फिलिप्पियों 2:7 - चम्बयाली नौआ नियम

⁷ बल्कि, अपणी सारी ईश्वरीय सहुलतां जो छड्डी करी, अप्पु जो इक्क दास रे बराबर निमता करी लित्ता, ते इक्क मणू रे रुप बिच जन्म लित्ता।

फिलिप्पियों 2:7 Cross References

मत्ती 12:18

“दिख्खो, ए मेरा सेवक है; जिस जो मैं चुणे रा है ए मेरा प्यारा है, मैं इसका खुस है मैं तिसेरे उप्पर अपणी आत्‍मा रखणी अते तिसने गैर यहूदियां रे लोक्कां जो हिसाब-किताब रा सुब बसेख दैणा।

मत्ती 20:28

जिय्यां मणू रा पुत्तर, जे मैं ही है से इस तांइ नी आया कि उसेरी सेवा-टहल कित्ती जाए, पर इस तांइ आया कि अप्पु सेवा टहल करे ते मते जणेया रे छुटकारे तांइ अपणी जान देई दे।

मरकुस 9:12

यीशु ने चेल्‍लेयां जो जवाब दित्तेया, ए सच है “एलिय्याह ने पैल्ले ही आई करी सब किच्‍छ सुधारणा, पर तुसा ए किजो नी समजदे कि मणू रे पुत्तर, जे मैं ही है रे बारे बिच, जे मैं ही है ए लिख्खे गे रा है कि तिन्ने बड़े दुख चुक्कणे, ते बेइज्जत कित्तेया जाणा?

लूका 22:27

तुसा अप्पु सोच्चो कि जे मणू मेज पर रोट्टी खाणा बैठ्ठे रा हो, से बड्डा हुन्दा कि जे मणू तिसजो रोट्टी खुआया करदा हो, से? बड्डा तां से ही हुन्दा जे मेज पर बेई करी रोट्टी खादां पर, मैं भी तां तुसा कने इक्क नौक्कर सांई रैहन्दा

यूहन्ना 1:14

वचन मणू रे रुप बिच आया, ते से अनुग्रह ते सच्चाई कने भरी कने तिसने हमारे बिच डेरा कित्ता कने असी तिसेरी इदेइ बड़ाई दिख्खी जिय्यां पिता रे इकलौत्ते पुत्तर री महिमा दिख्खी हो।

रोमियों 1:3

ए सुब बसेख असा रे प्रभु, मसीह यीशु रे बारे बिच है। से शारीरिक तौर पर राजा दाऊद रे ‍खानदान बिच पैदा होए थिये।

रोमियों 15:3

किजोकी मसीह यीशु ने अपणे आप जो खुस नी कित्तेया, पर जिय्यां पवित्रशास्त्र बिच लिख्खे रा है: “जिन्हा लोक्कां ने तेरी बेज्जती कित्ती, तिन्हा ने मेरी भी बेज्जती कित्ते री है।”

रोमियों 15:8

मैं तुसा जो बोलदा, कि मसीह यीशु यहूदी लोक्कां रे दास रे रुप बिच आए, ताकि से ए ज़ाहिर करी सके कि परमेश्वर विश्वासयोग्य हिन, ते तिन्हा वादेयां जो पूरा कित्तेया, जे परमेश्वर ने तिन्हेरे पूरखां कने कित्ते थिये।

रोमियों 8:3

असा रे पापी स्वभाव री वजह कने मूसा रा कानून कमजोर होई करी जे नी करी सकेया, से परमेश्वर ने कित्ता। तिन्हा ने अपणे इकलौत्ते पुत्तर जो असा पाप्पी लोक्कां का इक्क इन्सान रे रुप बिच भेज्जेया। ते परमेश्वर ने अपणे पुत्तर जो असा रे पाप्पां तांइ कुर्बानी रे रुप बिच देई करी, असा रे पाप्पां री सजा तिन्हेरे सरीर पर पाई दित्ती ते असा पर पाप री ताकत जो मुकाई दित्ता।

2 कुरुन्थियों 13:4

मसीह यीशु सरीर री कमजोरी बिच सुली पर चढाई करी मारे गे, ते अवे परमेश्वर री ताकत रे जरिये जिया करदे हिन, तिस्सी तरिक्के कने असी भी मसीह यीशु सांई सरीर रे तौर पर कमजोर हिन, पर असी परमेश्वर री ताकत कने तुसा रे मामलेयां जो निपटाणे तांइ, मसीह यीशु कने जीणा।

2 कुरुन्थियों 8:9

तुसा असा रे प्रभु यीशु मसीह रे अनुग्रह जो जाणदे कि से अमीर होई करी भी तुसा तांइ कगांल बणी गे, ताकि तिन्हेरे कगांल होई जाणे कने तुसा अमीर होई जाओ।

गलातियों 4:4

पर जां परमेश्वर रा ठैहराए रा समय आई गेया तां परमेश्वर ने अपणे पुत्तर जो इस दुनिया बिच भेज्जेया जे इक्क जनानी का पैदा होए। से इक्क यहूदी मणू रे रुप बिच पैदा होए ते तिन्हा ने मूसा रे कानून जो मन्नेया।

फिलिप्पियों 2:6

जिनिये अप्पु परमेश्वर हुंदे होए भी, परमेश्वर रे बराबर होणे जो अपणे अधिकार बिच रखणे री चीज नी समजेया।

इब्रानियों 12:2

असा जो अपणी हाख्खियां यीशु पर लाई रखणी चाएदी, जे असा जो विश्वास बिच अग्गे बधांदे ते पूरा भी करदे। तिन्हा ने सुली पर जान दैणे ते बेज्जती जो भी, बाद बिच मिलणे वाले आनंद रे बारे बिच सोचदे होए सहन करी लित्तेया। से अवे परमेश्वर रे सिहांसन रे सज्जे पास्से बैठ्ठे रे हिन।

इब्रानियों 13:3

कैदी कने ऐसे पेश आओ कि तिन्हा जो लगे कि जिय्यां तुसा भी तिन्हा कने कैद हिन, ते जिन्हा कने बुरा बर्ताव कित्तेया जांदा, तिन्हा री इदेयी सुधी लेया करो कि जिय्यां तुसा अपणे सरीर बिच तिन्हेरा दर्द महसूस करदे।

इब्रानियों 4:15

असा रे प्रधान पुरोत्त, जे मसीह यीशु हिन, असा री हर कमजोरी जो समजदे, किजोकी शैतान ने तिन्हा जो असा सांई हर गल्ल बिच परखेया, पर फिरी भी तिन्हा ने कोई पाप नी कित्तेया।