फिलिप्पियों 4:9 - चम्बयाली नौआ नियम

⁹ जे गल्लां तुसा मेरे का सिख्खे री हिन, ते अपणाई ते सूणी, ते मेरे बिच दिख्खी, तिन्हेरे जो ही मन्नेयां करों, तां सांती रे परमेश्वर ने तुसा कने रैह्णा।

फिलिप्पियों 4:9 Cross References

मत्ती 1:23

“दिख्खो, इक्क कुंवारी ने दुपराणी होणा ते तिसने इक्क निक्के जो जमणा, ते तिसेरा नां इम्मानुएल रख्खेया जाणा, जिसेरा मतलब हुन्दा, ‘परमेश्वर असा रे कन्ने हिन।’”

मत्ती 28:20

से सब हुकम जे मैं तुसा जो दित्ते हिन, उन्हा जो उन पर चलणा सिखाओ: अते याद रख्खो, कि मैं दुनिया रे अंत तक हमेसा तुसा रे कने है।

मत्ती 7:21

“प्रभु-प्रभु बोलणे वाला हर मणू स्वर्ग रे राज अन्दर नी जाई पाणा बल्कि से जे मेरे स्वर्ग अन्दर रैह्णे वाले परम-पिता री मरजी पर चलदा तिन्ने अन्दर जाई पाणा।”

लूका 6:46

फिरी यीशु ने बोल्लेया, तुसा मेरे जो ओ प्रभु जी, ओ प्रभु जी, किजो बोलदे रैह्‍न्दे, जदकी तुसा मेरी गल्लां जो मनणे तांइ तैयार नी हिन?

लूका 8:21

यीशु ने बोल्लेया, मेरी मां अते भ्याल तां ए हिन जे परमेश्वर रे वचन जो सूणदे अते तिन्हा पर चलदे

यूहन्ना 13:17

अवे तुसा ए गल्लां जाणदे हिन, ते जे उन्हा रे हिसाब कने चलो तां तुसा धन्न हिन।

यूहन्ना 15:14

जे हुकम मैं तुसा जो दित्तेया, जे तुसा तिसजो मनगे, तां ही तुसा मेरे दोस्त हिन।

यूहन्ना 2:5

तिसेरी मां ने नौक्करां जो बोल्लेया, जे किच्‍छ से तुसा जो बोलदा, तिय्यां ही करेयो।

प्रेरितां रे कम्म 9:6

पर अवे उठी करी कस्बे बिच जा, अते जे तेरे जो करणा है से तेरे जो दस्सी दित्तेया जाणा,

रोमियों 15:33

सांती रा परमेश्वर, तुसा सबणी कन्ने रैह्ण। आमीन!

रोमियों 16:20

सांती रा परमेश्वर ने बड़े तौले ही शैतान री ताकत जो मुकाई दैणा ते तिसजो तुसा रे पैरा हेठ करी दैणा, असा रे प्रभु यीशु मसीह री अनुग्रह तुसा पर हुंदी रैह्णी।

1 कुरुन्थियों 10:31

इधेरे तांइ आखिर बिच मैं तुसा कने ए ही बोलणा चाह्‍ंदा कि तुसा चाए खाओ, चाए पीयो, चाए जे किच्‍छ भी करो, सब किच्‍छ परमेश्वर री बड़ाई तांइ करो।

1 कुरुन्थियों 14:33

किजोकी परमेश्वर गड़बड़ी रा नी पर एकता ते सांती रा परमेश्वर है। ते ए तरिक्का परमेश्वर रे लोक्कां री सारी कलीसिया बिच मन्नेया जांदा,

1 कुरुन्थियों 4:16

इधेरे तांइ मैं तुसा रे छंदे करदा कि तुसा मेरे सांई जिन्दगी जियो।

2 कुरुन्थियों 13:11

ओ मेरे संगी विश्वासियों, खुस रेयो; ते मसीह बिच विश्वास करणे बिच सिद्व बणदे जाओ; अप्पु-मिते इक्क मन बणी करी रेयो, ते प्यार ते सांती दैणे वाले परमेश्वर तुसा कने रैह्णा।

फिलिप्पियों 3:17

ओ मेरे संगी विश्वासियों, तुसा सारे मेरे सांई जिन्दगी जियो ते मसीह री सेवा करणे वाले असा रे साथियां का सिख्खो जे असा सांई जिन्दगी जिया करदे हिन।

फिलिप्पियों 4:7

तां परमेश्वर री सांती जे सारी समझ का परे है, तुसा रे दिल ते तुसा री सोच्चां जो मसीह यीशु बिच बचाई करी रखगी।

1 थिस्सलुनीकियों 1:6

अते बड़ी मुसीबतां रे बिच तुसा ने पवित्रात्मा का मिलणे वाली खुसी कने सुब बसेख जो अपणाया ते प्रभु अते असा सांई जिन्दगी जीणा लगे।

1 थिस्सलुनीकियों 2:14

इस तांइ तुसां, ओ संगी विश्वासियों, परमेश्वर रे तिन्हा कलीसिया रे लोक्कां सांई जिन्दगी जीणा लगे जे यहूदियां प्रदेश बिच मसीह यीशु बिच हिन किजोकी तुसा भी अपणे ही प्रदेश रे लोक्कां का तैसा ही दुख पाया जदेया तिन्हा ने यहूदियां प्रदेश का पाया,

1 थिस्सलुनीकियों 5:23

ते परमेश्वर जे तुसा जो सांती दिंदे अप्पु ही तुसा जो पूरे तरिक्के कने पवित्र करण ते असा रे प्रभु यीशु मसीह रे हटी आणे तिकर तुसा री पूरी आत्‍मा ते पूरे प्राण ते पूरा सरीर कने बेकसूर ते सुरक्षित रे।

2 थिस्सलुनीकियों 3:4

असा जो प्रभु बिच ए भरोस्सा है कि तुसा असा रे दित्ते रे सारे हुकमां जो मनदे ते तुसा अग्गे भी मनदे रैह्णा।

2 तीमुथियुस 4:22

मैं प्रार्थना करदा कि परमेश्वर तुसा कने रे ते तिन्हेरा अनुग्रह भी तुसा पर हुंदा रे।

याकूब 1:22

ते सिर्फ परमेश्वर रे वचन जो सुनणे वाले मत बणो जे अप्पु जो ही धोखा दिदें, पर तिसजो मनणे वाले भी बणो।

2 पतरस 1:10

इधेरे तांइ ओ संगी विश्वासियों, होर भी जादा कोसीस करो कि तुसा इस तरिक्के कने रेयो कि जिस कने लोक्कां जो पता चले कि हकीकत बिच परमेश्वर ने तुसा जो सद्देया ते चुणे रा है। जे अगर तुसा इय्यां करगे, तां तुसा कदी भी परमेश्वर का अलग नी होणा।

1 यूहन्ना 3:22

अते जे असी किच्‍छ तिन्हा का मंगदे, से असा जो दिंदे किजोकी असी तिसेरे हुकमां जो मनदे, अते से ही करदे, जे तिसजो खरा लगदा