ফিলিপীয় 3:19 - Chakma Bible

¹⁹ তারার্ ভাগ্যত্ আঘেদে ভস্ত অনা; পেট্টো অলঅ তারার্ গোজেন; যিয়েন লাজেবার্ বেপার সিয়েন্দোই তারা দেমাগ্ গরন্; আর বানা জাগতিগ পৌইদ্যেনে তারার্ মনানি পড়ি আঘে।

ফিলিপীয় 3:19 Cross References

গীতসংহিতা 17:14

ও লগেপ্রভু, সেই মানুচ্চুনোর্ আঢত্তুন, দুনিয়ে মানুচ্চুনো আঢত্তুন, তুই নিজো আঢে মঅ পরানান্ বাঁজা। তারার এ বক্‌শিষ্‌ছানি এ জগদত্ আঘে- তর্ ধন-সোম্বোত্তিগানিলোই তারার পেট ভরে, তারার্ পুয়ো-ছাগুন সয়-সাগোজ্যে অন্, পুয়ো-ছাগুনোত্তে তারা তারার্ ধন-সোম্বোত্তিগানি থোই যান্।

গীতসংহিতা 52:1

ও বোলীবন্ধ যোদ্ধা, কিত্তেই তুই ভান্ন্যেই বেপারানিলোই বার্‌বো গরর্? গোজেনর অমকদ কোচ্‌পানার দঅ শেজ্ নেই।

যিরমিয় 44:17

আমি যিয়েনি কোইয়্যেই সিয়েনি বেক্কানি আমি হামাক্কায় গুরিবোং। যেবাবোত্যেগুরি আমি আমা পুরোণি মানুচ্চুনে, রাজাগুনে আর রাজার চাগরুনে যিহূদার শঅরত্ আর যিরূশালেমর পধে পধে আগাজ-রাণী নাঙে আগর্‌বাট্টি জ্বালেদং আর ঢাল্যে-উৎসর্বর অনুষ্ঠান গুরিদোং সেবাবোত্যেগুরি আমি গুরিবোং গুরিবোং। সে অক্তত্ আমার্ বোউত্ হানা এলঅ আর আমা অবস্থায়ো গম্ এলঅ আর আমি কনঅ দুঘ্ ন-পেই।

যিহিষ্কেল 13:19

কয়েক্ মুঠ্ কেচ্‌বিজি আর কয়েক কট্টা রুটিত্তে তুমি মঅ মানুচ্চুনো মুজুঙোত্ মরে অসর্মান গোজ্য। মঅ মানুচ্চুন, যিগুনে মিজে কধা শুনোন্, তুমি তারা ইধু মিজে কধা কোইনে যিগুনে মুরিবার নয় তারারে মারে ফেল্য আর যিগুনে বাঁজিবার নয় তারারে বাঁজেই রাগেয়ো।

যিহিষ্কেল 34:3

তুমি দঅ তেল্ খঅ, ভেড়া কেশ্‌‌চোই কাবড় বানেইনে উরো আর বেঈ লোইয়্যে ভেড়া কাবঅ, মাত্তর্ তুমি মেষচুনোর্ যত্তন্ ন-গরঅ।

হোশেয় 4:7

ধর্মগুরুগুন জনেদি যেদক্ বাড়দন্ সেদক্ তারা মঅ বিরুদ্ধে পাপ গত্তন্, সেনত্তে মুই সর্মানর্ বদলে তারারে অসর্মানিত গুরিম।

মীখা 3:11

সিদুগোর্ নেতাগুনে ঘুষ হেইনে বিচের্ গরন, ধর্মগুরুগুনে বেতন নিইনে শিক্ষ্যে দৈন্ আর ভাববাদীগুনে টেঙা নিইনে ভাগ্যগান গণান্। আর তো তারা লগেপ্রভুর সাহায্যর্ আজা গুরিনে কন্, “লগেপ্রভু কি আমা ভিদিরে নেই? আমা উগুরে কনঅ দযা ন-এবঅ।”

