फीलीपी 1:22 - चेपाङ

²² सेलः मुओहाङः पेओ काम् जाङ्‌ह्‌सा खाय्‌नाङः ओउःत झ्‍यान्‍ते गाव्‌खे पेनाः।

फीलीपी 1:22 Cross References

खबरदुत 3:17

लौ पुःलम् हौलम्‌य नीङ्इमा नीङ्‌कोः ताङ्‌ह्ओ मान्‍तालम्‌मा चीःमाःतपाय् एत जाङ्‌ह्‌तेःआकानी। ओउःत ङाइ चीःलेःनाङः।

रोमी 1:13

लौ पुःचोङ् हौचोङ्‌य नीङ्‌कायः क्रुस्‌लाङ् वाङ्‌सा आन बोङःझुङ्‌ङोतो वाङ्‌सापाय् दोःधाङ्‌ताङःल इत नीङ्इ चीःसा खेःतो। वाङ्आक्‌तीको अरु थाव्‌हाङः मुओ यहुदी खेःमालोलम्‌लो लेखालेः नीङ्‌कायःमा पेतो स्‍याव्‌ताक्‌सा आन झाक्‌लेःनाङः।

रोमी 11:2

परमेस्‍वर्‌इपाय् ङ्‌हासैलेः छीङ्‌ह्ओ मान्‍तालम्‌कायः फेओ खेःल बा। एतलेः उय्‍ह्‌लेकोः एलीयाइ परमेस्‍वर्‌कः तेती तोओ कुरा आखरःहाङः लेखती मुनाः त नीङ्इ चीःतेःनानी।

२ कोरीन्‍थी 10:3

ल्‍हाव्‍ह्‌दैबाङ्‌हाङः ङी मुसापाय् मुङीतो ल्‍हाव्‍ह्‌दैबाङ्‌कोः काम् जाङ्‌ह्‌साकायः काय्‌काय्‌ङीली।

गालाती 2:20

ख्रीस्‌कुस् ङा क्‍ल्‍याय्ओ सीङःहाङः सीङोतो द्याह् ङा उह्‌ती रौ जीङः दोःतीलेः मुनाङः। लयः ह खेःल ख्रीस्‌कुस् ब्राङःती रौ जीङः दोःतीलेः मुनाङः बा। द्याह्‌पाय् ङाकायः राप्‌ती सीओ परमेस्‍वर्‌कोः चोःकायःलेः ङ्‌हाम्‌ती ङा आङ्‌हाङः मुतोक्‌हाङः रौ जीङः नाःती वाह्‌नाङः।

फीलीपी 1:23

सीसाया स्‍याक्‌साया गाव् पेनाः त चीःङल। इ ल्‍हाव्‍ह्‌दैबाङ् फेती ख्रीस्‌कुस् मुसा आन झाक्‌नाङः ओउःत हायःओपाय् न्‍हाङ्‌तोलेः पेनाः।

फीलीपी 1:24

ओउःत हायःसा ङाखेकायः पेसापाय् पेलेःनाः सेलः मुती नीङ्‌कायः स्‍यान्‌सामा लुङ्‌सामा ओउःपाय् नीङ्‌खेकायः न्‍हाङ्‌तोलेः पेलेःनाः।

कोलसी 2:1

दोङ्‌सीलेः नीङ्‌कायः ङाइ हारीनःती काम् जाङ्‌ह्आलाङः बा। नीङ्‌कायःमा ओउः लाओदीकीयाहाङः मुओलम्‌कायःमा अरु ङाकायः च्‍यवःमालो मान्‍तालम्‌कायःमा ङाइ आन हारीनःती जाङ्‌ह्आलाङःसु बा ओउःत नीङ्‌कायः चीःताक्‌चेःनाङ्‌स।

१ पत्रुस् 4:2

ल्‍हाव्‍ह्‌दैबाङ्‌हाङः मुतोक्‌हाङः ओहाङःकोः रेव्‌तो मोह्‌हाय्ओलम् ग्‍यामाःत परमेस्‍वर्‌कोः झाक्ओ कुरा जाङ्‌ह्‌नु।