ফিলিপীয় 3:3 - Chakma Bible

³ আমি ঘেচ্চ্যেকগুরি চুনু মাঢবোর চামান কাপ্যে মানুচ্‌, কিয়া আমি গোজেন আত্মার্ মাধ্যমে তার্ উবোসনা গুরিই আর খ্রীষ্ট যীশুরে নিইনে বার্ গুরিই আর চুনু মাঢা কাপ্যে উগুরে নির্ভর ন-গুরিই।

ফিলিপীয় 3:3 Cross References

গীতসংহিতা 105:3

তার পবিত্রতাগানর্ বাঈনী গরঅ; যিগুনে লগেপ্রভুরে গভিন্ গুরি জানিবাত্তে আওজি তারার মনানি হুজি ওক্।

যিশাইয় 45:25

মঅ ভিদিরে ইস্রায়েলর বেক বংশগুন নিদ্দুযি বিলি প্রমান অবাক্ আর তারা মরে বাঈনী গুরিবাক্।”

যিরমিয় 4:4

ও যিহূদা আর যিরূশালেমর মানুচ্চুন, লগেপ্রভুর বাধ্য অবাত্তে তমার চুনুগুলোবোর্ মাঢাবোর্ চামান কাবঅ , অত্তাৎ তমা মন ভিদিরে কজরাগানি দূর্ গরঅ; সিয়েন ন-গুরিলে তমা ভান্ন্যেই কামানিত্তে মঅ রাগ্‌কান নিগিলিনে আগুনো ধোক্ক্যেন জুলি উদিবো, কনজনে সিয়েন মারেই ন-পারিবো।‍‌‍

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

রোমীয় 1:9

গোজেন পুয়ো পৌইদ্যেনে গম্ হবর্ প্রচার গুরিনে মর্ বেক্ মনান্দোই মুই গোজেনরে সেবা গরঙর্। মুই যেদক্ বার্ তবনা গরং সেদক্ বার্ যে তমা কধানি ইদোত্ তুলোং, তেয়ই সিয়েনর্ সাক্ষী।

রোমীয় 15:17

মুই গোজেনত্তে যে কামানি গরঙর্ সিয়েনি খ্রীষ্ট যীশুর্ মাধ্যমে মর্ বাঈনী গুরিবার অধিকার আঘে।

রোমীয় 7:6

সেক্কে আমারে যিয়েনিয়ে বানি রাগেদ সিয়েনির দাবি-দাওয়া ইধু আমি মোজ্জ্যেই। সেনত্তে আইন-কানুনোত্তুন্ ইক্কিনে আমি মুক্ত। সিয়েনর্ কারনে আমি ইক্কিনে লেগা রীদি-সুদোমর্ সেই পুরোণি জিংকানি-পধর্ চাগর্ নয়, মাত্তর্ পবিত্র আত্মার্ দিয়্যে নুয়ো জিংকানি-পধর্ চাগর্ ওইয়্যেই।

রোমীয় 8:15

তুমি দঅ চাগর মনভাব ন-পঅ যিয়েনত্যে দোরেবা; তুমি গোজেনর্ আত্মাগানরে পেইয়ো যিবে তমারে পুয়ো ইজেবে অধিকার্ দিয়্যে। সেনত্তে আমি গোজেনরে বাবা, মানে বাব্, বিলিনে ডাগিই।

রোমীয় 8:39

বা আগাজ উগুরে বা পিত্‌থিমী তলেদি কনঅ কিজু, এন্‌ কি, গোদা সৃট্টিগুনো ভিদিরে কনঅ পৌইদ্যেনে গোজেনর্ কোচ্‌পানাত্তুন্ আমারে দূরোত্ সোরেই দি ন-পারিবো। গোজেনর্ এই কোচ্‌পানা আমা প্রভু যীশু খ্রীষ্ট ভিদিরে আঘে।

রোমীয় 9:6

গোজেন কধানি যে মিজে ওই যেইয়্যে সিয়েন নয়, কিয়া যিগুনে ইস্রায়েল জাদ ইধু জোর্মেয়োন তারা বেক্কুনে ঘেচ্চেকগুরি ইস্রায়েল নয়।

২ করিন্হীয় 11:18

মান্‌জ্যে যিয়েন নিইনে দেমাগ্ গরন্, ভালোক জনে যেক্কে সিয়েন্দোই দেমাগ্ গত্তন্ সেক্কে মুইয়ো ন-গুরিম কিত্ত্যে?

