फीलीपी 1:29 - चेपाङ

²⁹ नीङ्‌पाय् दोह् हायःती ग्रमःत मुसा खेःतो दाय्‍ह्‌सा नीङ्‌कायःपाय् ङ्‌हाम्‌साकायः झुङ्आले खेःल ख्रीस्‌कायः नीङ्इ लीह्‌सीःओ गोरःसाकायःमा छ्युङ्‌ह्‌तेःइतो।

फीलीपी 1:29 Cross References

मत्ती 16:17

“लौ योनाह्‌कोः चोः सीमोन् त तोओ नाङ्‌कायः परमेस्‍वर्‌ आन पेतो दोःताक्‌तेःआ बा। नाङ्इ देङी त्‍याङ्ओ कुरा मान्‍तालम्इ स्‍यान्ओ खेःल ङाकोः परमेस्‍वर्‌ आपाइ ह स्‍यान्‌ती बयःओ लेःआः।

खबरदुत 13:39

मोसाइ बयःओ ऐन् चीःओ मान्‍तालम् लयःकोः रेव्ओ काम्‌लम् लयःइलेः फेसा खाय्‌नीली येसुकायः ङ्‌हाम्‌ती ह मान्‍तालम्‌कायः इ रेव्ओ काम्‌लम् फेताक्‌सामा क्‍युम्‍ह्‌ताक्‌सामा दोःनाः।

खबरदुत 14:22

ओहाङःकोः येसुकोः ङ्‌हाम्ओलम्‌कायः लव्‍ह्‌ती तोआकाचु “लौ येसुकोः कुरा फेमाःत ग्रमःतलेः ङ्‌हाम्‌लेःआनु। लीह्‌सीःओ च्‍यवःओहाङःमा फेलाम् ग्रमःत मुन। लीह्‌सीःओमा हेलामा गोरःती ङी परमेस्‍वर्‌कोः राजीताङ् दाह्‌नाःतय्‍ही बा” त दाय्‍ह्‌ती स्‍यान्आथास।

खबरदुत 14:27

हुम्‌ती वाङ्आक्‌तीको परमेस्‍वर्‌इ पेतो जाङ्‌ह्‌ताक्ओ कुरामा ओउःइ यहुदी खेःमालोलम्‌कायः ङ्‌हाम्‌सा ताक्ओ कुरामा ओउःनीस्इ सबै ल्‍हाक्‌ती तोआकाचु।

खबरदुत 5:41

फेआक्‌तीको ओउः छ्युङ्‌ह्ओमयःलम् सभासै ग्‍ल्‍युङ्‌ह्‌ती “लौ येसुकोः कुरा तोसाकायः परमेस्‍वर्‌इ ङीकायः लीह्‌सीःओ च्‍यवःसा ताक्आतय्‍ही बा” त चोङाय्‌तीलेः पाय्‍ह्आकाय्।

रोमी 5:3

ओउःत तय्‍ह्ओकायः म्रोनाःतय्‍ही फेरी ङी लीह्‌सीःओ च्‍यवःसाकायःमा म्रोनाःतय्‍ही दोह् हायःती दाय्‍ह्‌सा लीह्‌सीःओ गोरःओ मान्‍तापाय् ग्रमःतलेः स्‍याव्‌नाः

एफेसस् 2:8

नीङ् ख्रीस्‌कोः कुरा ङ्‌हाम्ओलम्‌पाय् परमेस्‍वर्‌इ योनःती योती दल्‌तेःताक्‌तेःआकाय् ओउःत हायःओपाय् नीङ्इ जाङ्‌ह्ओ काम् खेःल परमेस्‍वर्‌इ लयः जाङ्‌ह्ओआः बा।

कोलसी 2:12

बाप्‍तीस्‍मा त्‍याक्ओहाङः ख्रीस्‌कुस् पाम्‍ह्ओलो लेखा स्‍याव्‌तेःआकाय्। ख्रीस्‌कायः च्‍योक्‌ताक्ओ परमेस्‍वर्‌कोः ग्‍वम्‌कायः नीङ्इ ङ्‌हाम्‌तेःआकानी त झ्‍यान्‍ते बाप्‍तीस्‍मा त्‍याक्ओहाङःमा ख्रीस्‌कुस्‌मा उह्‌ती च्‍योक्‌ताक्‌तेःआकाय्।

याकुब् 1:2

लौ पुःचोङ् हौचोङ्‌य नीङ्इ दोह् दोह् खाल्‌कोः लीह्‌सीःओ च्‍यवःतेःनानी त खेःया ओउः बेलाहाङः “चोङाय्‌तोलेः मुपाङी” त दाय्‍ह्‌ती ताःइसी

१ पत्रुस् 4:13

ओउः लीह्‌सीःओ नीङ्इ ख्रीस्‌कुस्इलेः गोरःतेःनानी ओउःत झ्‍यान्‍ते म्रोतोलेः मुन ओहाङःसैको लोनेः ओउः ताङ्‌ह्‌तो स्‍याव्ओ दीन्‌हाङः नीङ् आन चोङाय्‌तोलेः स्‍याव्‌तेःनै।