फीलीपी 1:8 - चेपाङ

⁸ दोङ्‌सीलेः ङाइ नीङ्‌कायः येसु ख्रीस्इलो लेखालेः झाह्‌नेःनाङ्‌स एतलेः परमेस्‍वर्‌इ चीःआनौ।

फीलीपी 1:8 Cross References

लुका 1:78

एतलेः ङीकोः पेओ काङ्ओ परमेस्‍वर्‌इ नया दीन्‌कोः न्‍याम् थोङ्‌ताक्‌ती झ्‍यान्‍ते च्‍याक्ओपाय् क्रव्‌ताक्‌लेःनाः। ओउःलो लेखालेः परमेस्‍वर्‌कोः नया कुरा वाङ्आक्‌तीको लयः सीओकः रैती वाह्ओ मान्‍तालम् ओउः कुरा ङ्‌हाम्आक्‌तीको सीओकः रैमाःत ल्‍हुङ् धोमाय्‌तो मुनै” त दाय्‍ह्‌ती युहनाकोः आपा दाय्‍ह्आ।

रोमी 1:9

इ ङाइ तोओ कुरापाय् दोङ् कुरा लेःआः त परमेस्‍वर्‌इ चीःनौ बा। ओउःकायः ङाइ म्‍ह्याङ्‌तो ल्‍हुङ्इ ओउःकोः चोःकोः पेआ नोःराय् थोल्‍ह्‌तो तोओ काम् जाङ्‌ह्‌ती मुनाङः। ओहाङःसै नीङ्‌कायःपाय् ङाइ गलकायःमा दीःमामाःत परमेस्‍वर्‌कः तेती तोनेःनाङ्‌स ओउःत परमेस्‍वर्‌इ चीःलेःनौ।

रोमी 9:1

ङाइ द्याह् तोसा खेःओ कुरापाय् दोङ् कुरालेः खेःनाः बा। ङापाय् ख्रीस्‌कोः लेःआः ओहाङःसैको ङा ल्‍हुङ्‌हाङःपाय् परमेस्‍वर्‌कोः ग्‍वालामःकोः कुरा जुगाङ् म्रोती जाङ्‌ह्‌ती झ्‍यान्‍ते माःसा खाय्‌ङल।

२ कोरीन्‍थी 13:9

ङीखे मीतो नीङ्‌खे ताङ्‌ह्‌तो स्‍याव्‌तेःनै त खेःया ङी चोङाय्‌नाङी। नीङ् जुगाङ् पेतो स्‍याव्‌नै त झाक्‌ती ङी परमेस्‍वर्‌कः तेती तोनेःनाङ्‌स।

२ कोरीन्‍थी 6:12

ङीखेइ नीङ्‌कायः ल्‍हुङ् फुस्‌ती नोःसा ग्‍यानाङी नीङ्‌खेइ ङीकायः फुस्‌ती नोःसा ग्‍यातेःइली।

२ कोरीन्‍थी 7:15

ओउःकायः नीङ्इ रैतीमा ग्‍यातीमा रोम्‌तेःआकानी त गीलती तीतस् आन ल्‍हुङ् म्रोतीलेः मुनाः।

गालाती 1:20

इ ङाइ लेखओ कुरापाय् दोङ् कुरा लेःआः बा त दाय्‍ह्‌ती ङाइ परमेस्‍वर्‌कोः मीक्‌हाङः तोनेःनाङ्‌स।

गालाती 3:26

दोह् हायःती दाय्‍ह्‌सा येसु ख्रीस्‌कायः ङ्‌हाम्‌ती झ्‍यान्‍ते द्याह् नीङ् सबै परमेस्‍वर्‌कोः चोःलम् स्‍याव्‌तीतेः मुतेःनै।

गालाती 4:19

लौ हौलम्‌य चोः ओत्ओ मोमःचोःलो लेखा ङामा ल्‍हुङ् स्‍युङ्‌लेःती मुनाङः नीङ् ख्रीस्‌लो लेखा स्‍याव्‌धाङ्‌माखाहाङः ओउःत लीह्‌सीःओ गोरःलेःनाङः

फीलीपी 2:1

लौ नीङ् ख्रीस्‌कोः मान्‍तालम् स्‍याव्आक्‌तीको ओउःइ लव्‍ह्‌तेःआकाय् माः र। ओउःइ नीङ्‌कायः राप्‌ती झ्‍यान्‍ते ल्‍हुङ् धोमाय्‌तो स्‍याव्‌तेःनै। ओउःकोः ग्‍वालामः नीङ्‌कुस् मुतेःनै। फेरी लयःमयःकायः नीङ्इ योनःतीलेः योकाय्‌तेःनै माः र

