ফিলিপীয় 4:17 - Chakma Bible

¹⁷ কনঅ বক্‌শিজ্ যে মুই মাগঙর্ সিয়েন নয়, মাত্তর্ মুই এমন্‌ ফলর্ আজা গরঙর্ যিগুন তমা নাঙে জমা অনাত্ থেবঅ।

ফিলিপীয় 4:17 Cross References

গম্ উপদেজ্ 19:17

যে মান্‌জ্যে নাঢা মান্‌জ্যরে দোয়্যে গরে তে লগেপ্রভুরে উদোর্ দে; লগেপ্রভু তার সে উপকারর ফল্ দিবো।

মীখা 7:1

কি দযা মর্! মুই ওইয়োংগে তা ধোক্ক্যেন যে বেক্ ফলুন পাড়ি নেযেবার পরেদি আংগুর তুলোদে আর অন্য ফল পাড়িবাত্তে যায়, মাত্তর্ সিদু হেবাত্তে কনঅ আংগুরোর্ থুপ্ নেই, কনঅ পত্তমে পাক্যে ডোমোর্‌অ নেই যিগুন্ মঅ পরাণানে চায়।

মালাখি 1:10

“হায়! যুনি তমা ভিদিরে একজনেয়ো উবোসনা-ঘরর দোরানি নাঢি দিদাক্ আর তুমি মঅ ডালি পূজোবো উগুরে অনত্তক্ আগুন ন-জ্বালেদা সালে মুই হুজি অদুং। মুই তমা উগুরে হুজি নয় আর কনঅ উৎসর্বর জিনিস মুই তমা আঢত্তুন্ গুজি ন-লোম্।

যোহন 15:16

তুমি মরে বেঈ ন-লঅ, মাত্তর্ মুয়ই তমারে বেঈ লোইনে কামত্ লাগেয়োং যেন তমা জিংকানিত্ গুলো ধরন্ আর তমার্ সেই গুলোগুন্ যেন থিগি থায়। সালে মঅ নাঙে বাবা ইধু যিয়েনি মাগিবা সিয়েনি তে তমারে দিবো।

যোহন 15:8

যুনি তমা জিংকানিত্ জদবদে গুলো ধরে আর এবাবোত্যেগুরি তুমি নিজোরে মঅ শিচ্চ্য বিলিনে প্রমাণ গরঅ সালে মঅ বাপ্পোর্ বাঈনী অবঅ।

রোমীয় 15:28

মর্ এ কামান্ থুম্ অলে পরেদি যেক্কে মুই কোই পারিম, সেই টেঙাগুন্ গমেডালে লুমেই দুয়োন্ সেক্কে তমা কায় কুরে গুরি মুই স্পেইনত্ যেম্।

২ করিন্হীয় 11:16

মুই আরঅ কং, কেঅ যেন মরে বেদমা মনে ন-গরে। খালিক্ যুনি তুমি সেবাবোত্যে মনে গুরি থাগঅ সালে বেদমা ইজেবে মরে মানি লঅ, যেন মুই এক্কেনা দেমাগ্ গুরি পারং।

২ করিন্হীয় 9:5

সেনত্যে মুই এ ভেইয়ুনোর্ আগে তমা ইধু যেবাত্যে কোজোলি গরানা দরকার মনে গুরিলুং, যেন তুমি যে দাঙর্ দান দিবাত্যে এগেম্ গোজ্জ্য সিয়েনর্ বেবস্থা তারা আগেদি গুরিনে থোই পারন্। ইয়েন্দোই তমাত্তুন্ জোর্ গুরিনে আমার্ কিজু আদায় গরা ন-পুরিবো, বরং তুমি যিয়েন দিবা সিয়েন দান ইজেবে আগেত্তুন্ ধুরি যুক্কোল্ থেবা।

ফিলিপীয় 4:11

মর্ কনঅ অভাবত্যে যে মুই এ কধাগান্ কঙর্ সিয়েন নয়, কিয়া যে কনঅ অবস্থায় মুই হুজী থেবার্ শিক্ক্যং।

১ থিষলনীকীয় 2:5

তুমি কোই পারঅ আমি কনদিন্অ বিগিদি গুরিনে কধা ন-কোই, আর লুভ্‌পানরে নাঢি থোইনেয়ো যে ছলনা গুরিনে কনঅ কধা আমি ন-কোই, গোজেনে তার্ সাক্ষী।

১ তীমথিয় 3:3

তে যেন মাত্তল্ আর রগ্‌‌‌চদা ন-অয়, বরং তা খাচ্চ্যদ্‌তান যেন চিদে অয় আর তে যেন কোজ্জ্যে গুরিয়্যে বা টেঙার্ লুভি ন-অয়।

১ তীমথিয় 6:10

নানান্ বাবোত্যে ভান্ন্যেয়র্ গোড়াত্ রোইয়্যেদে টেঙা-পৌইজ্যে উগুরে কোচ্‌‌পানা। ভালোক্ জনে টেঙা-পৌইজ্যের্ লুভে খ্রীষ্টীয় ধর্ম-বিশ্বেজত্তুন্ সুরি যেইনে নিজো উগুরে বোউত্ দুঘ্ ডাগি আন্ন্যন্।

তীত 1:7

গোজেনত্তুন্ কামর্ ভারান পেইয়্যে মানুচ্ ইজেবে সেই পরিচালক্কোত্তুন্ এমন্‌ উয়ো পরিবো যেনে কেঅ তারে নিন্দে গুরি ন-পারন। তে যেন একগোঙ্যে, রাগী, মাত্তল্ বা বদ্‌মেজাজী ন-অয়। অন্যেয় লাভ ইন্দি যেন তার্ মনান্ ন-থায়।

তীত 3:14

অন্যগুনোরে উপকার গুরিবার কামত্ নিজোরে লাগি রাগেবাত্যেই আমা মানুচ্চুনোর্ শিগে পরিবো, যেন তারা অন্যগুনোর অভাব্‌ দূর্ গুরি পারন। এবাবোত্যে গুরিলে তারার্ জিংকানিগানি ফলিবো।

ইব্রীয় 6:10

গোজেনে দোল্ বিচেরক্; সেনত্যে তমা কামানি আর তা মানুচ্চুনোরে সেবা-যত্তন্ গুরিনে তুমি তারে যে কোচ্‌পানা দেগেয়ো আর দেগর্, সিয়েন তে ভুলি ন-যেবঅ।

১ পিতর 5:2

তমা ইধু যে গোজেনর্ পাল আঘে তুমি সিবের্ গরক্ অ। দেগাশুনো গরা পরিবো বিলিনে যে তারারে দেগাশুনো গুরিবে সিয়েন নয়, বরং নিজোর আওজে সিয়েন গরঅ, কিয়া গোজেনে তমা ইধু সিয়েনই চায়। লাভর্ আজায় এ কামান ন-গোজ্জ্য, মাত্তর্ আওজ্‌ গুরিনে গরঅ;

২ পিতর 2:15

তারা বিয়োরর্ পুয়ো বিলিয়মর্ পধ্‌থান ধোজ্জ্যন্। বিলিয়মে ভান্ন্যেই কামর্ বকশিজ্ পেবাত্যে চেইয়্যে,

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।

যিহূদা 1:11

অভিশাব্ পাদোক্ সেই মানুচ্চুনে! যিগুনে কয়িনো পধেদি যেইয়োন, লাভত্যে বিলিয়মর্ ভুল আঢত্ নিজোরে ইরি দুয়োন আর কোরহ ধোক্ক্যেন উল্লোমি গুরিনে ভস্ত ওই যেইয়োন।