ফিলিপীয় 4:11 - Chakma Bible

¹¹ মর্ কনঅ অভাবত্যে যে মুই এ কধাগান্ কঙর্ সিয়েন নয়, কিয়া যে কনঅ অবস্থায় মুই হুজী থেবার্ শিক্ক্যং।

ফিলিপীয় 4:11 Cross References

পত্থম 28:20

ইয়েন পরেদি যাকোবে শমত্‌ খেইনে কলঅ, “যুদি গোজেনে মর্‌ এ যাত্রাবোত্‌ মরে রোক্ষ্যে গরে, যুদি তে মরে হেবার-উরিবার্‌ যোগেই দে,

যাত্রা 2:21

পরেদি মোশি সেই ধর্মগুরুবো সমারে থেবাত্তে রাজী অলঅ আর তে মোশি লগে তার্‌ ঝিবো সিপ্পোরার মেলা গুরি দিলো।

লূকে লেখ্যে গম্ হবর্ 3:14

কয়েক্কো সৈন্যয়ো তারে পুযোর্ গুরিলাক্, “আর আমি কি গুরিবোং?” যীশু সেই সৈন্যগুনোরে কলঅ, “জুলুম্ গুরিনে বা অন্যেয়গুরি দুষ্ দেগেইনে কারত্তুন্ কিচ্চু আদায় ন-গোজ্য আর তমা বেতনুন্দোই হুজি থাগঅ।”

২ করিন্হীয় 11:27

খ্রীষ্টর্ সেবা গুরিবাত্যে যেইনে মুই দুঘোত্অ জদবদে কাম গোজ্জ্যং। মুই ভালোক্ রেত্ জাগি রোইয়োং, পেট পরায় আর পানি তিরেজে দুঘ্ পেইয়োং, উবোস্ থেইয়োং, জারে আর কাবর-চুগরর্ অভাবে দুঘ্ পেইয়োং।

২ করিন্হীয় 6:10

আমি বোউত্ দুঘ্ পেইর্, তো আমার মনানি নিত্য হুজীয়ে ভরা। আমি নিজে নাঢা, তো আমি ভালোক্ জনরে থাগোইয়্যে গুরির্। আমার কিচ্চু নেই, তো আমি বেক্কানির্ অধিকারী। এবাবোত্যেগুরি আমি প্রমাণ গুরির্ যে, আমি গোজেনর্ সেবা গুরিয়্যে।

২ করিন্হীয় 8:9

তুমি দঅ আমার্ প্রভু যীশু খ্রীষ্টর্ দোয়্যের্ কধানি কোই পারঅ, তে নিজে থাগোইয়্যে ওইনেয়ো তমাত্যে নাঢা অলঅ, যেন তার্ নাঢা অনার্ মাধ্যমে তুমি থাগোইয়্যে ওই পারঅ।

২ করিন্হীয় 9:8

তমারে বেক্কানিন্দি দোয়্যে গুরিবার খেমতা গোজেনর্ আঘে, যেনে তমাত্তুন্ যিয়েনি দরকার সিয়েনি বেক্কানি নিত্য তমার থায়; আর সিয়েনর্ ফলে যেন তুমি বেক্‌ গম্ কামানিত্যে খুলো আঢে দান গুরি পারঅ।

ফিলিপীয় 3:8

আসলে যাত্যে মুই এদক্কানি ক্ষতি স্বীগের্ গোজ্জ্যং মর্ সেই প্রভু খ্রীষ্ট যীশুরে জানানা ভিদিরে যে অাশিদ্‌বাদ্‌তান আঘে, তা কায়কুরে আর বেক্কানিরে মুই ক্ষতি বিলিনে মনে গরং। খ্রীষ্টরে যেন মুই পেই পারং আর মরে যেন খ্রীষ্ট সমারে এগত্তর্ দেগা যায়, সেনত্যে মুই সিয়েনিরে কাজর্ বিলিনে মনে গরং। আইন-কানুন্ পালন গরানাত্যে যে মুই নিদ্দুজি সিয়েন নয়, মাত্তর্ খ্রীষ্ট উগুরে বিশ্বেজর্ কারনে গোজেনে মরে নিদ্দুজি ইজেবে মানি লোইয়্যে। এ নিদ্দুজিগান গোজেনত্তুন্ এজে আর সিয়েন বিশ্বেজ্ উগুরে নির্ভর গরে।

ইব্রীয় 10:34

আর যিগুনে জেলোত্ যেয়োন তারার্ দুঘে দুঘী ওইয়োন। তমার পযাপিরানি লুট ওই যানাগান তুমি হুজি মনে মানি লোইয়ো, কিয়া তুমি কোই পারিদা যে, আরঅ গম আর থিদেবর্ ধন তমাত্যে আঘে।