फीलीपी 2:26

द्याह् ओउःपाय् नीङ्‌कायः आन झाह्‌ती ल्‍हुङ् र्‍याङःतोलेः मुनाः दोह् हायःती दाय्‍ह्‌सा “ओउःपाय् आन जीक्‌नाः” त दाय्‍ह्ओ ओउःकायः कुरा सायःताङःतेःआकानी।

फीलीपी 4:1

लौ उया ङाइ आन राप्ओ आन झाह्ओ पुःचोङ् हौचोङ्‌य नीङ् पेतो स्‍याव्‌ती झ्‍यान्‍ते ङापाय् आन चोङाय्‌तो आन म्रोतोलेः मुनाङः। ओउःत खेःओ प्रभुकोः काम् फेमाःत ङाइ तोओलो लेखालेः क्रोङ्ओ ल्‍हुङ्इ पेतो जाङ्‌ह्‌धै मुन।

कोलसी 2:1

दोङ्‌सीलेः नीङ्‌कायः ङाइ हारीनःती काम् जाङ्‌ह्आलाङः बा। नीङ्‌कायःमा ओउः लाओदीकीयाहाङः मुओलम्‌कायःमा अरु ङाकायः च्‍यवःमालो मान्‍तालम्‌कायःमा ङाइ आन हारीनःती जाङ्‌ह्आलाङःसु बा ओउःत नीङ्‌कायः चीःताक्‌चेःनाङ्‌स।

कोलसी 3:12

नीङ्‌पाय् परमेस्‍वर्‌कोः मान्‍तालम् लेःतेःइ। नीङ्‌कायः राप्‌ती छीङ्‌ह्‌ती छय्‍ङ्‌ताक्‌तेःआकाय् ओउःत झ्‍यान्‍ते योनःओ काङ्ओ मीतो स्‍याव्‌सा गोरःसा ग्‍याओ ल्‍हुङ् दोःती वाह्‌न।

१ थेसलोनिकि 2:5

ङीइ फोल्‍यावःती तोसाकायः वाङ्‌माङीली लयःकायः क्‍युती लेःसाकायः माःतीलेः वाङ्‌माङीली ओउःत चीःतेःनानी परमेस्‍वर्‌इमा इत चीःनौ बा।

१ थेसलोनिकि 2:8

ङीइ नीङ्‌कायः ओउःच्‍युक् राप्‌ती झ्‍यान्‍ते परमेस्‍वर्‌कोः पेओ समचार्‌ तोलाङ् वाङ्ओ ह खेःल नीङ्‌कायः ङीइ लयःकोः जीङःमा बयःसा ग्‍याआलाङी ओउःच्‍युक्‌लेः राप्‌नेःआलाङ्‌सु।

२ तीमोथी 1:4

ओउःत तेती तोतोक्‌हाङः नीची वेङ्‌काय्‌सा बोङःओ बेलाहाङः नाङ् र्‍याःओपाय् गीलती नाङ्‌कायः फेरी योसा आन झाह्‌लेःनाङः। नाङ्‌कुस् क्रुस्‌सा दोःनाङः त खेःया ङापाय् जुगाङ् चोङाय्‌तो स्‍याव्‌नाङः।

फीलेमोन् 1:12

ओउः ङाकोः ल्‍हुङ्‌गोरे चोःपाय् ङाइ द्याह् नाङ्‌कायः पाय्‍ह्‌लाङ् ल्‍होक्‌नेःनाङ्।

फीलेमोन् 1:20

लौ उया हौय ङाकायःमा प्रभुकायःमा नाङ्‌कः ङा तेओलो लेखालेः ओउःत पेतो जाङ्‌ह्‌ताङःच। नीची ख्रीस्‌कोः मान्‍ता लेःआः ङच ङाकायः ल्‍हुङ् धोमाय्‌ताक्‌चाक्‌ची दा।

१ युहना 3:17

फेरी पैसा नाःओ मान्‍ताखे ह्र्यात् हौखेकः ल्‍हुङ् योनःमाःत र्‍युम्‌तो स्‍याव्‌नाः त खेःया ओउः नाःओ मान्‍तापाय् परमेस्‍वर्‌कोः राप्ओ ल्‍हुङ् चीःउलु बा।