फीलीपी 2:1 - चेपाङ1 लौ नीङ् ख्रीस्कोः मान्तालम् स्याव्आक्तीको ओउःइ लव्ह्तेःआकाय् माः र। ओउःइ नीङ्कायः राप्ती झ्यान्ते ल्हुङ् धोमाय्तो स्याव्तेःनै। ओउःकोः ग्वालामः नीङ्कुस् मुतेःनै। फेरी लयःमयःकायः नीङ्इ योनःतीलेः योकाय्तेःनै माः र See the chapter |
फीलीपी 2:1
42 Cross References
ओहाङःसैको दीन्का दीन् ओउःमयः ब्राङ्ती परमेस्वर्कोः मन्दीर्ताङ् आल्इतो लःलयःकोः कीम्लम्हाङः हुम्ती लाङ् फन्ह्ती म्रोती जेःनीतो परमेस्वर्कायः लुङ्ती तोती मुओ खेःइतो। ओउःमयःइ तोओ कुरा नाःतो मान्तालम्इ म्रोती सायःनीतो दीन्का दीन् प्रभुइ अरु ङ्हाम्ओ मान्तालम् दल्ताक्ती ओउःमयःकःताङ् पाःती त्योम्ताक्आकान्।
ओहाङःसै परमेस्वर्कोः ग्वालामःमा ङी ध्यव्ओ मान्तालम्कायः लव्ह्साकायः वाङ्लेःनाः दोह् हायःती दाय्ह्सा ङीइ परमेस्वर्कायः पेतो तेती तोसा चीःतय्ह्नीली। ओउःत झ्यान्ते ङीकोः पेतो नोःसा खाय्मालो ङान्ह्ती नोःओ कुराकायः “पेतो नोःपनै” त दाय्ह्ती ओउःकोः ग्वालामःइ इ कुरा पाःती नोःती ङीकायः परमेस्वर्कः तेती तोनाःतय्ही।
लौ परमेस्वर्कायः “च्युता” त तोपाःथै दोह् हायःती दाय्ह्सा परमेस्वर्इ स्याव्ताक्ती झ्यान्ते ङी सैतान्कायः क्लीमःओलम् स्याव्ती ख्रीस्कुस् वाह्नाःतय्ही। म्हय्ङ्तो सय्ङ्ओलम् गाःताङ्मा थुह्ती आल्नाः ओउःलो लेखालेः ओउःकोः कुरा छ्यानःती चीःताक्साकायः परमेस्वर्इ ङीकायः सबै थाव्ताङ् ल्होक्आताङी।
ओउःपाय् ल्हुङ्खेकोः रेव्ओ कुराखे लेःआः। परमेस्वर्कोः ग्वालामःखेकोः पेओ कुराखे इलेःआः। राप्ओ ल्हुङ्मा चोङाय्ओ धोमाय्ओ ल्हुङ्मा लीह्सीःओ गोरःओ पेओ योनःती योओ ल्हुङ्मा ङ्हाम्सीःओ काङ्ओ रेव्तो जाङ्ह्सा ग्यामालो ल्हुङ्मा लयःकायः मीतो योओमा ओउः सबैलेः परमेस्वर्कोः ग्वालामःइ बयःओ कुरालेः ऐन्इ ताक्मालो कुरा खेःल।
ओउःतलेः हायःइसीतो ओउःमयःखे खेःल ङीखे परमेस्वर्कोः मान्तालम्कोः दोङ् चीन्हलेः दोःआतय्ही दोह् हायःती दाय्ह्सा ङीइलेः परमेस्वर्सै ओउःकोः ग्वालामः दोःती ओउःकायः पेतो ताङ्ह्ताक्नाःतय्ह्नी। येसु ख्रीस्सै रौ जीङः दोःती ङीलेः चोङाय्ती मुनाःतय्ही। ङीपाय् मान्तालम्इ जवओ कुराकायः ङ्हाम्तय्ह्नीली।
एतलेः तोतीमा कीरीया जेःतीमा परमेस्वर्इ नीस्ज्योः जुगाङ् क्लोय्क्सा खाय्मालो कुरा गम्आकान्। इनीस् कुराकायःमा दोह् कुराकायःमा ओउःइ गलमा माःसा खाय्उलु। ओउःत झ्यान्ते “ङी परमेस्वर्कःताङ् दल्साकायः वाङ्ओलम् ओउःकोः तोती गम्ओ कुरा दोःनाःतय्ही” त दाय्ह्ती चीःती ल्हुङ् धोमाय्तो स्याव्नाःतय्ही।
नीङ्कायःपाय् “लौ ङाकोः लयःकोः मान्तालम् स्याव्पै” त दाय्ह्ती परमेस्वर्इ आपाइ लयः झाक्तीलेः छीङ्ह्तेःआकाय्। ओहाङःसैको एत हायःती येसु ख्रीस्कोः वयःइ रेव्ओसै छय्ङ्ताक्साकायःमा ओउःकोः काम् ग्याताक्साकायःमा परमेस्वर्कोः ग्वालामःइ नीङ्कायः गम्तेःआकाय्। लौ नीङ्कायः परमेस्वर्इ न्हाङ्तोलेः योनःती योती आन पेतोलेः ल्हुङ् धोमाय्ताक्तेःपै।
Advertisements