ফিলিপীয় 4:15 - Chakma Bible

¹⁵ ফিলিপীয় মন্ডলীর মানুচ্চুন্, তুমি দঅ নিজেই কোই পারঅ, তুমি পত্তম গম্ হবর্ শুনোনার্ পরেদি যেক্কে মুই ম্যাসিডোনিয়া ফেলেইনে যেইয়োং, সেক্কে তুমি বাদে আর কনঅ মন্ডলী মঅ সমারে দেনা-লনা পৌইদ্যেনে ন-মিজেনদি।

ফিলিপীয় 4:15 Cross References

২ রাজাবলী 5:16

জোবত্‌ ভাববাদীবো কলঅ, “মুই যিবের্‌ সেবা গরঙ্‌ সে জেদা লগেপ্রভুর দিব্য, মুই এক্কান্‌ জিনিসঅ গুজি ন-লোম্‌।” নামানে জোর্‌ গুরিলেয়ো তে রাজী ন-অলঅ।

প্রেরিত্‌ 16:40

পৌল আর সীল জেল্‌খানাত্তুন্ নিগিলিনেই লুদিয়ার্ ঘরত্ গেলাক্। সিধু বিশ্বেজি ভেইয়ুনো সমারে তারার্ দেগা অলঅ। ভেইয়ুনোরে উৎসাহ দেনার্ পরেদি তারা সিয়োত্তুন গেলাক্‌কোই।

রোমীয় 15:26

কিয়া যিরূশালেমত্ গোজেন মানুচ্চুনো ইধু যিদুক্কুন্ নাঢা মানুচ্ আঘন্ তারাত্তে ম্যাসিডোনিয়া আর আখায়া মন্ডলীগুনোর মানুচ্চুনে কিজু টেঙা তুল্ল্যন্।

ফিলিপীয় 1:12

ভেইলগ্, মুই চাং যেন তুমি কোই পারঅ যে, মঅ উগুরে যিয়েনি ঘোট্যে সিয়েনির ফলে গম হবরর্ প্রচারর্ কাম আরঅ উজেই যেয়্যে।

ফিলিপীয় 1:16

এ মানুচ্চুনোর্ মনত্ কোচ্‌পানা আঘে বিলিনে তারা খ্রীষ্ট পৌইদ্যেনে প্রচার গরন্, কিয়া ইগুনে কোই পারন্‌দে, গম হবরর্ পক্ষ ওইনে কধা কবাত্যে মুই আঘং।

ফিলিপীয় 1:5

কিয়া যীশু খ্রীষ্ট পৌইদ্যেনে গম হবর্ প্রচারর্ কামত্ তুমি পত্তম দিনোত্তুন্ ধুরি ইক্কিনে সং মরে সাহায্য গুরি এজর্।

ফিলিপীয় 1:7

তমা বেক্কুনো পৌইদ্যেনে মর্ মনভাব এবাবোত্যে অনা উচিত, কিয়া তুমি মর্ কোচ্‌‌পেইয়্যে। মুই জেলোত্ থেলেয়ো গম হবরর্ পক্ষে থেইনে সিয়েনর্ সত্যগান প্রমাণ গরং, সেক্কে তুমি বেক্কুনে মঅ লগে গোজেনর্ দোয়্যের্ ভাগী।

ফিলিপীয় 2:12

মর্ কোচ্‌পেইয়্যে ভেইয়ুন, তুমি দঅ নিত্য বাধ্য ওইনে আঘঅ। সেধোক্ক্যেন গুরিনে বানা মর্ থানার্ সময়োত্ নয়, মাত্তর্ বিশেষ গুরিনে ইক্কিনে মর্ ন-থানার্ সময়োত্‌অ তুমি ভোক্তি আর দোরেনেই তমার্ কামর্ মাধ্যমে দেগঅ যে, তুমি পাপত্তুন্ উদ্ধোর্ পেয়ো।