18 ओउःतलेः नीङ् ङाकुस् चोङाय्तीलेः मुसा खेःतो।
ओउःत झ्यान्ते नीङ्कायः ङा लीह्सीःओ गोरःनाङः त खेःया “लौ ल्हुङ् घ्युम्तेःचनै” त तोनेःनाङ्स। इ लीह्सीःओपाय् सबै नीङ्कायः पेतो स्याव्ताक्सा थेङालेः गोरःनाङः।
माः रैस नीङ्इ परमेस्वर्कायः जाङ्ह्ओ काम्कुस्मा ओउःकायः ल्हाओ ङ्हाम्राय्कुस्मा ङाकोः होती सीओ वयःमा ल्हाती बयःसा खेःतो त खेःया ङा चोङाय्तीलेः मुनाङः। नीङ्कुस् ङा चोङाय्तीलेः मुनाङः
प्रभुइ ताक्नाःताङः त खेःया देङेलेः नीङ्कःताङ् तीमोथी ल्होक्नेःनाङ्स ओहाङःसै नीङ्कायः गत स्याव्नै त दाय्ह्ओ कुरा सायःआक्तीको ङा ल्हुङ् धोमाय्नाङः।
लौ पुःचोङ् हौचोङ्य प्रभुकायः तय्ह्ती झ्यान्ते चोङाय्तीलेः मुन। इ कुरा पुछ्युङःती लेखसाकायः सावःङल। इ पुछ्युङःती तोओ कुरापाय् नीङ्कायः पेतो चीःताक्ती झ्यान्ते नीङ् ग्रमःत वाह्सा खाय्तेःनौ।
लौ प्रभुकायः तय्ह्ती झ्यान्ते गलकायःमा चोङाय्तीलेः मुन दा। माः रैस ङाइ पुछ्युङःती तोनेःनाङ्स चोङाय्तीलेः मुन दा।
