लुका 19:44 - चेपाङ44 ओहाङःसैको सहर् पोक्ती नीङ्कायःमा नीङ्कोः मान्तालम्कायःमा जुदालेः सात्तेःनै। ओउःत हायःआक्तीको नीङ्कोः सहर्पाय् जुगाङ् वाय्तोलेः स्याव्नाः ह्र्योङःती वाय्आक्तीको यातैज्योः देती मुओ बाङ्पाय् च्यवःल बा। इत दोह् हायःती स्याव्लेःनाः दाय्ह्सा परमेस्वर्इ ल्होक्ओ नीङ्कायः दल्सा खाय्ओचाक् वाङ्ओ बेलाहाङःपाय् नीङ्इ तय्ह्तेःनीली ओउःत झ्यान्ते नीङ् वाय्तोलेः स्याव्तेःनै” त दाय्ह्ती येसु दाय्ह्आ। See the chapter |