মীখা 3:5

যিদুক্কুন ভাববাদী মঅ মানুচ্চুনোরে ভান্ন্যেই পধেদি নেযেয়োন তারারে যুনি কনজনে হেবাত্তে দুয়োন্ সালে তারা “শান্তি” কোইনে ফগদাং গরন্; মাত্তর্ যুনি হেবাত্তে ন-দুয়োন সালে তারা তা বিরুদ্ধে যুদ্ধো গুরিবাত্তে যুক্কোল্ অন্। সেনত্তে লগেপ্রভু সেই ভাববাদীগুনোরে কত্তে,

মালাখি 1:12

মাত্তর্ তুমি মঅ নাঙান্ অসর্মান গোজ্য, কিত্যে তুমি কত্তে, ‘লগেপ্রভুর টেবিলান অসিজি আর তা উগুরেদি হানাগান জঘন্য।’

মথি লেখ্যে গম্ হবর্ 16:23

যীশু ফিরিনে পিতররে কলঅ, “মঅ কায়-কুরেত্তুন দূর অ, শদান্। তুই মর্ পথ্তানর্ কাদা। যিয়েন গোজেনর্ সিয়েন তুই ন-ভাবর্ মাত্তর্ যিয়েন মান্‌জ্যর্ সিয়েন ভাবর্।”

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

লূকে লেখ্যে গম্ হবর্ 12:19

যেরেদি মুই নিজোরে কোম্, ভালোক্ বজরত্তে সয়-সাগোজ্যে গম্ গম্ জিনিচ্‌ থুবেইয়্যে আঘে। আরাম্ গরঅ, হানা-দানা গরঅ, রঙ্গ-ফুত্তিয়ে দিন কাদঅ।

লূকে লেখ্যে গম্ হবর্ 16:19

এক্কো থাগোইয়্যে মানুচ্‌ এলঅ। তে বিগুনী কাবর্ আর নানান্ বাবোত্যে মংগা মংগা কাবর্-চুগোর্ উরিদো। পত্তিদিন্ খুব দুমধাম্ গুরি ফুত্তি গুরিদো।

লূকে লেখ্যে গম্ হবর্ 18:4

সেই বিচেরক্কো কয়েক্ দিন সং কিচ্চু ন-গুরিলো। মাত্তর্ জেরেদি তে মনে মনে কলঅ, ‘যুনিয়ো মুই গোজেনরে ন-দরাং আর মান্‌জ্যরেয়ো গ্রাজ্য ন-গরং,

রোমীয় 16:18

কিয়া এবাবোত্যে মানুচ্চুনে আমা প্রভু খ্রীষ্টরে সেবা ন-গুরিনে বরং নিজো পেদর্ সেবা গত্তন্। মিধে মিধে আর বিগিদি কধা কোইনে তারা মাদিঘিলে মানুচ্চুনোরে ঠগাদন্।

রোমীয় 6:21

পুরোণি যে বেক্‌ কামর্ কধানি চিদে গুরিনে ইক্কিনে তুমি লাজত্ পড়অ সেই কামানিত্তুন্ তমার্ কি লাভ অদঅ? সিয়েনর্ শেজ্ ফল অলঅ মরণ্।

১ করিন্হীয় 3:3

কিয়া তুমি এজঅ পাপ-খাচ্চ্যদ অধীনোত্ আঘ। তমা ভিদিরে যেক্কে ইংসে আর কোল্-কোজ্যে গুরি আঘ সেক্কে কি তুমি পাপ-স্বভাবর্ অধীনোত্ নয়? আর তমা চালচলন কি এক্কুবারে সাধারন মান্‌‍‌‍‌‍‌‍জ্য ধোক্ক্যেন নয়? ‌‍

১ করিন্হীয় 5:2

আর ইয়েনর্ পরেদিয়ো তুমি দেমাগ্ গরর্! ইয়েনত্তুন্ কি তমার্ দুঘ্ গরানা আর যে এ কামান গোজ্জ্যে তারে তমাত্তুন্ নিগিলেই দেনা কি উচিত্ ন-এলঅ?

