फिलिप्पियों 2:29 - चम्बयाली नौआ नियम

²⁹ इधेरे तांइ तुसा प्रभु बिच तिस कने बड़ी खुसी कने मिलणा ते तिसेरे जदेय लोक्कां रा आदर करेयो।

फिलिप्पियों 2:29 Cross References

लूका 9:5

जे तिस ग्रां रे मणू तुसा रे सुब बसेख जो नी मनगे, तां तित्ते का निकलदे बेल्ले अपणे पैरां री धूड़ झाड़ी आयो, ताकि ए तिन्हा पर गवाई होई सको कि से अपणी कित्ते री अप्पु भुगतन

यूहन्ना 13:20

मैं तुसा जो सच-सच बोलदा कि जे मेरे भेजे रे जो अपणाई लिंदा, से मेरे जो अपणाई लिंदा, अते जे मेरे जो अपणांदा, से मेरे भेजणे वालेयां जो अपणाई लिंदा।

प्रेरितां रे कम्म 2:46

से हर रोज इक्क मन होई करी मन्दिर बिच कठिदें थिये, ते घर-घर रोट्टी तोड़दे होए खुसी ते मन रे सिद्देपन कने भोजन करेया करदे थिये,

प्रेरितां रे कम्म 28:10

तिन्हा ने असा री बड़ा आदर कित्ता, ते त्रै महिन्ने बाद जिस बेल्ले असी चलणा लगे तां जे किच्‍छ भी असा तांइ जरुरी थिया, जहाज पर रख्खी दित्तेया।

प्रेरितां रे कम्म 8:8

ते तिस सहर बिच चारो पास्से खुसी फैली गयी।

रोमियों 10:15

ते इसका पैल्ले कि कोई तिन्हा जो प्रभु रे बारे बिच दस्से, कुसकी रा भेज्जेया जाणा जरुरी है। इधेरे तांइ पवित्रशास्त्र बिच लिख्खे रा है, “सुब बसेख लाणे वाले मणूआं रे पैर किन्ने छैल हिन।”

रोमियों 16:2

तुसा पवित्र मणूआं जो तिसेरा प्रभु रे मणू रे रुप बिच तिसेरा स्वागत करणा चाएदा। ते जिस गल अन्दर तिसजो तुसा का कोई मदद री जरुरत हो, ता तिस गल्ल अन्दर तिसेरी मदद करो। किजोकी से मते लोक्कां पर, बल्कि मेरे पर भी मते उपकार कित्ते रे हिन।

1 कुरुन्थियों 16:10

जे अगर तीमुथियुस तुसा का आए ता तिस कने बड़ी इज्जत कने पेश आओ, किजोकी से मेरे सांई ही परमेश्वर रा कम्म करणे वाला मणू है।

1 कुरुन्थियों 16:18

जिय्यां तिन्हा ने मेरे जो प्रोत्साहित कित्ते रा है, तिय्यां ही तिन्हा ने तुसा जो भी प्रोत्साहित करणा जां तिन्हा ने तुसा का आणा। इन्हा लोक्कां सांई तुसा भी लोक्कां रा आदरमान करेया करो।

2 कुरुन्थियों 10:18

किजोकी जे अपणी तारिफ करदा, से नी, पर जिसेरी तारिफ प्रभु करदे, से ही प्रभु री नजरां बिच सही है।

2 कुरुन्थियों 7:2

असा कने प्यार बणाई रख्खो, असी ना कुसकी कने नाईंसाफी कित्ती ते ना कुसकी रा किच्‍छ बिगाड़े रा है ते ना ही कुसकी जो ठग्गे रा है।

फिलिप्पियों 2:28

इधेरे तांइ मैं तिसजो भेजणे री तोल कित्ती ताकि तुसा खुस होई जाओ, ते मेरी फिकर भी घटी जाओ।

कुलुस्सियों 4:10

अरिस्तर्खुस जे मेरे कने जेल बिच है अते बरनबास रे रिस्तेदार यूहन्ना मरकुस री तरफ का तुसा जो प्रणाम (मैं जाणदा कि तुसा जो यूहन्ना मरकुस रे बारे बिच तुसा जो दस्सी दित्ता गे रा है, कि जां से तुसा का आए तां तिस कने ठीक तरिक्के बर्ताव करेयो।)

1 थिस्सलुनीकियों 5:12

ओ संगी विश्वासियों, असी तुसा का बिनती करदे कि जे मणू तुसा बिच मैहनत करदे, ते मसीह बिच तुसा रे अगुवे हिन, ते जे तुसा विश्वास री शिक्षा दिन्दे, तिन्हेरी गल्लां मन्नेया करो।

1 तीमुथियुस 5:17

कलीसिया रा कोई भी मुखिया जे अगर अपणा कम्म सही तरिक्के कने करदा तां तिसेरी इज्जत होणा चाएदी खासतौर पर कलीसिया रे से बुजुर्ग मणू जे परमेश्वर रे बसेख जो सिखांदे ते प्रचार करदे।

इब्रानियों 13:17

अपणे अगुवे री गल्लां मन्नो, ते तिन्हेरे अधीन रेयो। से हमेसा तुसा तांइ चुकन्ने रैहन्दे, ताकि तुसा भटकी ना जाण। किजोकी तिन्हा जो अपणी सेवकाई रा हिसाब परमेश्वर जो दैणा जरुरी है। इय्यां ही करो, ताकि से अपणे कम्मां बिच र खुस ही होण, ना की दुखी होण, नी ता तुसा जो कोई फायदा नी होणा।

3 यूहन्ना 1:10

इधेरे तांइ जा मैं आणा तां मैं साफ तौर पर कलीसिया रे मणूआं जो ए दसणा कि से कै करेया करदा है। से सिर्फ असा रे खिलाफ झूठ्ठी-झूठ्ठी गल्लां बोल्ली करी असा पर इल्जाम लांदा कि असी गलत कम्म करदे, ते सिर्फ इन्ना ही नी पर जां असा रे संगी विश्वासियां उत्ते जांदे तां से तिन्हा जो भी अपणे इत्ते आणे का टाली दिंदा ते जे मणू तिन्हा विश्वासी लोक्कां जो अपणे घरे रुकाणे चाह्‍ंदे से तिन्हा जो भी मना करदा ते तिन्हा जो कलीसिया का भी बाहर करी दिंदा।