ফিলিপীয় 3:5 - Chakma Bible

⁵ আট্য দিনোত্ মর্ চুনু মাঢাবোর চামান্ কাবা ওইয়্যে; ইস্রায়েল জাদ ভিদিরে বিন্যামীন গুট্টিত্ মর্ জর্ম; মুই এক্কো খাটি ইব্রীয়; মোশির রীদি-সুদোম পালানা পৌইদ্যেনে মুই এক্কো ফরীশী;

ফিলিপীয় 3:5 Cross References

পত্থম 14:13

পরেদি এক্কো মানুচ্‌ ধেই এইনে ইব্রীয় অব্রামরে সে হবরান্‌ দিলো। অব্রামে সে অক্তত্‌ ইমোরীয় মম্রির্ এলোন ঝাড় কায়কুরে বজত্তি গুরিদো। মম্রি এলদে ইষ্কোল আর আনের ভেই। অব্রাম লগে ইগুনে সমাজ্যে ধোক্ক্যেন এলাক্‌।

পত্থম 17:12

বংশর্‌ পর্‌ বংশ ধুরিনে তমার্‌ পত্তি মরদ্‌ পুয়োগুনোর্‌ জর্ম অনার্‌ আস্‌টো দিনোত্‌ এ চুনুগুলোবোর্ মাদাগান্ কাবানা অনুষ্ঠানান্‌ গরা পড়িবো। তর্‌ বংশর্‌ কনজনে ন-ওইনে তমা ঘরর্‌ চাগর্‌ অলেয়ো তারারে বেক্কুনোরে এ চুনুগুলোবোর্ মাদাগান কাবি দে পড়িবো, তারা তমা ঘরত্‌ জর্মেয়োন এবাবোত্যে কনঅ চাগরর্‌ পুয়ো ওক্‌ বা টেঙালোই বিদেশীগুনোত্তুন্‌ কিনে চাগর্‌ ওক্‌।

পত্থম 40:15

ঘেচ্চেকগুরি কদ চেলে, ইব্রীয়গুনো দেজত্তুন্‌ মরে জোর্‌ গুরি ধুরি আনা ওইয়্যে, আর এ দেজত্‌ এইনেয়ো মুই এমন্ কিজু ন-গরং যিয়েনত্তে মরে এ গাদ্‌‌‌তোত্‌ আক্‌‌‌সো রাগা যায়।”

পত্থম 41:12

রোক্ষ্যেদল-নেতাবোর চাগর্‌ এক্কো ইব্রীয় গাবুজ্যে পুয়ো সিয়েনত্‌ এলঅ। আমি তারে আমা স্ববনর্ কধা কলং। সেক্কে তে আমা দ্বিজন স্ববনর্‌ অত্তগান্‌ আমারে কোই দিলো।

যোনা 1:9

জোবত্ যোনা কলঅ, “মুই এক্কো ইব্রীয়। মুই স্বর্গর্ গোজেন লগেপ্রভুর উবোসনা গরং। তেয়ই সাগর আর মাদি বানেয়্যে।”

লূকে লেখ্যে গম্ হবর্ 1:59

যিহূদীগুনোর্ সুদোম মজিম্ আস্ট্য দিনোত্ তারা পুয়োবোরে সুন্নত গুরিবার কামত্ এগত্তর্ অলাক্। তারা পুয়োবো নাঙান্ তা বাবঅ নাঙান ধোক্ক্যেন্ সখরিয় রাগেবাত্তে চেলাক্,

লূকে লেখ্যে গম্ হবর্ 2:21

জর্মর্ আস্টো দিনোত্ যিহূদীগুনোর সুদোম্ মজিম্ যেক্কে চিগোন্ গুরোবোর্ সুন্নত গুরিবার্ অক্ত অলঅ সেক্কে তা নাঙান্ থুয়ো অলঅ যীশু। মা পেদত্ এবার্ আগেদি স্বর্গদূত্তো তার্ এ নাঙান্ দিয়্যে।

লূকে লেখ্যে গম্ হবর্ 5:38

তাজা আংগুর-রস নুয়ো চাম থৈল্যেত্ থনা উচিত।

প্রেরিত্‌ 22:3

মুই এক্কো যিহূদী। কিলিকিয়ার তার্ষ শঅরত্ মর্ জর্ম, মাত্তর্ মুই এ শঅরত্ দাঙর্ ওইয়োং। গমলীয়েলর্ টেংঅ কুরে বৈইনে মুই আমা পূরোণি মানুচ্চুনোর রীতি-সুদোম বেক্কানি শিক্ষ্যে পেইয়োং। গোজেন পৌইদ্যেনে এচ্চ্যে তুমি যেবাবোত্যেগুরি আওজ্ দেগর্ মুই নিজেয়ো সেবাবোত্যেগুরি আওজি এলুং।

প্রেরিত্‌ 23:6

সেই দাঙর্ তেম্মাঙর্ এক দল যে সদ্দূকী আর অন্য দল অলঅ ফরীশী, এ কধাগান হবর্ পেইনে পৌলে দাঙর্ তেম্মাঙত্ রঅ ছাড়িনে কলঅ, “মর্ ভেইয়ুন, মুই এক্কো ফরীশী আর ফরীশীর পুয়ো। মর্ বিচের্ অর্ কিয়া মুই বিশ্বেজ্ গরং, মরাগুনে আরঅ জেদা ওই উদিবাক্।”

প্রেরিত্‌ 6:1

সে অক্তত্ শিচ্চ্যগুন বাড়দন্। সেক্কে শিচ্চ্যগুনো ভিদিরে যে যিহূদীগুনে গ্রীক ভাষায় কধা কদাক্ তারা ইব্রীয় ভাষায় কধা কোইয়্যে যিহূদীগুনোরে ইয়েন কোইনে দুচ্‌ দিয়্যে ধুরিলাক্, পত্তিদিন হানা দিবার সময়োত্ তারার্ রানী মিলেগুনে কিচ্চু ন-পান্।

রোমীয় 11:1

মুই সালে পুযোর্ গরং, গোজেনে কি তা মানুচ্চুনোরে এলাফেলা গোজ্জ্যে? কনদিন্অ নয়। মুই নিজেই এক্কো ইস্রায়েলীয়, অব্রাহাম গুট্টির্ আর বিন্যামীন-গুট্টির্ মানুচ্‌।

২ করিন্হীয় 11:22

যিগুনে দেমাগ্ গরন তারা কি ইব্রীয়? আমিয়ো সেধোক্ক্যেন। তারা কি ইস্রায়েলীয়? মুইয়ো সেধোক্ক্যেন। তারা কি অব্রাহামর্ গুট্টি? মুই সেধোক্ক্যেন।

১ শমূয়েল 4:6

পলেষ্টীয়গুনে এই রঅবো শুনিনে পুযোর্ গুরিলাক, “ইব্রীয়গুনোর তাম্বুলোত ইবে কিয়োর কিজেক্‌ অর?” তারা জানি পারিলাক্কে, লগেপ্রভুর সাক্ষ্য-সুন্দুক্কো ইস্রায়েলীয়গুনোর তাম্বুলোত্‌ এচ্চ্যে।