फिलिप्पियों 1:18 - चम्बयाली नौआ नियम

¹⁸ पर इस कने कोई फरक नी पैन्दा भले ही तिन्हेरे ईरादे ठीक होण या बुरे, मसीह रा सुब बसेख कुसकी ना कुसकी तरिक्के कने सुणाया जांदा, ते मैं इस बिच ही खुस है, ते मैं इस गल्ल बिच इय्यां ही खुस रैह्णा।

फिलिप्पियों 1:18 Cross References

मत्ती 23:13

ओ ढोंगी शास्त्रियों, ते फरीसी लोक्कों, तुसा पर लाणत है! तुसा लोक्कां जो स्वर्ग रे राज बिच नी जाणा दिंदे, ना तां अप्पु खुद उस बिच जांदे अते ना ही उन्हा जो जाणे दिंदे जे जाणे तांइ कोसीस करेया करदे हिन।

मरकुस 12:40

से विधवा जनानियां कने धोखा करी के तिन्हेरी जमीन-जायदाद हड़पी लिंदे, ते बड़ी लम्बी-लम्बी प्रार्थना करी के पवित्र बणने रा ढोंग करदे। इदेइ गल्लां री वजह कने तिन्हा लोक्कां जो बड़ी सजा मिलणी।

लूका 9:45

पर ए गल्ल चेल्‍लेयां रे पल्ले नी पेई, किजोकी इस गल्ल रा सह्ई मतलब तिन्हा का छुपी रेया कि से तिसजो जाणी ना सकण ते चेल्‍ले यीशु का इस बारे अन्दर पूच्छणे का ड़रदे थिये

लूका 9:50

यीशु ने यूहन्ना जो बोल्लेया, तिसजो ठाक्को मत किजोकी जे असा रे खिलाफ नी है, से असा रे पास्से ही है

रोमियों 3:9

तां फिरी कै असी यहूदी लोक, गैर यहूदियां का जादा ठीक हिन? ना, बिल्कुल भी नी, किजोकी भले ही कोई यहूदी हो या गैर यहूदी हो, असी सारे जणेया पर इल्जाम लाया गे रा है, कि असी सारे पाप रे काबू बिच हिन।

रोमियों 6:15

किजोकी असी जाणदे कि असी मूसा रे कानून रे हेठ नी पर परमेश्वर रे अनुग्रह बिच जिन्दे, इधेरे तांइ असा जो पाप बिच जिन्दगी नी जीणी चाएदी।

1 कुरुन्थियों 10:19

मैं ए नी है बोलदा कि मूर्ति पर चढ़ाए री बलि किच्‍छ है, या मूर्ति अप्पु किच्‍छ है,

1 कुरुन्थियों 14:15

ए वक्त-वक्त री गल्ल है कि कदी मेरे जो आत्मां बिच होई करी प्रार्थना करणा चाएदी ते कदी मेरे जो समजी करी प्रार्थना करणा चाएदी। कुसकी बेल्ले मेरे जो आत्‍मा बिच भरी करी गीत-भजन गाणे चाएदे ते कदी मेरे जो समजी करी गीत-भजन गाणे चाएदे।

1 कुरुन्थियों 15:11

इधेरे तांइ चाए मैं हो ते चाए दूए प्रेरित होण, असा सारेयां ने मसीह यीशु रे तिस्सी बसेख रे बारे बिच प्रचार कित्तेया, ते तिस्सी पर तुसा ने विश्वास भी कित्तेया।

फिलिप्पियों 1:19

किजोकी मैं जाणदा कि तुसा जे मेरे तांइ प्रार्थना करेया करदे हिन, तिसेरे जरिए, ते मसीह यीशु री पवित्रात्मा री मदद कने मेरे जो छुटकारा मिलणा।