ফিলিপীয় 4:5 - Chakma Bible

⁵ তমার নরম খাচ্চ্যদ্‌তানি যেন বেক্কুনে দেগন্। প্রভু যাদিমাদি এজের্।

ফিলিপীয় 4:5 Cross References

মথি লেখ্যে গম্ হবর্ 6:25

ইয়েনত্তে মুই তমারে কঙর্, কি হেবা বিলি বাঁজি থানা পৌইদ্যেনে বা কি উরিবে বিলি কিয়্যেগান পৌইদ্যেনে চিন্তে ন-গোজ্য। পরাণান্ বানা হানা-দানা বেপার নয়, আর কিয়্যেগান বানা কাবড়-চুগোড়র্ বেপার নয়।

মথি লেখ্যে গম্ হবর্ 6:34

কেল্যের্ চিন্তেগান কেল্যে উগুরে ছাড়ি দুয়ো। দিনো দুঘ্‌কান্ দিনোত্তে যগাজ্যে।

লূকে লেখ্যে গম্ হবর্ 21:34

“তুমি উজিয়ার্ থেয়ো যেন তমা মনানি ওলোমোত্ত্য, মাত্তলে ধুরিনে আর সংসারর্ চিদেলোই লুঙি ন-পড়। সিয়েন ন-অলে ফাল্ যেবাবোত্যেগুরি অদাদত্ বানা যায় সেবাবোত্যেগুরি অদাদত্ সে দিন্নো তমা উগুরে, এমন কি, পিত্‌থিমীর বেক্ মানুচ্চুনো উগুরে এইনে পুড়িবো।

১ করিন্হীয় 16:22

যুনি কেঅ প্রভুরে কোচ্‌ ন-পায় সালে তা উগুরে অভিশাব্ পোড়োক্। আমা প্রভু এজোক্।

১ করিন্হীয় 6:7

আসলে তুমি যে একজন অারেক জন বিরুদ্ধে মামলা-মগদ্দমা গরর্ সিয়েন্দোই ইয়েন প্রমাণ অত্তে যে, তুমি উদি যেয়ো। সিয়েনত্তুন্ বরং অন্যেয়ানি সোজ্জ্য ন-গরঅ কিত্ত্যে? ন-ঠুগিলা কিত্ত্যে?

১ করিন্হীয় 8:13

হানাত্তে যুনি মঅ ভেইবো পাপত্ পড়ে সালে মঅ ভেইবো যাতে পাপত্ ন-পড়ে সেনত্তে মুই য়েরা হানা ছাড়ি দিম।

১ করিন্হীয় 9:25

যিগুনে ধাবা দেনাত্ মিজেন্ সিগুনে বেক্কুনে আগেত্তুন্ ধুরি দর-মর গুরিনে চলন্। যে জিদিবার্ মালাবো বর্‌বাদ ওই যায় সেই মালাবো পেবাত্যে তারা সিয়েন গরন্, মাত্তর্ আমি সিয়েন গুরিই সেই বক্‌শিজ্‌চানত্তে যিয়েন কনদিন্অ বর্‌বাদ ন-অবঅ।

২ করিন্হীয় 10:1

খ্রীষ্টর্ চিদে আর দোয়্যেলু মনর্ কধা ইদোত্ রাগেইনে মুই পৌল নিজেই তমারে কোজোলি গরঙর্। মান্‌জ্যে কন্, মুই যেক্কে তমা কুরে থাং সেক্কে নাকি দোরে দোরে কাদাং, মাত্তর্ যেক্কে ন-থাং সেক্কে সাহসী অং।

২ থিষলনীকীয় 2:2

“প্রভুর দিন্নো লুম্মেগি,” ইয়েনর্ মানে ভাববাদী ইজেবে কোইয়্যে কারঅ কধা বা অন্য কারঅ কধা বা আমার লেগা মনে গুরিনে কনঅ চিধির্ কারনে তুমি সহজে চুলুবুলু ন-ওইয়ো বা ন-দোরেইয়ো।

তীত 3:2

তারা যেন কারঅ নিন্দে ন-গরন্ বা কোল্‌-কোজ্জ্যে ন-গরন্, বরং তারা যেন শান্ত খাচ্চ্যদর্ অন্ আর বেক্কুনো সমারে ভারী চিদে বেবহার গরন্।

ইব্রীয় 10:25

কনঅ কনঅ মান্‌জ্যর যেধোক্ক্যেন অভ্যেস্ আঘে তারা ধোক্ক্যেন আমি যেন তেম্মাঙত্ এক সমারে এগত্তর্ অনা বাদ্ ন-দিই, বরং খ্রীষ্টর্ এবার দিন্নো যেদক্ কায়কুরে এবঅ সেদক্ যেন আমি একজন আরেক জনরে আরঅ উচ্চোমি দেনাত্ থেই।

ইব্রীয় 10:37

কিয়া গোজেনর্ কধা মজিম, “যিবে এবার্ কধা আঘে তে খুব কয়েক দিনো ভিদিরে এবঅ, দেরি ন-গুরিবো।

১ পিতর 1:11

তারা মনত্ খ্রীষ্টর আত্মাগানে আগেদি সাক্ষ্য দিইনে কোইয়্যেদে যে, খ্রীষ্টর দুঘ্ ভুগো পরিবো আর সে পরেদি তে মহিমা পেবঅ। ভাববাদীগুনে জানিবাত্যে চেইয়োন খ্রীষ্টর্ সেই আত্মাগানে কন্‌ সময়োত্ আর কন্‌ অবস্থার কধা তারারে জানার্।

১ পিতর 4:7

ইক্কিনে বেক্কানির্ থুমো সময় ওইয়্যেগি। সেনত্যে তমা মনানি থির্ গরঅ আর নিজোরে দোঙেই রাগঅ যেন তবনা গুরি পারঅ।

ফগদাং পেইয়্যে 22:20

যিবে ইয়েনি পৌইদ্যেনে সাক্ষ্য দের্ তে কত্তে, “ঘেচ্চেকগুরি মুই যাদিমাদি এজঙর্।” আমেন। প্রভু যীশু, আয়।

ফগদাং পেইয়্যে 22:7

যীশু কত্তে, “চঅ, মুই যাদিমাদি এজঙর্। এ বোইবোর বেক্ কধানি, অত্তাৎ গোজেনর্ কধানি যে পালায় তে বর্‌পেইয়্যে।”