फिलिप्पियों 4:6 - चम्बयाली नौआ नियम

⁶ कुसकी भी गल्ल री फिकर मत करो पर हर हालात बिच तुसा री मिन्नतां, प्रार्थना ते याचिका रे जरिए, धन्यवाद कने परमेश्वर रे सामणे रख्खे जाण।

फिलिप्पियों 4:6 Cross References

मत्ती 10:19

जां से तुसा जो पकड़न तां फिकर मत करदे, कि तुसा जो कै बोलणा ए अते किय्यां बोलणा ए किजोकी उस बेल्ले तुसा जो दस्सी दित्तेया जाणा कि तुसा जो कै बोलणा है।

मत्ती 13:22

जे भी झिल्लां बिच पेया थिया, ए से हिन, जे वचना जो सूणदे, पर इस दुनिया री फिकरां अते पैसेयां रा लालच वचनां जो दबी रखदा, अते से कामयाब नी हुन्दे।

मत्ती 6:34

“इधेरे तांइ कल री फिकर मत करो, किजोकी कल रा दिन अपणी फिकर अप्पु करी लिंगा अज्ज तांइ अज्ज रा दुख ही बड़ा है।”

मत्ती 6:8

इधेरे तांइ तुसा तिन्हा लोक्कां सांई मत बणो, किजोकी तुसा रा पिता परमेश्वर तुसा रे मंगणे का पैल्ले ही जाणदा कि तुसा री कै-कै जरुरतां हिन।”

लूका 10:41

पर प्रभु यीशु ने तिसजो जवाब दित्तेया, ओ मार्था, तू मती गल्लां रे बारे अन्दर फिकर करदी रेह्न्दी।

लूका 12:22

फिरी यीशु ने अपणे चेल्‍लेयां जो बोल्लेया, इधेरे तांइ मैं तुसा जो बोलदा कि अपणे जीणे री फिकर मत करेया करो कि असी हर रोज रोट्टी ते कपड़े कुदका खान्गे अते लान्गे।

लूका 12:29

पर तुसा इन्हा गल्लां री फिकर मत करो कि असी कै खांगे ते कै पींगे इधेरे तांइ तुसा मत सोच्चो

लूका 18:1

फिरी यीशु ने अपणे चेल्‍लेयां जो ए बताणे तांइ कि से हर बेल्ले प्रार्थना करदे रैण अते दुख्खी ना होण तिधेरे तांइ इक्क उदारण दित्ता

लूका 18:7

तां कै परमेश्वर अपणे चुणे दे मणूआं पर ध्यान नी दिह्गां, जे तिन्हा जो रात-ध्याड़ी चेता करदे अते मन्गदे कि असा जो फैसला कर? कै परमेश्वर ने तिन्हेरी सुनणे तांइ बड़ी हाण लगागाँ?

1 कुरुन्थियों 7:21

जां परमेश्वर ने तुसा जो सद्देया तां कै तुसा गुलाम थिये? तुसा इस गल्ल कने दुखी मत हुंदे, पर जे अगर तुसा जो अजाद जिन्दगी जीणे रा मौक्का मिलदा तां तिस मौक्के जो मत छडदे।

1 कुरुन्थियों 7:32

इधेरे तांइ मैं चाह्‍ंदा कि तुसा जो रोज़-मर्रा री जिन्दगी री फिकर का अजाद रेयो। जे मर्द बगैर ब्याह कित्ते रे रैहन्दा, से सिर्फ प्रभु री गल्लां री फिकर बिच रैहन्दा ते तिन्हा जो खुस करदा रैहन्दा

2 कुरुन्थियों 1:11

तुसा जो भी प्रार्थना करी असा री मदद करणा चाएदी, ताकि मते मणू असा रे पास्से का तिन्हा आशीषां तांइ परमेश्वर रा शुकर करण जे परमेश्वर ने असा जो मती प्रार्थनां जो सुणी करी दित्ते री हिन।

इफिसियों 5:20

ते हमेसा सारी गल्लां तांइ असा रे प्रभु यीशु मसीह रे नां कने परमेश्वर पिता रा शुकर करदे रेया करो।

इफिसियों 6:18

हर बेल्ले ते हर तरिक्के कने पवित्रात्मा रे कहे मुताबिक प्रार्थना ते बिनती करदे रेयो, ते इस गल्ल तांइ जागदे रेयो की परमेश्वर रे सारे लोक्कां तांइ लगातार बिनती करेया करो।

कुलुस्सियों 3:15

अप्पु जो तिस सांती रे वस बिच करी देयो जे मसीह का मिलदी, किजोकी तुसा सारे ही इक्क ही सरीर रे हिस्सा हिन ते तुसा सारे इक्क-दूए कने सांती कने रैह्णे तांइ सद्दे गेरे हिन।

कुलुस्सियों 3:17

ते जे किच्‍छ भी तुसा करदे या बोलदे, से मसीह यीशु रे नां बिच करो, तिन्हेरे जरिये पिता परमेश्वर रा शुकर करदे रेयो।

कुलुस्सियों 4:2

जां तुसा प्रार्थना करदे, तां पूरी लगन कने करेया करो, हमेसा चुकन्ने रेया करो ते हमेसा परमेश्वर रा शुकर करदे रेया करो।

1 तीमुथियुस 2:1

सबका पैल्ले मैं इस गल्ल पर जोर पाई करी बोलदा कि परमेश्वर का सारे लोक्कां तांइ छंदे-मिन्नतां, प्रार्थना ते धन्यवाद करेया करो।

1 तीमुथियुस 5:5

विधवा जनानियां परमेश्वर बिच विश्वास रखदी किजोकी तिन्हेरे जो संभालणे वाला कोई नी हुंदा ते से दिन-रात अपणी मदद तांइ परमेश्वर का छंदे-मिन्नतां ते प्रार्थना करणे बिच लग्गी रेह्न्दी।

1 पतरस 4:7

हर चीज रा अंत नेड़े है। इधेरे तांइ चुकन्ने रेयो ते अपणे मन पर काबू रख्खो ताकि तुसा प्रार्थना करदे रेयो।

1 पतरस 5:7

परमेश्वर तुसा री फिकर करदे, इधेरे तांइ अपणी सारी फिकरां तिन्हेरे हवाल्ले करी देयो।