फिलिप्पियों 1:12 - चम्बयाली नौआ नियम

¹² ओ संगी विश्वासियों, मैं चाह्‍ंदा कि तुसा जो ए पता लग्गी जाओ कि मेरे कने बीत्ती, तिस कने सुब बसेख लोक्कां बिच होर जादा फैल्लेया।

फिलिप्पियों 1:12 Cross References

लूका 21:13

पर ए तुसा तांइ मेरी गवाई दैणे रा मौक्का बणी जाणा।

प्रेरितां रे कम्म 8:4

पर जे विश्वासी बिखरी गे थिये से जित्ते भी गे तित्ते सुब बसेख सुणादे गे।

रोमियों 8:28

असी जाणदे कि परमेश्वर हर गल्ल बिच तिन्हा लोक्कां कने भलाई करदे जे तिन्हा कने प्यार करदे। परमेश्वर ने तिन्हा लोक्कां जो अपणे मकसद तांइ चुणे रे हिन।

रोमियों 8:37

पर असी मसीह यीशु रे जरिये हर इक्क गल्ल बिच इक्क विजेता का बधी करी हिन, किजोकी मसीह यीशु असा कने प्यार करदे।

फिलिप्पियों 1:5

किजोकी तुसा रे मसीह यीशु बिच विश्वास करणे रे पैल्ले दिन का लेई करी अज्ज तांइ तुसा मसीह यीशु रा सुब बसेख जो फलाणे अन्दर मेरे कने बराबर रे।

फिलिप्पियों 1:7

खरा होणा कि मैं तुसा सबणी तांइ इदेय सोच रख्खां, किजोकी मैं तुसा कने बड़ा वरी प्यार रखदा, किजोकी तुसा मेरे कने ए सौभाग्य परमेश्वर रे अनुग्रह कने हासिल कित्ते रा है, अब्बे भी जां मैं कैद बिच है ते मसीह रे सुब बसेख पर उठणे वाले सवाल्लां रा जवाब दैणे ते तिसजो साबित करणे बिच भी।

फिलिप्पियों 2:22

पर तुसा तां जाणदे कि तीमुथियुस ने किय्यां साबित कित्ते रा है कि से विश्वासयोग्य है। ते जिय्यां इक्क पुत्तर अपणे प्यो कने मैहनत करदा, तिय्यां ही तीमुथियुस ने सुब बसेख फैलाणे अन्दर मेरे कने मैहनत कित्ती है।

फिलिप्पियों 4:15

ओ फिलिप्पी सहर रे संगी विश्वासियों, तुसा अप्पु भी जाणदे की सुब बसेख री सुरुआत बिच, जां मैं मकिदुनिया प्रदेश का निकलेया, तां तुसा जो छड्डी करी होर कुसकी कलीसिया ने लैणे-दैणे रे मामले बिच मेरी मदद नी कित्ती।

फिलिप्पियों 4:3

ते मैं मसीह री सेवा करणे वाले अपणे विश्वासी भ्याल सुजुगस का ए बिनती करदा, कि से तिन्हा जनानियां बिच भी सुलह कराई दये किजोकी तिन्हा जनानियां ने मसीह रा सुब बसेख फैलाणे बिच मेरे, क्लेमेंस ते मेरे बाकि रे साथियां कने बराबर मैहनत कित्ते री है। ते तिन्हेरे नां जिन्दगी री कताब बिच लिख्खे गेरे हिन।

1 तीमुथियुस 2:8

मैं चाह्‍ंदा कि हर प्रार्थना सभा बिच पवित्र जिन्दगी जीणे वाले मर्द हत्थां जो चुक्की करी बगैर कुसकी गुस्से ते बैह्सबाजी रे प्रार्थना करेया करे।

2 तीमुथियुस 2:9

मैं मुजरिमां सांई तकलिफां सहन करेया करदा है किजोकी मैं सुब बसेख रा प्रचार करदा, इत्ते तिकर मैं कैद बिच भी पाया गे रा है, पर परमेश्वर रे बसेख जो फैलणे का कोई नी रोक्की सकदा।

2 तीमुथियुस 4:17

पर प्रभु ही मेरे मददगार रे ते तिन्हा ने मेरे जो ताकत दित्ती जिसेरी वजह कने मैं साफ तौर पर मसीह रे बसेख रे बारे बिच प्रचार करी सकेया ते तित्ते मौजूद सारे गैर यहूदी लोक्कां ने मसीह रा बसेख सूणन ते तिन्हा ने मेरे जो मौत रे खतरे का इय्यां बचाया जिय्यां कि मैं भूख्खे शेर रे मुँह का बचाया गे रा हो।