फिलिप्पियों 2:30 - चम्बयाली नौआ नियम

³⁰ किजोकी से मसीह यीशु रे कम्म तांइ अपणी जान जो खतरे बिच पाई करी मरणे वाला ही थिया, ताकि तुसा रे दुर रैह्णे री वजह कने मेरी जे मदद नी करी सके से तिसेरी कमी पूरी करी सके।

फिलिप्पियों 2:30 Cross References

प्रेरितां रे कम्म 20:24

पर मैं अपणी जान जो किच्‍छ भी नी समजदा कि तिसजो प्यारा समजां, पर तां ए कि, मैं अपणी दौड़ जो ते तिस सेवा जो पूरा करां, जे मैं परमेश्वर रे अनुग्रह री सुब बसेख पर गवाई दैणे तांइ प्रभु यीशु का पाए री है।

रोमियों 16:4

तिन्हा ने मेरी जान तिकर अपणा जान दाव पर लाई रख्खे री है, ते सिर्फ मैं ही नी, पर गैर यहूदियां री कलीसियां भी तिन्हा रा शुक्रिया करदी।

1 कुरुन्थियों 15:53

किजोकी जरुरी है कि असा रे नाशवान सरीर जे अविनाशी सरीर रे रुप बिच बदली जाण जे ना कदी मुकदे ते ना ही सड़दे।

1 कुरुन्थियों 16:10

जे अगर तीमुथियुस तुसा का आए ता तिस कने बड़ी इज्जत कने पेश आओ, किजोकी से मेरे सांई ही परमेश्वर रा कम्म करणे वाला मणू है।

1 कुरुन्थियों 16:17

मैं स्तिफनास ते फूरतुनातुस अखइकुस रे आणे कने खुस है किजोकी तिन्हा ने मेरी से हर आर्थिक जरुरत पूरा कित्ता जे तुसा पूरी नी करी पांदे थिये।

2 कुरुन्थियों 12:15

मैं अपणा सारा किच्‍छ तुसा जो देई दैणा, इत्ते तिकर की मैं अप्पु जो भी तुसा जो देई दैणा। मैं तुसा जो बड़ा वरी प्यार करदा, पर इय्यां लगदा कि तुसा मेरे जो घट ही प्यार करदे।

2 कुरुन्थियों 4:12

तां असी मौत रे खतरे बिच रैहन्दे पर इसेरा नतीज्जा ए होया कि तुसा जो हमेसा रा जीवन मिल्लेया।

फिलिप्पियों 2:17

प्रभु बिच तुसा रा विश्वास ते तुसा री सेवा इक्क कुर्बानी सांई प्रभु जो चढाया गेरे हिन, ते जे अगर मेरे जो तुसा रे विश्वास ते सेवा तांइ अपणी जान भी दैणा पये, तां भी मैं खुस है।

फिलिप्पियों 2:27

पक्का से मरणे वाला थिया पर परमेश्वर ने तिस पर दया करी के तिसजो तिस बीमारी का खरा कित्तेया; ते सिर्फ तिस पर ही दया नी कित्ती पर मेरे पर दया कित्ती ताकि मेरे जो इक्क का बाद इक्क, घड़ी-घड़ी दुख ना झेलणा पेयो।

फिलिप्पियों 4:10

मैं परमेश्वर री वजह कने बड़ा खुस है की अवे इन्ने दिनां रे बाद तुसा ने फिरी मेरे जो याद करी के मेरे तांइ दान भेज्जेया; पक्का ही तुसा जो सुरु बिच भी इसेरा अदांजा थिया, पर तुसा जो मौक्का नी मिल्लेया।

फिलिप्पियों 4:18

मेरे का सारा किच्‍छ है, बल्कि जरुरत का भी जादा है; जे चीजां तुसा इपफ्रुदीतुस रे हत्थां भेजी थी तिन्हा जो पाई करी मैं रजी गे रा है, तुसा री भेज्जी री चीजां परमेश्वर जो चढ़ाए रे खुशबूदार दान ते कुर्बानी सांई हिन। जे परमेश्वर जो मंजुर ते पसंद आणे वाली चीजां हिन।

फिलेमोन 1:13

मैं तिसजो अपणे का ही रखणा चाह्‍ंदा थिया ताकि से इत्ते सुब बसेख रा प्रचार करणे बिच मेरी मदद करे। किजोकी मैं जाणदा कि तू मेरी मदद करणा चाह्‍ंदा पर से तेरे बदले इत्ते रेई करी मेरी मदद करी सकदा।

प्रकाशित वाक्य 12:11

ते तिस “उरणू रे बच्चे” रे खून री वजह कने, अते अपणी गवाई रे वचन री वजह कने, तिस पर जयवन्त होये, अते तिन्हा ने अपणे प्राणां जो प्यारे नी जाणी के, इत्ते तक की मौत भी सहन करी लित्ती।