फिलिप्पियों 2:13 - चम्बयाली नौआ नियम

¹³ किजोकी परमेश्वर तुसा बिच कम्म करेया करदे हिन, ते तुसा जो इच्छा ते ताकत देया करदे हिन ताकि तुसा से कम्म करो जिस कने से खुस हुंदे।

फिलिप्पियों 2:13 Cross References

लूका 12:32

इधेरे तांइ ओ छोटे झुण्ड, डरो मत, किजोकी तुसा रा परम पिता परमेश्वर चाह्‍ंदा कि तुसा तिन्हेरे राज रे वारिस बणो।

लूका 2:14

“स्वर्ग अन्दर परमेश्वर री बड़ाई हो, ते दुनिया अन्दर तिन्हा मणूआं अन्दर सांती हो जिन्हा कने परमेश्वर खुस हिन।”

यूहन्ना 3:27

यूहन्ना ने जवाब दित्ता, जिस बेल्ले तक मणू जो स्वर्ग का हक्क ना दित्तेया जाए, तिस बेल्ले तक सेह कुछ भी नी पाई सकदा

यूहन्ना 6:45

कुसकी भविष्यद्वक्ता री कताब बिच ए लिख्खे रा है, कि से सब परमेश्वर रे पासे का सिखाए रे होणे जिन्नी भी बाबे का सूणेया कने सिखया, से मेरे का आन्दा।

यूहन्ना 6:65

फिरी तिन्हा ने बोल्लेया, इस तांइ मैं तुसा जो बोल्लेया थिया जां तांइ कुसकी जो पिता रे पास्से का वरदान ना मिल्ले, तां तांइ से मेरे का नी आई सकदा।

प्रेरितां रे कम्म 11:21

ते प्रभु री ताकत तिन्हा पर थिया, ते मते सारे गैर यहूदी मणू प्रभु यीशु पर विश्वास करणा लग्गी पये।

रोमियों 12:3

किजोकी जे अनुग्रह मेरे जो मिल्ले रे तिस अनुग्रह री वजह कने मैं तुसा बिच का हर इक्क जो बोलदा कि जिन्ना अप्पु जो समझणा चाएदा, अप्पु जो कोई तिसका जादा ना समजे पर जिय्यां परमेश्वर ने हर इक्क जणे जो दित्ते रा तिस विश्वास रे नाप रे हिसाब कने, ठीक समझ कने अप्पु जो तिन्ना ही समजे।

रोमियों 9:11

पर तिन्हेरे पैदा होणे रे पैल्ले या तिन्हेरे बिच किच्‍छ भी खरा या बुरा होणे का पैल्ले ही परमेश्वर ने रिबेका जो दस्सेया, “बड्डे मुंडे ने छोटे मुंडे री सेवा करणी।” परमेश्वर ने ए गल्ल ए ज़ाहिर करणे तांइ बोल्ली कि से अपणे मकसद तांइ लोक्कां जो चुणदे, ते ए तिन्हा दोन्नां रे किच्‍छ करणे री वजह कने नी थिया।

रोमियों 9:16

इधेरे तांइ परमेश्वर तिन्हा जो चुणदा, जिन्हा पर से दया करणा चाह्‍ंदे, ते ए सारा किच्‍छ असा री मर्जी या कम्मां पर निर्भर नी करदा, पर सिर्फ परमेश्वर री दया पर निर्भर करदा।

1 कुरुन्थियों 15:10

परमेश्वर रे अनुग्रह री वजह कने ही मैं प्रेरित बणेया, तिन्हेरा से अनुग्रह जे मेरे पर होया, तिसेरा मेरी जिन्दगी बिच बड़ा जादा असर रेया। मैं तिन्हा सारे प्रेरितां का बधी करी मैहनत भी कित्ती: तां भी ए मेरे पास्से का नी होया पर परमेश्वर रे अनुग्रह री वजह जे मेरे पर है।

2 कुरुन्थियों 3:5

असी नी बोलदे कि असा बिच अप्पु किच्‍छ करणे री काबलियत है, पर परमेश्वर असा जो ए सब करणे री काबलियत दिंदे।

इफिसियों 1:11

अते परमेश्वर ने भी असा रा मसीह यीशु कने रा रिस्ता बणाणे रे जरिये असा जो तिन्हेरे अपणे मणू बणाया, किजोकी सुरुआत का ही तिन्हेरी ए योजना थी, ते परमेश्वर सब किच्‍छ अपणी इच्छा ते योजना रे हिसाब कन्ने करदे।

इफिसियों 1:5

किजोकी परमेश्वर ने असा जो प्यार कित्तेया ते तिन्हा ने फैसला कित्तेया कि तिन्हा ने असा जो मसीह यीशु रे जरिये गोद लेई लैणा।

इफिसियों 1:9

परमेश्वर ने अपणी इच्छा रा राज़ ठीक इराद्दे कने असा पर जाहिर कित्तेया, जे तिन्हा ने अप्पु मसीह यीशु रे जरिये स्थापित कित्तेया थिया।

इफिसियों 2:8

परमेश्वर ने तुसा जो अपणे अनुग्रह ते तुसा रे मसीह यीशु बिच विश्वास करणे री वजह कने छुटकारा दित्तेया। तुसा अप्पु छुटकारा नी पाया, पर ए परमेश्वर रा दान है।

2 थिस्सलुनीकियों 1:11

इधेरे तांइ असी हमेसा तुसा तांइ प्रार्थना भी करदे कि परमेश्वर तुसा जो तैसी जिन्दगी जीणे रे लायक बनाण जे जीणे तांइ तिन्हा ने तुसा जो सद्दे रा है। ते से तुसा अपणी ताकत रे हिसाब कने चलाण ताकि तुसा रा हर इक्क खरा मकसद ते हर इक्क चीज तुसा विश्वास कने करदे से पूरा होई जाए।

2 तीमुथियुस 1:9

परमेश्वर ने असा जो छुटकारा दित्तेया ते असा जो इक्क पवित्र जिन्दगी जीणे तांइ सद्दे रा है। तिन्हा ने असा जो इधेरे तांइ नी चुणेया कि असी कोई भलाई रे कम्म कित्ते थिये, पर तिन्हा ने असा जो अपणे मकसद ते अनुग्रह री वजह कने चुणेया। परमेश्वर ने मसीह यीशु जो धरती पर भेजणे रे जरिये असा जो अपणा अनुग्रह दिखाणे रा मकसद इस दुनिया जो बणाणे का पैल्ले ही करी लित्तेया थिया।

इब्रानियों 13:21

ते परमेश्वर प्रभु यीशु मसीह री ताकत कने तुसा बिच से हर इक्क ठीक चीज पैदा करे, जिस कने से खुस हुंदे, जिस कने तिन्हेरी महिमा हमेसा-हमेसा तिकर हुंदी रेयो। आमीन।

1 पतरस 1:3

असा रे प्रभु मसीह यीशु रे पिता ते परमेश्वर रा शुक्रिया हो। असा पर तिन्हेरी दया री वजह कने तिन्हा ने मसीह यीशु जो मरे रे लोक्कां बिच का फिरी जिन्दा करी के असा जो इक्क नौई जिन्दगी दित्ती, ते तिन्हा ने असा जो बड़े हौंसले कने जीणे रे जोग्गे बणाया, इसेरा मतलब ए है कि असी तिन्हा सारी चीजां जो पाणे री आस रख्खी सकदे जिस जो दैणे रा वादा परमेश्वर ने असा ने कित्ते रा है।