১ করিন্হীয় 5:6

দেমাগ্ গরানা তমাত্যে গম্ নয়। তুমি কি কোই ন-পার যে, এক্কেনাগুরি সদা এক্কান গোদা মোইদ্যের্ তালরে ফুলেই তুলে? তমা ভিদিরেত্তুন্ সেই পুরোণি সদাগানরে ফেলেই দুয়ো,

২ করিন্হীয় 11:12

যিগুনে তারার্ দেমাগ বেপার্‌লোই নিজোরে আমার সং সং বিলিনে দেগেবাত্যে চান্ তারা যেন সে জু-বো ন-পান্ সেনত্যে মুই যিয়েন গরঙর্ সিয়েন গরানাত্ থেম্।

২ করিন্হীয় 11:15

সালে যিগুনে শদানর্ সেবা গরন্ তারা যুনি নিজোরে বুদুলি ফেলেইনে দেগান্, তারা ন্যায়র্ সেবা গত্তন্ সালে সিয়েনত্ আমক্ অবার্ কি আঘে? তারার্ কামর্ যিয়েন পাওনা জেরেদি তারা সিয়েনই পেবাক্।

গালাতীয় 6:13

যিগুনোরে চুনু মাঢা কাবানা ওইয়্যে সিগুনেয়ো দঅ রীতি-সুদোম্ পালন ন-গরন্। তো তারা তমারে চুনু মাঢা কাবি দিবার চান্ যেন ইয়েন কোইনে দেমাগ্ দেগেই পারন্, তুমিয়ো তারার্ দলত এচ্চ্য।

ফিলিপীয় 2:21

অন্য বেক্কুনে যীশু খ্রীষ্ট পৌইদ্যেনে কামত্ ন-থেইনে নিজো পৌইদ্যেনে কামত্ থান্।

কলসীয় 3:2

সংসার পৌইদ্যেনে মনযোগ ন-দিইনে বরং স্বর্গীয় পৌইদ্যেনে মনযোগ দুয়ো।

২ থিষলনীকীয় 1:9

প্রভু যেক্কে এবঅ সেক্কে তারারে এমন্‌ সাজা দিয়্যে অবঅ যিয়েনর কারনে তারা আজিল্ আর দাঙর্ খেমতার্ বারেদি পড়িনে জিংকানিবর্ ভস্ত অনাত্ থেবাক্। সেদিন্যে তার্ নিজো মানুচ্চুনোর মাধ্যমে তার্ মহিমাগান ফগদাং অবঅ আর যিগুনে বিশ্বেজ্ গোজ্জ্যন তারার্ বেক্কুনোর্ মাধ্যমে তার্ বাঈনী অবঅ। তুমিয়ো সেই বিশ্বেজিগুনো ভিদিরে আঘঅ, কিয়া তুমি আমার সাক্ষিগানি বিশ্বেজ্ গোজ্জ্য।

২ থিষলনীকীয় 2:12

যিগুনে সত্যত্ বিশ্বেজ্ ন-গুরিনে অন্যেয় কামত্ হুজি ওইয়োন তারারে বেক্কুনোরে বিচেরত্ দুষি বিলিনে ধরা অবঅ।

২ থিষলনীকীয় 2:8

প্রভু যীশু তার্ মুয়োর্ নিজেচ্‌‌সোই তারে ভস্ত গুরিবো আর তার্ মহিমালোই ভরা তার্ খেমতাগান শেজ্ গুরি দিবো।

১ তীমথিয় 6:5

আর চিগোন মনা মানুচ্চুনো ভিদিরে নিত্য যাগুলুগ্। এ মানুচ্চুনো ভিদিরে গোজেনর্ সত্য নেই; তারা খ্রীষ্টীয় ধর্ম-বিশ্বেজ্‌চানরে এক্কান জগদর্ লাভর্ উপায় বিলিনে মনে গরন্।

