फिलिप्पियों 2:3 - चम्बयाली नौआ नियम

³ मतलबीपन या झूठ्ठी बड़ाई तिकर किच्‍छ मत करो, पर दीनता कने इक्क दुजे जो अप्पु का बदिया समझो।

फिलिप्पियों 2:3 Cross References

लूका 18:14

यीशु ने फिरी बोल्लेया, मैं तुसा जो बोलदा हाँ कि ए चुंगी लैणे वाला मणू परमेश्वर रे अग्गे धार्मिक मन्नेया गेया, अते अपणे घरे वापिस हटी गेया, ना कि दुज्जा! पर फरीसी कने इदेया नी होया, किजोकी जे कोई भी अपणे आप जो बड्डा समझगा, से छोटा कित्ता जाँणा, पर जे कोई अपणे आप जो छोटा समझगा, तिसजो बड्डा कित्तेया जाँणा।

रोमियों 12:10

भाईचारे रे प्यार कने इक्क-दूज्जे कने लगाव रख्खो। अप्पु-मिते इक्क दूए री इज्जत दैणे बिच इक्क-दूज्जे का बदधे चलो।

रोमियों 13:13

असा जो रौसनी बिच रैह्णे वाले लोक्कां सांई अपणे चालचलन जो खरा बणाई करी रखणा चाएदा। पर न्याहरे बिच रैह्णे वाले लोक्कां सांई मतवाल्ले, पियक्कड़, रंगरेलियां, व्यभिचारी करणे वाले, अश्लील, झगड़े करणे वाले ते हिर्स करणे वाले ना बणे।

रोमियों 2:8

पर जे मणू मतलबी हिन ते सच्चाई जो नी मनदे, पर बुरे कम्म करणा चाह्‍ंदे, तिन्हा पर परमेश्वर रा गुस्सा ते कहर भड़कणा।

1 कुरुन्थियों 15:9

किजोकी मैं प्रेरितां बिच सारेयां का छोटा है, बल्कि मैं प्रेरित केहलाणे रे जोग्गा भी नी है, किजोकी मैं परमेश्वर री कलीसिया रे लोक्कां पर जुल्म करदा हुंदा थिया।

1 कुरुन्थियों 3:3

किजोकी हल्ले तांइ तुसा इस दुनिया रे अविश्वासी लोक्कां सांई हिन। तुसा रे बिच हिर्स अते झगड़ा है, इस कने साबित हुंदा कि तुसा इस दुनिया रे दूए लोक्कां सांई हिन ते तिय्यां ही बरताव करदे।

2 कुरुन्थियों 12:20

किजोकी मेरे जो डर है, कि कुते इय्यां ना होई जाए कि जां मैं तुसा का आं, तां जदेया मैं चाह्‍ंदा, तुसा तदेय ना होण, ते तुसा भी मेरे जो तदेया ना पाओ जदेया तुसा मेरे जो चाह्‍ंदे। ते मेरे जो डर है कि तिसेरी वजह कने तुसा बिच लड़ाई, हिरस, गुस्सा, विरोध, मतलबीपन, चुगली, घमण्ड, धोखा-धड़ी ते बखेड़े होई जाणे।

गलातियों 5:15

जे अगर तुसा अप्पु-मिते लड़दे रे, तां चुकन्ने रेयो कि कुथकी तुसा अप्पु जो बर्बाद ना करी लेयो।

गलातियों 5:26

असी घमंडी ना बणे ते ना ही इक्क-दूज्जे जो छेड़े, अते नां इक्क-दूज्जे री हिर्स करण।

इफिसियों 4:2

मतलब कि सारी दीनता ते निम्तेपन कने, ते सबर रख्खी करी प्यार कने इक्क-दूज्जे री सहन करी लेयो।

इफिसियों 5:21

मसीह यीशु रा आदरमान करणे तांइ इक्क-दूए रे अधीन रेया करो।

फिलिप्पियों 2:14

सारे कम्म बगैर कुडकुडाए ते बगैर कुसकी बैसहबाजी रे करेया करो।

कुलुस्सियों 3:12

किजोकी परमेश्वर तुसा जो प्यार करदे ते तिन्हा ने तुसा जो अपणे पवित्र मणू बणने तांइ चुणी लित्ते रा है, इधेरे तांइ तुसा बड़ी करुणा, निमतापन, भलाई, कने सहनशीलता ते दया रा स्वभाव धारण करी लेयो।

कुलुस्सियों 3:8

पर अवे तुसा इन्हा सारी गल्लां जो, जिय्यां की गुस्से, रोष, दुश्मणी, बैर-भाव, बेजती करणा, गालीयां दैणा, छड्डी देयो।

1 तीमुथियुस 6:4

तां से मणू घमंडी है, ते से किच्‍छ भी नी समजदा। इदेया मणू वस बुरी, हिर्स, झगड़े ते गंदी गल्लां रे बारे बिच बैह्स ते झगड़े करणा पसंद करदा।

1 पतरस 3:8

आखिरकार मैं तुसा सारेयां जो ए बोलणा चाह्‍ंदा कि तुसा सारे जणे इक्क-मन होई करी रेयो। इक्क दूए कने हमदर्दी रख्खो। इक्क-दूए जो अपणे परिवार रे मणूआं सांई प्यार करो, इक्क-दूए तांइ दयालू बणो ते सारेयां कने नरम बणो।

1 पतरस 5:5

तिय्यां ही, तुसा जवान मणू भी अपणे का बड्डे विश्वासियां रे कहे मुताबिक चलेया करो। तुसा जो निम्तेपन कने इक्क-दूए री सेवा करणा चाएदी, जिय्यां कि पवित्रशास्त्र बिच लिख्खे रा है, “परमेश्वर घमंडी मणूआं रे खिलाफ हिन, पर से निम्ते मणूआं कने ठीक हिन।”