फिलिप्पियों 2:9 - चम्बयाली नौआ नियम

⁹ इस वजह कने परमेश्वर ने तिन्हा जो सबणी का बड्डे पद पर बिठाया ते तिन्हा जो इक्क इदेया नां दित्तेया जे हर नां का बड्डा है।

फिलिप्पियों 2:9 Cross References

मत्ती 11:27

मेरे परम पिता ने सब किच्‍छ मेरे हवाले करी दित्तेया, अते कोई पुत्तर जो नी जाणदा, सिर्फ परम पिता जाणदा अते कोई परम पिता जो नी जाणदा, सिर्फ पुत्तर जाणदा, अते हर इक्क से मणू परम पिता जो जाणदा, जिस पर पुत्तर तिसजो जाहिर करणा चाए।

मत्ती 28:18

फिरी यीशु ने उन्हेरे का जाई करी बोल्लेया, स्वर्ग ते जमीन बिच सब हक मेरे जो दित्ते गे हिन।

लूका 10:22

फिरी यीशु ने तिन्हा चेल्‍लेयां जो बोल्लेया, मेरे पिता जी ने मेरे जो सबणी चीजां पर हक्क दित्ते रा है ते पिता ही जाणदे कि पुत्तर कुण है, ते पुत्तर जो छड्डी करी होर कोई नी जाणदा कि पिता कुण है, या तिन्हेरे जो छड्डी करी से जाणी सकदे जिस जो पुत्तर पिता रे बारे अन्दर दस्सणा चांह्दा

यूहन्ना 13:3

यीशु ने ए जाणी करी कि पिता ने सब किच्‍छ मेरे हक बिच देई दित्ते रा है, ते से परमेश्वर रे पास्से का आया ते परमेश्वर का हटेया करदा है,

यूहन्ना 17:11

अवे मैं दुनिया बिच नी रैह्णा, अवे मैं तुसा का आया करदा है, पर मेरे चेल्‍लेयां ने इस दुनिया बिच रैह्णा, ते मैं तुसा का आई जाणा, ओ पवित्र पिता, अवे अपणे उस नां री ताकत कने तिन्हेरी रक्षा कर जे तुसा ने मेरे जो दित्तेया है, ताकि जिय्यां मैं ते तुसा इक्क हिन, से भी इक्क होई सकण।

यूहन्ना 17:12

जां मैं तिन्हेरे कने थिया, मैं तुसा रे उस नां री ताकत कने जे तुसा ने मेरे जो दित्ते रा है, तिन्हेरी रखवाली कित्ती, सिवाय विनास रे पुत्तर जो छड्डी उन्हा बिच कोई खत्म नी होया, इधेरे तांइ कि पवित्रशास्त्र बिच लिख्खे री गल्ल पूरी हो;

यूहन्ना 17:5

जदेई बड़ाई मेरी इस दुनिया रे बणाए जाणे का पैल्ले तुसा कने थी, तैसी ही बड़ाई तुसा फिरी मेरे जो देयो।

प्रेरितां रे कम्म 5:31

तिसजो परमेश्वर ने प्रभु ते छुटकारा दैणे वाला बणाई करी अपणे सज्जे हत्थ पास्से उच्चां करी दित्तेया कि से इस्राएलियां जो तौबा करी के ताकत ते पाप्पां री माफी देई सके।

इफिसियों 1:10

परमेश्वर री ए योजना है कि तिन्हेरे ठैहराए रे समय पर आसमान ते जमीन री सब चीजां जो मसीह यीशु रे हक बिच लेई आए।

कुलुस्सियों 1:18

से ही कलीसिया जो, जे तिन्हेरे सरीर सांई है, सही मायने बिच चलांदे ते से अप्पु कलीसिया रे सिर हिन। से ही सुरुआत हिन, ते से ही मुर्देयां बिच का फिरी जिन्दे होणे वाले पैल्ले हिन, ताकि हर इक्क चीज बिच से ही प्रधान ठेहरण।

2 थिस्सलुनीकियों 1:12

इय्यां करणे कने तुसा रे जरिये लोक्कां बिच असा रे प्रभु यीशु रा आदरमान होणा ते तुसा जो भी मसीह यीशु का आदरमान मिलणा। ए सारा किच्‍छ असा रे परमेश्वर ते प्रभु यीशु मसीह रे अनुग्रह कने होणा।

इब्रानियों 1:4

इस तरिक्के कने पुत्र रा ओह्दा स्वर्गदूतां का बड्डा ठैहरेया; किजोकी जे नां पुत्र जो विरासत बिच परमेश्वर का मिल्ले रा है, से बाकियां रे नां का बड्डा है।

