फिलिप्पियों 4:7 - चम्बयाली नौआ नियम

⁷ तां परमेश्वर री सांती जे सारी समझ का परे है, तुसा रे दिल ते तुसा री सोच्चां जो मसीह यीशु बिच बचाई करी रखगी।

फिलिप्पियों 4:7 Cross References

लूका 1:79

जे मणू परमेश्वर जो नी जाणदे से इदेय हिन कि जिय्यां से मौत रे साये बिच बैठ्ठे रे हिन, ते हमेसा री मौत री खतरे बिच हिन जे कि नरक है, इधेरे तांइ परमेश्वर री रौसनी तिन्हा लोक्कां जो परमेश्वर रे सांती रे रस्ते पर लेई चलणा।

लूका 2:14

“स्वर्ग अन्दर परमेश्वर री बड़ाई हो, ते दुनिया अन्दर तिन्हा मणूआं अन्दर सांती हो जिन्हा कने परमेश्वर खुस हिन।”

यूहन्ना 14:27

“मैं तुसा जो अपणी सांती देई करी जाया करदा है। जदेई सांती दुनिया रे मणू दिंदे तैसी सांती नी। तुसा रे दिल दुखी ना हो, ते ना ही डरे।”

यूहन्ना 16:33

ए गल्लां मैं तुसा रे कने बोल्ली हिन कि तुसा जो मेरे जरिए सांती मिल्लो, दुनिया बिच तुसा जो तकलिफां मिल्ली हिन, पर हिम्मत रख्खो किजोकी मैं इस दुनिया रे सरदार, शैतान जो हराई दित्ते रा है।

रोमियों 1:7

मैं ए चीठ्ठी रोम सहर बिच रैह्णे वाले तुसा सारे विश्वासियां जो लिख्खेया करदा है, जिन्हा जो परमेश्वर प्यार करदे ते जिन्हा जो तिन्हा ने अपणे मणू बणने तांइ चुणे रा है। परमेश्वर पिता ते मसीह यीशु तुसा जो अनुग्रह ते सांती दैण।

रोमियों 14:17

किजोकी परमेश्वर रे राज बिच खाणा-पीणा नी है, पर धार्मिकता, मेल जोल ते से सांती है, जे पवित्रात्मा कने हुन्दा।

रोमियों 15:13

मैं आस दैणे वाले परमेश्वर का प्रार्थना करदा, कि तुसा जो विश्वास करणे बिच पूरे तरिक्के खुसी ते सांती दे, ताकि पवित्रात्मा री ताकत कने तुसा री उम्मीद बदधी जाओ।

रोमियों 5:1

इधेरे तांइ परमेश्वर ने असा जो मसीह बिच विश्वास करणे रे जरिये धार्मिक ठैहराया। ते प्रभु यीशु मसीह रे जरिये असा रा परमेश्वर कने मेल-मिलाप होया।

2 कुरुन्थियों 10:5

असी इन्सानी बैह्सबाजी ते घमंड री वजह कने आणे वाली हर इक्क बाधा जो तोड़ी दिंदे जे लोक्कां जो परमेश्वर जो जानणे का दुर रखदी। ते असी तिन्हेरे हर इक्क चाहत जो काबू बिच करी के, तिन्हा जो मसीह यीशु री गल्ल मनणे वाले बणांदे।

2 कुरुन्थियों 13:11

ओ मेरे संगी विश्वासियों, खुस रेयो; ते मसीह बिच विश्वास करणे बिच सिद्व बणदे जाओ; अप्पु-मिते इक्क मन बणी करी रेयो, ते प्यार ते सांती दैणे वाले परमेश्वर तुसा कने रैह्णा।

गलातियों 5:22

पर पवित्रात्मा का पैदा होणे वाला स्वभाव बिच प्यार, आनंद, सांती, सबर, दया, नेकी, ते विश्वास है।

इफिसियों 3:19

मैं प्रार्थना करदा कि तुसा मसीह रे प्यार जो समजी सको जे इन्सानी समझ का परे है ताकि परमेश्वर तुसा जो अपणे स्वभाव कने भरी दैण।

