फिलिप्पियों 2:25 - चम्बयाली नौआ नियम

²⁵ पर मैं इपफ्रुदीतुस जो जे तुसा का भेजणा जरुरी समजेया, जे मेरा विश्वासी भाई, ते मसीह रा सुब बसेख सुनाणे बिच मेरा साथी है। से इक्क सिपाई सांई है जे मेरे कने तिन्हा लोक्कां रे खिलाफ खड़ित्तेया जे मसीह रे बसेख रे खिलाफ हिन, तुसा रा दूत भी है। जरुरी गल्लां बिच मेरी सेवा करणे वाला भी है।

फिलिप्पियों 2:25 Cross References

यूहन्ना 13:16

मैं तुसा कने सच-सच बोल्दा, नौक्कर अपणे मालक का बड्डा नी, ते ना ही दूत अपणे भेजणे वाले का बड्डा हुंदा।

यूहन्ना 17:18

जिय्यां तुसा ने मेरे जो दुनिया अन्दर भेज्जेया, तिय्यां ही मैं भी इन्हा जो दुनिया अन्दर भेज्जेया।

रोमियों 16:3

प्रिस्किल्ला भैण, ते तिन्हेरे लाड़े अक्विला भ्याल जो मेरा नमस्कार, जे प्रभु यीशु री सेवा करणे बिच मेरे कने कम्म करणे वाले मणू हिन।

रोमियों 16:9

उरबानुस जो मेरा नमस्कार, जे मसीह यीशु री सेवा करणे बिच असा रा साथी है, ते प्यारे इस्तखुस जो भी मेरा नमस्कार!

1 कुरुन्थियों 3:9

किजोकी असी मणू परमेश्वर रे सहकर्मी हिन ते तुसा विश्वासी मणू परमेश्वर रे खेत्तर सांई हिन, ते तुसा परमेश्वर रे घर सांई हिन।

2 कुरुन्थियों 2:13

पर जां अपणे विश्वासी भ्याल तीतुस जो तित्ते नी दिख्खेया तां मेरा मन बड़ा बेचैन होई गेया, ते तिसजो तोपणे तांइ मैं त्रोआस सहर रे विश्वासियां का बिदा लेई करी आई गेया, ते मकिदुनिया प्रदेश जो हटी गेया।

फिलिप्पियों 2:26

किजोकी तिसेरा मन तुसा सबणी कने लगे रा थिया, इस वजह कने से बेचैन थिया, ते तुसा सबणी ने मेरी बीमारी रा हाल सूणेया थिया।

फिलिप्पियों 4:18

मेरे का सारा किच्‍छ है, बल्कि जरुरत का भी जादा है; जे चीजां तुसा इपफ्रुदीतुस रे हत्थां भेजी थी तिन्हा जो पाई करी मैं रजी गे रा है, तुसा री भेज्जी री चीजां परमेश्वर जो चढ़ाए रे खुशबूदार दान ते कुर्बानी सांई हिन। जे परमेश्वर जो मंजुर ते पसंद आणे वाली चीजां हिन।

फिलिप्पियों 4:3

ते मैं मसीह री सेवा करणे वाले अपणे विश्वासी भ्याल सुजुगस का ए बिनती करदा, कि से तिन्हा जनानियां बिच भी सुलह कराई दये किजोकी तिन्हा जनानियां ने मसीह रा सुब बसेख फैलाणे बिच मेरे, क्लेमेंस ते मेरे बाकि रे साथियां कने बराबर मैहनत कित्ते री है। ते तिन्हेरे नां जिन्दगी री कताब बिच लिख्खे गेरे हिन।

कुलुस्सियों 1:7

तुसा ने इसेरी शिक्षा इपफ्रास का पाई, जे मसीह रे बसेख जो फैलाणे बिच असा रा साथी है ते असा पास्से का मसीह रा विश्वासयोग्य सेवक है।

कुलुस्सियों 4:11

अते यीशु भी जिस जो मणू यूसतुस भी बोलदे, तुसा जो तिसेरा भी प्रणाम। यहूदी विश्वासियां बिच वस ए ही त्रै मणू हिन, जे परमेश्वर रे राज तांइ मेरे कने कम्म करेया करदे हिन, अते तिन्हा ने मेरे जो बड़ा वरी उत्साहित भी कित्ते रा है।

1 थिस्सलुनीकियों 3:2

ते असी तुसा जो उत्साहित करणे तांइ ते विश्वास बिच मजबूत करणे तांइ अपणे इक्क विश्वासी भाई, मसीह रा सुब बसेख सुनाणे वाले असा रे साथी ते परमेश्वर रे सेवादार तीमुथियुस जो तुसा का भेज्जेया।

फिलेमोन 1:24

मरकुस, अरिस्तर्खुस, देमास ते लूका जे मेरे कने सेवा रा कम्म करदे, तिन्हा पास्से का तेरे जो नमस्कार।

इब्रानियों 3:1

इधेरे तांइ मेरे संगी विश्वासियों, तुसा जे परमेश्वर रे हिन, परमेश्वर ने तुसा जो स्वर्ग बिच हमेसा री जिन्दगी रे हिस्सेदार बणने तांइ सद्दे रा है। मसीह यीशु पर ध्यान लाई रख्खो, जे असा तांइ परमेश्वर रे पास्से का भेज्जे गेरे प्रेरित ते प्रधान पुरोत्त हिन।