फिलिप्पियों 1:26 - चम्बयाली नौआ नियम

²⁶ ते जां मैं तुसा का आणा तां तुसा का मसीह यीशु बिच तिस कम्म तांइ घमंड करणे रा होर भी वजह होणी जे से मेरे जरिए करेया करदे हिन।

फिलिप्पियों 1:26 Cross References

यूहन्ना 16:22

तिस्सी तरिक्के कने अवे तुसा दुखी तां हिन, पर मैं तुसा रे कने फिरी मिलणा, अते तुसा रे मन खुस होई जाणे, अते तुसा री खुसी जो कोई तुसा का खुस्सि नी सकदा।

यूहन्ना 16:24

हल्ले तांइ तुसा मेरे नां कने किच्‍छ भी नी मंगेया: मंगो, अते तुसा जो मिल्ली जाणा, ताकि तुसा खुस होई जाओ।

2 कुरुन्थियों 5:12

असी फिरी भी अपणी तारिफ तुसा अग्गे नी करदे, पर असी तुसा जो असा रे बारे बिच गर्व करणे रा मौक्का दिदें, तुसा तिन्हा जो जवाब देई सको, जे मन पर नी पर दिखावटी गल्लां पर घमंड करदे।

2 कुरुन्थियों 7:14

किजोकी अगर मैं तिसेरे सामणे तुसा रे बारे बिच किच्‍छ गर्व दिखाया भी, तां मैं शर्मिदां नी होया, पर जिय्यां असी सारी गल्लां तुसा रे सामणे सच-सच बोल्ली दित्ती थी तिय्यां ही असा रा गर्व करणा तीतुस रे सामणे सच निकलेया।

2 कुरुन्थियों 7:4

मैं तुसा कने बड़ी हिम्मत कने बोलदा कि मेरे जो तुसा पर बड़ा गर्व है, मैं बड़ा वरी उत्साहित है, अपणे सारे दुख बिच भी मैं खुसी कने भरी रैहन्दा।

2 कुरुन्थियों 7:6

तां भी दुखी मणूआं जो तसल्ली दैणे वाले परमेश्वर ने तीतुस रे आणे कने असा जो तसल्ली दित्ती।

गलातियों 6:4

पर हर इक्क जणा अपणे-अपणे कम्मां जो परखी लै कि से ठीक हिन कि नी। जे अगर तिन्हेरे कम्म सही होए तां से अप्पु तांइ गर्व करी सकदे पर तिन्हा जो अपणे कम्मां जो दूज्जेयां कने बराबरी ना करे।

फिलिप्पियों 3:1

ते ओ मेरे संगी विश्वासियों, प्रभु री वजह कने खुस रेयो, तुसा जो से ही गल्लां घड़ी-घड़ी लिखणे बिच मेरे जो कोई तकलीफ नी है, ताकि इस कने गलत शिक्षकां का बची सको।

फिलिप्पियों 3:3

हकीकत बिच तां असी परमेश्वर रे मणू हिन, ते परमेश्वर रे पवित्रात्मा रे दसणे रे हिसाब कने अराधना करदे, ते मसीह यीशु पर घमंड करदे ते असी अपणे इन्सानी कम्मां पर निर्भर नी हुंदे।

फिलिप्पियों 4:10

मैं परमेश्वर री वजह कने बड़ा खुस है की अवे इन्ने दिनां रे बाद तुसा ने फिरी मेरे जो याद करी के मेरे तांइ दान भेज्जेया; पक्का ही तुसा जो सुरु बिच भी इसेरा अदांजा थिया, पर तुसा जो मौक्का नी मिल्लेया।

फिलिप्पियों 4:4

प्रभु री वजह कने खुस रेयो, मैं फिरी बोलदा, खुस रेयो!