फिलिप्पियों 1:1

मसीह यीशु रे दास पौलुस ते तीमुथियुस रे पास्से का, सबणी पवित्र मणूआं जो, जे मसीह यीशु अन्दर होई करी फिलिप्पी सहर अन्दर रैह्णे वाले कलीसिया रे सारे मुखिया ते सेवक जो ए चीठ्ठी लिख्खेया करदे हिन।

फिलिप्पियों 1:2

असा रे पिता परमेश्वर ते प्रभु यीशु मसीह रे पास्से का तुसा जो अनुग्रह ते सांती मिलदी रेयो।

फिलिप्पियों 4:19

मेरा परमेश्वर भी अपणे तिस धन्न रे हिसाब कने जे महिमा कने मसीह यीशु बिच है, तुसा री हर इक्क घटी जो पूरा करगा

फिलिप्पियों 4:21

मेरे पास्से का हर पवित्र मणू जो मसीह यीशु बिच मेरा नमस्ते बोल्लेयो।

फिलिप्पियों 4:9

जे गल्लां तुसा मेरे का सिख्खे री हिन, ते अपणाई ते सूणी, ते मेरे बिच दिख्खी, तिन्हेरे जो ही मन्नेयां करों, तां सांती रे परमेश्वर ने तुसा कने रैह्णा।

कुलुस्सियों 3:15

अप्पु जो तिस सांती रे वस बिच करी देयो जे मसीह का मिलदी, किजोकी तुसा सारे ही इक्क ही सरीर रे हिस्सा हिन ते तुसा सारे इक्क-दूए कने सांती कने रैह्णे तांइ सद्दे गेरे हिन।

2 थिस्सलुनीकियों 3:16

प्रभु जे सांती दैणे वाला है, मैं तिन्हा का प्रार्थना करदा कि से तुसा जो हमेसा ते हर तरिक्के री सांती दिंदे रैह्ण, ते प्रभु तुसा सारे जणेया कने रैह्ण।

इब्रानियों 13:20

अवे असा रा सांती दैण वाला परमेश्वर, जिन्हा ने असा रे प्रभु यीशु मसीह जो मुर्देयां बिच का जिन्दा कित्तेया, हमारे जैसी भेड़ां तांइ इक्क पुहाल सांई हिन। तिन्हा ने अपणी जान री कुर्बानी देई करी हमेसा री वाचा जो पक्का कित्तेया।

यहूदा 1:1

मैं यहूदा जे मसीह यीशु रा सेवादार ते याकूब रा छोटा भ्याल है, तुसा लोक्कां जो ए चीठ्ठी लिख्खेया करदा है जिन्हा जो परमेश्वर ने तिन्हा बिच विश्वास करणे तांइ सद्दे रा है। परमेश्वर पिता तुसा जो प्यार करदे ते तुसा जो मसीह यीशु बिच सुरक्षित रखदे।

प्रकाशित वाक्य 1:4

मैं यूहन्ना, एशिया प्रदेश रे सत्त इलाक्केयां बिच रैह्णे वाले विश्वासियां जो ए चीठ्ठी लिख्खेया करदा है। मैं प्रार्थना करदा कि तुसा जो परमेश्वर का अनुग्रह ते सांती मिलदी रे। परमेश्वर पिता ही हिन जे अब्बे भी हिन, से पैल्ले भी थिये, ते तिन्हा ने हमेसा तिकर रैह्णा। तिन्हा सत्त आत्मां रे पास्से का जे परमेश्वर रे सिहांसन रे सामणे हमेसा खड़े रैह्‍न्दे,

प्रकाशित वाक्य 2:17

जे सुनणा चाए, से ध्यान कने सुणे कि पवित्रात्मा कलीसिया रे मणूआं कने कै बोलणा चाह्‍ंदा। मैं तिन्हा लोक्कां जो से लुके रा मन्ना दैणा, जिन्हा लोक्कां ने इन्हा बुराई री ताकत जो हराई दैणा। मैं तिन्हा बिच का हर इक्क जो इक्क चिट्टा बट्टा भी दैणा जिस पर इक्क नौआ नां लिख्खेया जाणा। जिस जो से बट्टा मिलणा, तिसेरे अलावा कुसकी जो भी तिस नां रा पता नी होणा।”