फिलिप्पियों 2:21 - चम्बयाली नौआ नियम

²¹ किजोकी सारे अपणे-अपणे मतलब री चीजां रे पीच्छे पे रे हिन। ते तिन्हा गल्लां री फिकर नी करदे जे मसीह यीशु तांइ जरुरी हिन।

फिलिप्पियों 2:21 Cross References

मत्ती 16:24

तां यीशु ने अपणे चेल्‍लेयां जो बोल्लेया, जे कोई मेरा चेल्ला बणना चाह्‍ंदा तां अपणे आपे का इन्कार करण, ते अपणी सुली चुकी करी, मेरा चेल्ला बणी जाये।

लूका 14:26

जे मणू अपणे मां-प्यो, लाडी-बच्चे, भैण-भ्याल अते अपणे आप जो मेरे का भी जादा प्यार करदा हो, से मेरा चेल्ला नी बणी सकदा।

प्रेरितां रे कम्म 13:13

पौलुस ते तिसेरे साथी पाफुस कस्बे का जहाज जो चलाई करी पंफूलिया प्रदेश रे पिरगा कस्बे बिच आये ते यूहन्ना मरकुस तिन्हा जो छड्डी करी यरुशलेम सहर जो वापस हटी गेया।

प्रेरितां रे कम्म 15:38

पर पौलुस ने तिसजो जे कि पंफूलिया प्रदेश बिच तिन्हा का बखरे होई गे थिये, ते कम्म पर तिन्हा कने नी गे थिये, कने लेई जाणा ठीक नी समजेया

1 कुरुन्थियों 10:24

हर कोई सिर्फ अपणे ही फायदे तांइ ही नी पर दूज्जे रे फायदे तांइ भी सोच्चे।

1 कुरुन्थियों 13:5

प्यार करणे वाले मणू दुज्जेया री बेज़ती नी करदे, से मणू मतलबी नी हुंदे, से सिर्फ अपणी खुसी नी तोपदे, से बड़े तौले गुस्सा नी करदे, ते से अपणे कने होए री बुरी गल्लां जो हमेसा चेत्ता नी रखदे।

2 कुरुन्थियों 1:5

किजोकी असी जिन्ना जादा मसीह यीशु तांइ जुल्म सैह्‍ंदे, परमेश्वर तिन्ना ही जादा मसीह यीशु रे जरिये असा जो तसल्ली दिंदे।

फिलिप्पियों 2:4

हर मणू जो अपणे ही फायदे तांइ नी पर दूज्जेयां रे फायदे तांइ भी सोचणा चाएदा।

2 तीमुथियुस 1:15

तुसा जो ए गल्ल पता ही है कि एशिया प्रदेश रे मते सारे विश्वासियां ने मेरे जो छड्डी दित्ते रा है, फिलेगस ते हरमोगेनेस भी तिन्हा लोक्कां बिच हिन।

2 तीमुथियुस 3:2

किजोकी तिस समय बिच लोक्कां ने सिर्फ अपणी ही परवाह करणी, तिन्हा ने लालची, बुड़कां मारणे वाले, घमंडी, बेजती करणे वाले, मां-प्यो री गल्लां री ना-फरमानी करणे वाले, एहसान फरामोश, अपवित्र

2 तीमुथियुस 4:10

किजोकी देमास दुनिया री चीजां जो जादा प्यार करदा इधेरे तांइ तिनिये मेरे जो छड्डी दित्तेया, ते थिस्सलुनीके रे कस्बे जो चली गेया, ते क्रेसकेंस गलातिया रे इलाक्के पास्से चली गेया ते तीतुस दलमतिया रे इलाक्के बिच चली गेया।

2 तीमुथियुस 4:16

पैल्ली वरी मेरे जो रोम सहर बिच हाकिम रे सामणे तिन्हा लोक्कां जो जवाब दैणे तांइ खड़िणा पेया जिन्हा ने मेरे पर किच्‍छ गलत कम्म करणे रा इल्जाम लाया थिया, कोई भी मेरे पास्से का गवाई दैणे तांइ नी आया बल्कि तिन्हा सारे जणेया ने मेरे जो किल्ला छड्डी दित्तेया।