Biblia Todo Logo
Online Bible

- Advertisements -




फिलिप्पियों 4:10 - चम्बयाली नौआ नियम

10 मैं परमेश्वर री वजह कने बड़ा खुस है की अवे इन्ने दिनां रे बाद तुसा ने फिरी मेरे जो याद करी के मेरे तांइ दान भेज्जेया; पक्का ही तुसा जो सुरु बिच भी इसेरा अदांजा थिया, पर तुसा जो मौक्का नी मिल्लेया।

See the chapter Copy




फिलिप्पियों 4:10
11 Cross References  

ते जिस बेल्ले मैं तुसा कने थिया ते मेरे जो पैसे री कमी होई, तां मैं कुसकी पर भार नी पाया, किजोकी विश्वासी भ्यालां ने मकिदुनिया प्रदेश का आई करी मेरे कमी जो पूरा कित्तेया, ते मैं हर गल्ल बिच अप्पु जो तुसा पर भार बणने का रोक्केया, ते तिय्यां ही रोक्की रैह्णा।


असी सच्चे प्यार कने, सच्चाई रे वचनां कने, परमेश्वर री ताकत कने, धार्मिकता रे हथियारां कने जे हमला करणे ते अपणी रक्षा करणे तांइ हिन, ते लोक्कां रा असा री इज्जत या बेइज्जती करणे रे जरिये, ते तिन्हेरे असा रे बारे बिच ठीक या बुरी गल्लां बोलणे रे जरिये भी अप्पु जो परमेश्वर रे चुणे रे दास साबित करदे। ते हालांकि असा जो ढोंगी समजेया गेया, पर असी सच ही बोलदे।


इधेरे तांइ जित्ते तक भी मौक्का मिल्लो असा जो सारे लोक्कां कने भलाई करणा चाएदी, खास कर संगी विश्वासियां कने।


जे मणू परमेश्वर रे वचन री शिक्षा पाया करदे हिन, तिन्हा जो हर इक्क ठीक चीजां अपणे सिखाणे वालेयां कने बडंणी चाएदी।


मसीह यीशु रे दास पौलुस ते तीमुथियुस रे पास्से का, सबणी पवित्र मणूआं जो, जे मसीह यीशु अन्दर होई करी फिलिप्पी सहर अन्दर रैह्णे वाले कलीसिया रे सारे मुखिया ते सेवक जो ए चीठ्ठी लिख्खेया करदे हिन।


मैं जिस बेल्ले भी तुसा जो याद करदा, तां-तां अपणे परमेश्वर रा शुक्रिया करदा।


किजोकी से मसीह यीशु रे कम्म तांइ अपणी जान जो खतरे बिच पाई करी मरणे वाला ही थिया, ताकि तुसा रे दुर रैह्णे री वजह कने मेरी जे मदद नी करी सके से तिसेरी कमी पूरी करी सके।


Follow us:

Advertisements


Advertisements