फिलिप्पियों 4:5 - चम्बयाली नौआ नियम

⁵ तुसा रा कौमल स्वभाव सारे लोक्कां पर प्रकट हो। मसीह यीशु रे हटणे रा दिन नेड़े है।

फिलिप्पियों 4:5 Cross References

मत्ती 6:25

“इधेरे तांइ मैं तुसा कने बोलदा कि अपणी जिन्दगी री हर जरुरत री फिकर करणा छड्डी देयो कि कै खांगे, कै पींगे या कै पांगे। कै मणू री जिन्दगी रोट्टी का या सरीर कपड़ेयां का बदधी करी नी है?”

मत्ती 6:34

“इधेरे तांइ कल री फिकर मत करो, किजोकी कल रा दिन अपणी फिकर अप्पु करी लिंगा अज्ज तांइ अज्ज रा दुख ही बड़ा है।”

लूका 21:34

ध्यान रख्खो, ताकि तुसा रे मन डटी करी पीणे अते पियाणे तांइ अते इस दुनिया री चिन्ता जो लेई करी बेफिक्करे नी होई जाए कुदखी इय्यां ना हो कि जे तुसा सोच्चे दा भी नी हो से तुसा कन्ने होई जाओ।

1 कुरुन्थियों 16:22

हमारे प्रभु यीशु जल्द हटणे वाले हिन।

1 कुरुन्थियों 6:7

पर जां कोई विश्वासी अपणे दूए विश्वासी भाई जो कुसकी मुद्दे तांइ कचेरी बिच लेई जांदे, तां इक्क विश्वासी होणे रे नात्ते जिय्यां असा जो अप्पु-मिते रैह्णा चाएदा, असी तिय्यां रैह्णे बिच नाकाम रैह्‍ंदे। खरा ता ए ही होणा कि तुसा अपणे दूए विश्वासी भाई री गलती जो सहन करी लेया करो। जे अगर दूए विश्वासी भाई ने तुसा का धोख्खे कने किच्‍छ लेई लित्ते रा हो, तां तिसेरे खिलाफ किच्‍छ भी मत करो।

1 कुरुन्थियों 8:13

इस वजह कने अगर मूर्तां रे सामणे चढ़ाए री रोट्टी खाणा मेरे संगी विश्वासी रे मसीह यीशु बिच विश्वास करणे का हटणे री वजह बणदा तां मैं कदी कुसकी भी तरिक्के कने से रोट्टी नी खाणी, इय्यां ना हो कि मैं अपणे संगी विश्वासियां तांइ विश्वास का भटकणे री वजह बणी जां।

1 कुरुन्थियों 9:25

हर इक्क खिलाड़ी इक्क इदेय मुकुट जो पाणे तांइ बड़ी वरी मैहनत करदा जे जादा दिन तांइ भी नी रैह्णा। पर असी सारे जे मसीह यीशु बिच विश्वास करदे, अप्पु जो कड़े अनुशासन बिच पांदे ताकि असा जो से आदरमान मिल्ले।

2 कुरुन्थियों 10:1

मैं पौलुस, तुसा का मसीह यीशु री दयालुता ते निमतेपन कने बिनती करदा, हालांकि मेरे जो इस गल्ल रा एहसास है कि तुसा लोक्कां जो ए लगदा कि मैं आमणे-सामणे गल्ल करणे बिच डरपोक है, ते सिर्फ चीठ्ठी लिख्खी करी गल्लां समझाणे बिच बड़ी हिम्मत रखदा।

2 थिस्सलुनीकियों 2:2

जे अगर तुसा सूणदे कि मसीह यीशु रे हटणे रा बेल्ला आई गे रा है तां इन्नी असानी कने उदास मत होई जांदे या डरदे मत।

तीतुस 3:2

कुसकी जो बदनाम ना करण, लड़ाके ना बनण पर दूज्जेयां तांइ बड़े दयालू होण ते तिन्हा कने बड़ी नरमी कने रैह्ण।

इब्रानियों 10:25

ते इक्क-दूए कने संगती रखणा ना छड्डे, जिय्यां की मते जणेया ने संगती रखणा छड्डी भी दित्ते रा है, पर इक्क-दूए जो प्रोत्साहन दिंदे रैह्णा चाएदा। ते जिय्या-जिय्यां तुसा परमेश्वर रा हटणे रे समय जो नेड़े आया करदा है, तिय्यां-तिय्यां इक्क-दूए जो जादा का जादा प्रोत्साहन देया करो।

इब्रानियों 10:37

किजोकी पवित्रशास्त्र बिच मसीह यीशु रे बारे बिच लिख्खे रा है, “अवे बड़ा ही घट वक्त रेई गे रा है, कि मसीह यीशु ने बड़े तौले हटी आणा, ते तिन्हा ने देर नी करणी।”

1 पतरस 1:11

मसीह री आत्‍मा तिन्हा बिच थी ते से तिन्हा जो दस्सेया करदा थिया कि किय्यां मसीह ने बड़े जुल्म सैह्‍ण करणे ते फिरी तिन्हा जो बड़ी महिमा दित्ती जाणी। इधेरे तांइ तिन्हा ने बड़ी खौजबीन कित्ती कि मसीह कुण होणा ते ए सब किच्‍छ कुस समय पर होणा।

1 पतरस 4:7

हर चीज रा अंत नेड़े है। इधेरे तांइ चुकन्ने रेयो ते अपणे मन पर काबू रख्खो ताकि तुसा प्रार्थना करदे रेयो।

प्रकाशित वाक्य 22:20

ए तिसेरे शब्द हिन जे इस कताब बिच दस्से री गल्लां री गवाई दिंदा, से ए बोलदा, हाँ, मैं तौले ही आणे वाला है! मुझ यूहन्ना ने जवाब दित्ता, आमीन! ओ प्रभु यीशु, आओ!

प्रकाशित वाक्य 22:7

यीशु ने बोल्लेया, सुणो, मैं तौले आणे वाला है! धन्न हिन से मणू जे इस कताब री भविष्यवाणियां जो मनदे।