फिलिप्पियों 1:9 - चम्बयाली नौआ नियम

⁹ मैं ए प्रार्थना करदा कि इक्क दूए तांइ तुसा रा प्यार बदधा जाए, ते जिन्दगी बिच सही चीजां जो चुनणे तांइ तुसा री ज्ञान ते सही ते गलत री समझ लगातार बदधी रेयो।

फिलिप्पियों 1:9 Cross References

1 कुरुन्थियों 14:20

ओ संगी विश्वासियों, इन्हा गल्लां जो समजणे बिच बच्चेयां सांई ना बणो, बुराई करणे बिच तां बच्चेयां सांई अनजाण ही रेयो, पर इन्हा गल्लां जो समजणे बिच अक्कलमंद बणो।

2 कुरुन्थियों 8:7

इधेरे तांइ जिय्यां तुसा हर गल्ल बिच, मतलब भरोस्से, शिक्षा, ज्ञान ते हर तरिक्के री मैहनत बिच, ते असा कने प्यार रखणे बिच होर भी जादा बदधे जांदे, तिय्यां ही गरीब विश्वासियां जो दान दैणे रे कम्म बिच भी बदधे जाओ।

इफिसियों 5:17

इस तांइ बेफकुफ मत बणो, पर ध्यान कने समझो की परमेश्वर री मर्जी कै है?

कुलुस्सियों 1:9

इधेरे तांइ जां रा असी तुसा रे बारे बिच सुणे रा है, तां का ही असी तुसा तांइ प्रार्थना करदे रैहन्दे। असी परमेश्वर का हमेसा प्रार्थना करदे कि से तुसा जो पूरी समझ ते आत्मिक बुद्वी ते समजदारी दैण ताकि तुसा तिन्हेरी इच्छा जो समजी सको।

कुलुस्सियों 3:10

तुसा अवे इक्क नौए मणू बणी गेरे हिन, ए नौआ स्वभाव अपणे बणाणे वाले परमेश्वर सांई बणदा जाया करदा है ते इस वजह कने तुसा परमेश्वर जो जादा ठीक तरिक्के कने समझणा।

1 थिस्सलुनीकियों 3:12

असी प्रार्थना करदे कि जिय्यां असी प्यार तुसा कने करदे तिय्यां ही मसीह यीशु तुसा जो इक्क दूए कने प्यार रखणे ते तिस बिच बधणे बिच मदद करे।

1 थिस्सलुनीकियों 4:1

आखिरकार, संगी विश्वासियों, असी तुसा जो मसीह यीशु बिच जोर पाई करी समझांदे कि इदेइ जिन्दगी जियो जिस कने परमेश्वर खुस हो, जिय्यां तुसा जिया भी करदे हिन ते असी तुसा होर बदिया जिन्दगी जीणे तांइ उत्साहित करदे।

2 थिस्सलुनीकियों 1:3

ओ संगी विश्वासियों, असा जो तुसा तांइ हमेसा परमेश्वर रा शुकर करणा चाएदा। इय्यां करणा ठीक है किजोकी तुसा मसीह बिच विश्वास करणे बिच होर जादा मजबूत होया करदे हिन ते तुसा बिच आपसी प्यार भी बदेया करदा है।

फिलेमोन 1:6

मैं प्रार्थना करदा कि परमेश्वर री दित्ती री हर ठीक चीज जो जानणे री वजह कने तुसा सारे विश्वासियां कने मिली करी संगती जो बधाओ। ए सारा किच्‍छ मसीह यीशु री महिमा तांइ हो।

इब्रानियों 5:14

अनाज तां तिन्हा मणूआं तांइ है जे सही ते गलत रा अनुभव करी के विश्वास करणे बिच समजदार होई गेरे हिन।

1 पतरस 1:22

सच्चाई जो मन्नी करी चलणे री वजह कने अवे तुसा सुच्चे कित्ते गे, अवे तुसा जो तन-मन लाई करी संगी विश्वासियां कने आपसी प्यार रखणा चाएदा। बड़ी चाह्‍त ते पूरे दिल कने इक्क-दूए कने प्यार रख्खो।

2 पतरस 3:18

पर तुसा जो असा रे प्रभु ते छुटकारा दैणे वाले मसीह यीशु रे अनुग्रह रा होर भी जादा अनुभव करणा चाएदा, ते तिन्हा जो समजणे बिच होर भी जादा बधणा चाएदा। तिन्हा रा आदरमान अब्बे ते हमेसा-हमेसा तिकर हुंदा रे।