फीलीपी 1:3 - चेपाङ

³ नीङ्‌कायः ल्‍हुङ्‌हाङः लाय्ओ बेलाहाङः परमेस्‍वर्‌कायः गलकायःमा “च्‍युता” त तोनाङः।

फीलीपी 1:3 Cross References

रोमी 6:17

लौ परमेस्‍वर्‌कायः “च्‍युता” त तोसा लेःआः दोह् हायःती दाय्‍ह्‌सा नीङ् ङ्‌हापाय् रेव्ओकोः नोकरीलेः खेःतेःइतो लोने ओउः नीङ्‌कायः स्‍यान्‌ती तोओ दोङ् कुरापाय् ङ्‌हाम्‌ती नीङ्इ ल्‍हुङ्‌हाङः ग्‍याती जाङ्‌ह्‌तेःआकानी।

१ कोरीन्‍थी 1:4

येसु ख्रीस्इलेः नीङ्‌कायः आन बयःतेःआकाय् त झ्‍यान्‍ते नीङ्इ सबै कुरा व्‍हाय्‌ती चीःती नोःसा खाय्‌तेःनानी ओउःत झ्‍यान्‍ते ङाइ गलकायःमा परमेस्‍वर्‌कायः “च्‍युता” त तोलेःनाङः।

१ थेसलोनिकि 3:9

द्याह् नीङ् पेतोलेः मुनै त चीःती ङी आन चोङाय्‌तीलेः परमेस्‍वर्‌कायः “च्‍युता” त तोनाङःसु।

२ थेसलोनिकि 1:3

लौ पुःचोङ् हौचोङ्‌य नीङ्इ ङ्‌हाम्‌सापाय् न्‍हाङ्‌तोलेःतेः ङ्‌हाम्‌तेःनानी। लयःमयःकायः राप्‌सापाय् न्‍हाङ्‌तोलेःतेः राप्‌काय्‌तेःनै ओउःत झ्‍यान्‍ते ङीइ परमेस्‍वर्‌कायः गलमा “च्‍युता” त तोसा खेःनाङी।

२ तीमोथी 1:3

ङाकोः आय्‌कानः तोकानःलो लेखालेः परमेस्‍वर्‌कायः चीःओ नीङ्ओ ल्‍हुङ्इ ओउःकोः काम् जाङ्‌ह्‌लेःनाङः। ओउःत हायःतोक्‌हाङः नाङ्‌कोः कुरा गीलती ङाइ आन “च्‍युता” त दाय्‍ह्‌ती न्‍हीदीङ् याह्‌दीङ्‌मा गलकायःमा तेती तोझुङ्‌नाङः।