फिलिप्पियों 2:22 - चम्बयाली नौआ नियम

²² पर तुसा तां जाणदे कि तीमुथियुस ने किय्यां साबित कित्ते रा है कि से विश्वासयोग्य है। ते जिय्यां इक्क पुत्तर अपणे प्यो कने मैहनत करदा, तिय्यां ही तीमुथियुस ने सुब बसेख फैलाणे अन्दर मेरे कने मैहनत कित्ती है।

फिलिप्पियों 2:22 Cross References

प्रेरितां रे कम्म 16:2

ते लुस्त्रा ते इकुनियुम रे सहर रे विश्वासियां बिच तिसेरी बोलचाल ठीक थी।

रोमियों 5:4

ते सबर बद्दणे कने खरा स्वभाव बणदा, ते खरा स्वभाव बणने कने असा री आस बद्दधी।

1 कुरुन्थियों 16:10

जे अगर तीमुथियुस तुसा का आए ता तिस कने बड़ी इज्जत कने पेश आओ, किजोकी से मेरे सांई ही परमेश्वर रा कम्म करणे वाला मणू है।

1 कुरुन्थियों 4:17

इधेरे तांइ मैं तीमुथियुस जो जे प्रभु बिच मेरा प्यारा अते भरोस्सेमंद पुत्तर सांई है, तुसा का भेज्जेया। तिन्ने तुसा जो दसणा कि इक्क मसीही मणू रे तौर पर मैं किय्यां जिन्दगी जिया करदा है, जदेया कि मैं हर इक्क जगाह् ते हर इक्क कलीसिया बिच दसदा भी।

2 कुरुन्थियों 2:9

किजोकी मैं तुसा जो इस मकसद कने चीठ्ठी लिख्खी कि तुसा जो परखी लेयां कि तुसा मेरी सारी गल्लां जो मनणे तांइ तैयार हिन की नी।

2 कुरुन्थियों 8:22

असा ने तिन्हा कने अपणे तिस विश्वासी भ्याल जो भी भेज्जेया करदे हिन, जिस जो असा ने घड़ी-घड़ी परखी करी बड़ी गल्लां बिच हिम्मत वाला पाया, पर अवे तुसा पर तिसजो बड़ा विश्वास है, इस वजह कने से अवे होर भी जादा हिम्मत वाला है।

2 कुरुन्थियों 8:24

इधेरे तांइ तुसा तिन्हा पर अपणा प्यार ज़ाहिर करो ते तुसा पर असा रे गर्व जो कलीसिया रे सारे विश्वासियां रे सामणे सच्चा साबित करी देयो।

2 कुरुन्थियों 8:8

मैं तुसा जो हुकम नी है देया करदा, पर मैं तुसा रे प्यार री सच्चाई जो दूज्जेयां री गहरी इच्छा कने तुलना करी के परखणा चाह्‍ंदा।

फिलिप्पियों 1:12

ओ संगी विश्वासियों, मैं चाह्‍ंदा कि तुसा जो ए पता लग्गी जाओ कि मेरे कने बीत्ती, तिस कने सुब बसेख लोक्कां बिच होर जादा फैल्लेया।

फिलिप्पियों 1:16

से मणू इधेरे तांइ मसीह रा सुब बसेख सुणांदे किजोकी से मेरे जो प्यार करदे ते से जाणदे कि मैं मसीह रे बसेख पर उठणे वाले सवाल्लां रा जवाब दैणे तांइ चुणेया गे रा है।

फिलिप्पियों 1:5

किजोकी तुसा रे मसीह यीशु बिच विश्वास करणे रे पैल्ले दिन का लेई करी अज्ज तांइ तुसा मसीह यीशु रा सुब बसेख जो फलाणे अन्दर मेरे कने बराबर रे।

फिलिप्पियों 1:7

खरा होणा कि मैं तुसा सबणी तांइ इदेय सोच रख्खां, किजोकी मैं तुसा कने बड़ा वरी प्यार रखदा, किजोकी तुसा मेरे कने ए सौभाग्य परमेश्वर रे अनुग्रह कने हासिल कित्ते रा है, अब्बे भी जां मैं कैद बिच है ते मसीह रे सुब बसेख पर उठणे वाले सवाल्लां रा जवाब दैणे ते तिसजो साबित करणे बिच भी।

फिलिप्पियों 2:20

किजोकी मेरे का तीमुथियुस रे अलावा इदेय स्वभाव रा होर कोई मणू नी है कि से ठीक मन कने तुसा री चिन्ता करे।

1 तीमुथियुस 1:18

मेरे पुत्तर तीमुथियुस, मेरे तेरे जो ए सलाह देया करदा है, मैं चाह्‍ंदा कि तू भविष्यद्वक्ता रे बोल्ले री गल्लां याद करे कि तेरे कने कै होणा। तेरे जो तिसेरी बोल्ली री गल्लां जो तिन्हा झूठ्ठी शिक्षा दैणे वाले लोक्कां रे खिलाफ हथियार सांई इस्तेमाल करणा जरुरी है।

1 तीमुथियुस 1:2

मसीह यीशु बिच विश्वास करणे री वजह कने तीमुथियुस तू मेरा सच्चा मुंडा है। असा रे पिता परमेश्वर ते मसीह यीशु तेरे जो अनुग्रह ते सांती दिंदे रैह्ण।

1 तीमुथियुस 4:6

जे अगर तू संगी विश्वासियां जो इन्हा गल्लां री शिक्षां दिंदा रैह्‍ंगा, तां तैं मसीह यीशु रा खरा दास ठैहराणा ते तैं अपणे मन जो परमेश्वर रे वचन कने मजबूत करणा जिस जो असी बदिया का बदिया शिक्षा कने मनदे भी।

2 तीमुथियुस 1:2

ओ तीमुथियुस तू मेरा प्यारा मुंडा है। पिता परमेश्वर ते असा रे मसीह यीशु तुसा पर अनुग्रह करदे रैह्ण।

2 तीमुथियुस 3:10

पर तीमुथियुस तू साफ तौर पर जाणदा कि मैं कै सिखांदा ते मैं जिन्दगी किय्यां जिन्दा, ते मेरा मकसद कै है ते मैं कुस पर विश्वास करदा। तू जाणदा कि मैं सारे जणेया कने बड़ा सबर ते प्यार रख्खेया, मैं मुसीबतां भी सहन कित्ती, लोक्कां ने मेरे पर जुल्म भी कित्ते।

तीतुस 1:4

मसीह बिच असा रे विश्वास री वजह कने, तीतुस तू मेरे बच्चे सांई है। पिता परमेश्वर ते असा जो छुटकारा दैणे वाले प्रभु यीशु मसीह तेरे जो अनुग्रह ते सांती दे।