इब्रानियों 1:9

तुसा ने धार्मिकता कने प्यार, अते अधार्मिक कने नफरत कित्ती; इस वजह कने मैं, तेरे परमेश्वर ने, तिज्जो तेरे साथियां का बधी करी आदरमान ते आनंद रा अभिषेक दित्ते रा है।”

इब्रानियों 12:2

असा जो अपणी हाख्खियां यीशु पर लाई रखणी चाएदी, जे असा जो विश्वास बिच अग्गे बधांदे ते पूरा भी करदे। तिन्हा ने सुली पर जान दैणे ते बेज्जती जो भी, बाद बिच मिलणे वाले आनंद रे बारे बिच सोचदे होए सहन करी लित्तेया। से अवे परमेश्वर रे सिहांसन रे सज्जे पास्से बैठ्ठे रे हिन।

इब्रानियों 2:9

पर असी मसीह यीशु जो दिखदे, कि परमेश्वर ने तिन्हा जो थोड़े समय तांइ स्वर्गदूतां का थोड़ा घट रख्खेया। ताकि परमेश्वर रे अनुग्रह कने से सारे लोक्कां तांइ कुर्बानी दे। परमेश्वर ने तिन्हा जो महिमा ते आदर दित्ता, किजोकी मसीह ने सारेयां तांइ जुल्म सहे ते अपणी जान दित्ती।

1 पतरस 3:22

ते अवे से स्वर्ग जो चली गेरे हिन। से अवे सबका ऊच्ची जगाह् पर, परमेश्वर रे सज्जे हत्थ पास्से का सारे स्वर्गदूतां पर ते सारी हुकुमतां ते ताकतां पर राज करेया करदे हिन।

2 पतरस 1:17

असी तिस बेल्ले मसीह यीशु कने तिस पवित्र पहाड़ पर थिये जां पिता परमेश्वर ने तिन्हा जो आदरमान ते महिमा दित्ती थी। तां परमेश्वर, जे अप्पु महिमामय हिन, तिन्हा रे पास्से का ए अवाज आई, “ए मेरा प्यारा मुंडा है, जिस कने मैं बड़ा वरी खुस है!” असा ने अप्पु ए अवाज स्वर्ग का आंदी होई सूणी।

3 यूहन्ना 1:7

किजोकी से मसीह यीशु रे बसेख रा प्रचार करणे तांइ सफर पर निकली पेय रे हिन अते से मसीह यीशु बिच विश्वास ना करणे वाले लोक्कां का कोई मदद नी लिंदे।

प्रकाशित वाक्य 1:5

ते मसीह यीशु रे पास्से का भी, जिन्हेरी गल्लां रा असी भरोस्सा करी सकदे। से ही हिन जे सबका पैल्ले मरणे का बाद मुर्देयां बिच का जिन्दे होई गे ते से दुनिया रे सारे राज्जेयां रे राज्जे हिन।

प्रकाशित वाक्य 11:15

जां सत्तमें स्वर्गदूत ने तुरही बजाई, तां फिरी मैं स्वर्ग का इस बारे बड्डी जादा अवाज्जां सूणी, “असां रे परमेश्वर ते तिन्हेरे चुणे रे छुटकारा दैणे वाले मसीह जो ही धरती पर राज करणे रा हक है, ते परमेश्वर ने हमेसा-हमेसा तिकर राज करणा।

प्रकाशित वाक्य 19:16

तिसेरे चोग्गे ते जांग पर ए ना लिख्खे रा है: राज्जेयां रा राज्जा ते प्रभुआं रा प्रभु है।

प्रकाशित वाक्य 3:21

जिन्हा लोक्कां ने दुष्ट पर जीत हासिल करणी, तिन्हा जो मैं अपणे कने सिंहासन पर बैठाणा, जिय्यां मैं भी दुष्ट जो हराई करी अपणे पिता कने तिन्हेरे सिंहासन पर बेई गेया।

प्रकाशित वाक्य 5:12

अते से ऊँची अवाज बिच गाया करदे थिये, “से उरणू जे कुर्बान कित्तेया गेया थिया, से महिमा रे लायक है। तिन्हेरा हक बड़ा उच्चा है। तिन्हेरा ज्ञान बड़ा गहरा है। से बड़े जादा ताकतवर ते अमीर हिन। असी तिन्हेरी इज्जत करण, असी तिन्हेरा आदरमान करण, असी तिन्हेरी तारीफ करण।”