान्

२ कोरीन्‍थी 13:4

क्‍ल्‍याय्ओ सीङःहाङः सात्ओ बेलाहाङः ख्रीस्‌पाय् ग्‍वम् नाःआक्‌मालो खेःतो। द्याह् परमेस्‍वर्‌कोः ग्‍वम्‌पाय् दोःती ओउःपाय् उह्‌ती च्‍योक्आक्‌तीको सेलःलेः मुनाः। ङीमा ओउःकुस् ब्राङ्‌तीलेः ग्‍वम् नाःमालो खेःङीतो नीङ्‌कायः काम् जाङ्‌ह्‌साकायः ङीमा ओउःकुस् परमेस्‍वर्‌कोः ग्‍वम् दोःती सेलःलेः वाह्‌नाङी।

२ कोरीन्‍थी 8:9

ङीकोः प्रभु येसु ख्रीस्‌लेः आन योनःओ ल्‍हुङ् खेःतो त चीःतेःनानी। ओउःपाय् ङ्‌हालेः आन नाःतो नाःओ खेःतो। नाःसापाय् नाःओलेः खेःतो नीङ्‌कायः नाःतो नाःताक्‌साकायः येसुपाय् ह्र्यात् स्‍याव्‌ताक्आकास।

गालाती 4:4

ओउःतलेः जाङ्‌ह्‌तय्‍ह्‌नीतो क्रोःओ दीन् पुत्आक्‌तीको परमेस्‍वर्‌इ लयःकोः चोः ल्‍होक्आथै। ओउःकोः चोःपाय् मोमःचोःसै दोःओआः ऐन्‌कोः कुरा जाङ्‌ह्‌सा खेःओ मान्‍ता खेःतो।

फीलीपी 2:6

ओउःपाय् परमेस्‍वर्‌लो खेःतो “ङा परमेस्‍वर्‌कायः छुलेःनाङः” त म्‍हर्‌माःत

हेब्रैनी 12:2

ङीकायः स्‍यालःओ येसुकायः जुःतीलेः योनी। ङीइ ङ्‌हाम्ओकायः येसुइ स्‍यालःमानाःतय्‍ही ताप्‌माताक्‌नाःतय्‍ही। ओउःपाय् “लोने पेओ चोङाय्ओ बेला वाङ्‌नाः” त म्‍हर्‌ती ओउः क्‍ल्‍याय्ओ सीङःहाङः आन लीह्‌सीःओ गोरःती लयःकायः दोह्‌तमा म्‍हर्‌माःत अरुकोः मीक्‌हाङः “मीतो स्‍याव्‌पाङः” त म्‍हर्‌ती सीलेःआ। द्याह् ओउःपाय् परमेस्‍वर्‌कोः गुल्‍ह्‌दाङ् स्‍याव्‌ती ओउःकोः ङोय्‌दोसै राजा च्‍युङःसा थाव्‌हाङः मुलेःनाः।

हेब्रैनी 13:3

फेरी झ्‍याल्‍खानहाङः थुनती मुओलम्‌कायः नीङ्‌मा ओउःमयःकुस् मुओलो लेखा ताःती लव्‍ह्‌सा खेःतो एतमा म्‍हेःलाम्। लीह्‌सीःओ गोरःओलम्‌कायः नीङ्‌मा लयः धेःती लीह्‌सीःओ गोरःती मुओलो लेखा योनःतीलेः योनु दा।

हेब्रैनी 4:15

ङीकोः प्रधान् पुरोहीत् येसुकायःपाय् गतलो ङीकायः ल्‍हुङ्‌तुक् थ्‍योन्‍ह्‌ती योओ खेःतो ओउःतलेः थ्‍योन्‍ह्ओ खेःतो ओउःइपाय् रेव्ओ काम् दोह्‌मा जाङ्‌ह्उलु। ओउःइ ङीकायः लयः धेःती झ्‍यान्‍ते ङीकायः थ्‍योन्‍ह्ओ चीःती आन योनःतीलेः योसा खाय्‌नाःतय्‍ही।