গালাতীয় 5:25

আমি যুনি পবিত্র আত্মার্ মাধ্যমে জিংকানি পেই থেই সালে এজঅ, আমি পবিত্র আত্মার্ অধীনে আঢাউদো গুরিই।

গালাতীয় 6:16

যিগুনে এ সুদোমত্ চলন্ তারার্, অত্তাৎ গোজেনর্ আজল্ ইস্রায়েলীয়গুনোরে তে শান্তি আর দোয়্যে দান গোরোক্।

ইফিষীয় 6:18

পবিত্র আত্মালোই পরিচালিত ওইনে মনে-পরাণে নিত্য তবনা গরঅ। ইয়েনত্যে সজাগ্ থেইনে গোজেনর্ বেক্‌ মানুচ্চুনোত্যে আমিঝে তবনা গরানাত্ থাগঅ।

দ্বি’লম্বর বিররণ 10:16

সেনত্যে তুমি তমার্‌ মনানরে তনা গরঅ; একগেঁয়েমি ওইনে আর ন-থেইয়ো।

দ্বি’লম্বর বিররণ 30:6

তুমি যেনে তমার বেক্‌ মনান-পরাণান দিইনে তারে কোচ্‌পেইনে বাঁজি থাগঅ সেনত্যে তে তমারে আর তমার বংশধরুনোর মনত্‌ তনা গুরিবো।

ফিলিপীয় 1:1

তীমথিয় আর মুই পৌল-আমি খ্রীষ্ট যীশুর চাগর্। খ্রীষ্ট যীশু লগে এগত্তর্ ওইয়্যে গোজেনর্ যিদুক্কুন মানুচ্ ফিলিপী শঅরত্ আঘন্ আমি তারা ইধু আর তারার্ পরিচালগ্‌‌কুনো ইধু আর সেবা গুরিয়্যেগুনো ইধু লিগির্।

ফিলিপীয় 3:12

মুই যিয়েনত্যে চেষ্টা গরঙর্ সিয়েন ইক্কিনে যে পেইয়োং বা পুরণ ওইয়্যে এমন্‌ নয়। মাত্তর্ যিয়েনত্যে খ্রীষ্ট যীশু মরে ধোজ্জ্যে সিয়েন ধুরিবাত্যে মুই ধাবা দোঙর্।

কলসীয় 2:11

ইয়েন বাদে তুমি খ্রীষ্ট লগে এগত্তর্ ওইয়ো বিলিনে তমার্ চুনু মাঢায়ো কাবা ওইয়্যে। এ চুনু মাঢা কাবানাগান কনঅ মান্‌জ্যর্ আঢে কাবানা ন-অয়, খ্রীষ্ট নিজেই সিয়েন গোজ্জ্যে; অত্তাৎ কিয়্যে উগুরে পাপ খাচ্চ্যদর্ যে খেমতাগান এলঅ সেই খেমতাত্তুন্ তে তমারে উদ্ধোর্ গোজ্জ্যে।

যিহূদা 1:20

মাত্তর্ কোচ্‌পেইয়্যে সমাজ্জ্যেগুন, তুমি তমার পরম পবিত্র বিশ্বেজ উগুরে থিয়্যেইনে নিজোরে গড়েই তুলো আর পবিত্র আত্মালোই পরিচালিত ওইনে তবনা গরঅ।