फिलिप्पियों 3:13 - चम्बयाली नौआ नियम

¹³ ओ मेरे संगी विश्वासियों, मैं ए नी सोचदा कि मैं सिद्वता जो पाई चुके रा है, पर सिर्फ ए ही इक्क चीज करदा कि जे पीच्छे री गल्लां जो भुल्ली करी अपणी मंज़िल रे पास्से अग्गे जो बदधा रैहन्दा।

फिलिप्पियों 3:13 Cross References

लूका 10:42

पर इक्क बदिया चीज है जिस जो मरियम ने चुणी लित्ते रा है, जे तिसका खुस्सेया नी जाणा।

लूका 9:62

यीशु ने तिसजो बोल्लेया, इदेया कोई भी मणू, जे हल पर हत्थ रखणे का बाद पीच्छे दिखदा, से परमेश्वर रे राज अन्दर रैह्णे जोग्गा नी है।

2 कुरुन्थियों 5:16

अते अवे असी कुसकी होर जो इन्सानी तौर-तरिक्के रे हिसाब कने नी समजगे हालांकि असा ने भी मसीह यीशु जो इन्सानी तौर-तरिक्के रे हिसाब कने समजेया, तां भी अब्बे का असी तिन्हा जो इदेया नी जाणगे।

फिलिप्पियों 2:12

इधेरे तांइ मेरे प्यारेयों, तुसा चाए मैं तुसा कने रेयां या दुर रेयां पर तुसा हमेसा का मेरे हुकमां जो मनदे आए रे हिन। अवे तुसा बिच का हर इक्क जणे जो अपणे छुटकारे तांइ डरदे ते कमदे होए कम्म करदे रैह्णा चाएदा।

फिलिप्पियों 3:12

मैं ए नी बोलदा कि मैं ए सारी चीजां पाई चुके रा है या मैं सिद्व होई चुके रा है, पर मैं पूरी कोसीस करदे होए अग्गे बदेया करदा है ताकि मैं सिद्वता रे रस्ते पर बेहतर बणदा जां, जिस तांइ मसीह ने मेरे जो चुणेया थिया।

फिलिप्पियों 3:8

जे अगर मैं मसीह यीशु जो अप्पु जानणे रे मुल री तुलना बाकि चीजां कने करां, तां मैं बाकि सारी चीजां जो बेकार समजदा, ते इसी वजह कने मैं हर तिस चीज जो छड्डी रख्खेया ते मैं तिन्हा चीजां जो कचरा समजदा। ताकि मैं मसीह यीशु रे हुकमां जो जादा ठीक तरिक्के कने मन्नी सकां।

इब्रानियों 6:1

आओ असी मसीही बसेख रे पैल्ली शिक्षां जो छड्डी करी परिपक्व शिक्षां पास्से बधी चलन। असा जो तिन्हा फालतू रे कम्मां का घड़ी-घड़ी तौबा करी के परमेश्वर बिच विश्वास करणे री जरुरत नी है।

2 पतरस 3:8

पर प्यारे दोस्तों, जे गल्ल मैं अवे तुसा जो दसणे वाला ओ तिसजो नजरंदाज मत करदे, परमेश्वर इक्क दिन थोड़े समय रे तौर पर ते हजार साल्लां जो लम्बे समय रे तौर नी दिखदे। से दोन्नां जो इक्क ही रुप बिच दिखदे।