২ তীমথিয় 3:4

তারা বেঈমান, একগোঙ্যে আর বাড়্‌‌বো অবাক্। গোজনরে কোচ্‌ ন-পেইনে তারা সংসারর্ সুগ্‌‌কানরে কোচ্‌পেবাক্।

যাকোব 4:16

সিয়েনর্ বদলে দেগা যাত্তে, তুমি ভারী দেমাগী আর বার্‌বোলোই ভরা। এবাবোত্যে বেক্‌ দেমাগ্‌কানি ভান্ন্যেই।

২ পিতর 2:1

মাত্তর্ ইস্রায়েলীয়গুনো ভিদিরে যেধোক্ক্যেন ফক্কর্ ভাববাদী এলাক্ সেধোক্ক্যেন তমা ভিদিরেয়ো ফক্কর্ মাষ্টর থেবাক্। তারা চুবেচুবে এন্‌ ভুল শিক্ষ্যে আনিবাক্ যিয়েনি মান্‌জ্যরে ভস্ত গুরি দিবো; এন্‌ কি, যিবে তারারে কিন্ন্যে সেই প্রভুরেয়ো তারা অস্বীগের্ গুরিবাক্। এবাবোত্যে গুরি তারা যাদিমাদি নিজো উগুরে ভস্ত অনাগান ডাগি আনিবাক্।

২ পিতর 2:13

তারার্ ভান্ন্যেই কামর্ পাওনা ইজেবে তারা দুঘোত্ ভুগিবাক্। এই মানুচ্চুনে দিনোত্ হেবার অক্তত্ রঅ ছাড়ি ছাড়ি মদ খাদে হুজী অন। যেক্কে তারা তমা সমারে হেবাত্যে বজন্ সেক্কে রঅ ছাড়ি ছাড়ি মদ খাদে খাদে তারার্ কামনায় তারা সেই হানা-দানা সমারে লাজানা আর অসর্মানান্ আনন্।

২ পিতর 2:3

লুভে পড়িনে ছলনার্ কধা কোইনে তারা নিজো লাভত্যে তমারে কামত্ লাগেবাক্। তারার্ সাজাগান ভালোক দিন ধুরিনে তারা উগুরে দুলের্, আর তারার্ ভস্ত অনাগান জুরো গুরিনে বোইদ্যে নেই।

যিহূদা 1:10

মাত্তর্ এই ভন্ড মাষ্টরুনে যিয়েন ন-বুঝোন সে পৌইদ্যেনে ভান্ন্যেই কধা কন্ আর বুদ্ধিনেইয়্যে এ্যামানুনো ধোক্ক্যেন নিজোত্তুন্ যিয়েন বুঝোন সিয়েন্দোই ভস্ত অন্।

যিহূদা 1:16

এবাবোত্যে মানুচ্চুনে আমিঝে বেজারর্ ভাব দেগান, নিজোর ভাগ্যগানরে দুষ্ দুয়োন আর মনর্ আওজ মজিম আঢাউদো গরন্। তারা নিজোরে নিইনে দেমাগ্ গরন আর লাভত্যে মানুচ্চুনোরে উচ্চোমি দৈন্।

যিহূদা 1:4

ইয়েনর্ দরকার আঘে, কিয়া যে মানুচ্চুনোর্ সাজা পৌইদ্যেনে আগেদি বোইবোত্ লেগা ওইয়্যে তারা তমা ভিদিরে চুবেচুবে সোমেয়োন্দি। গোজেন উগুরে এ মানুচ্চুনোর ভোক্তি নেই; আমার গোজেনর্ দোয়্যেগানরে তারা ভান্ন্যেই এক্কান তালি দেনা মনে গরন আর যিবে আমার এক্কো গুরি গিরোজ্ আর প্রভু সেই যীশু খ্রীষ্টরে তারা অস্বীগের্ গরন্।

ফগদাং পেইয়্যে 18:7

তে নিজো পৌইদ্যেনে যেদক্ বেশ্ দেমাগ্ গোজ্জ্যে, যেদক্ বেশ্ উবোল্‌পাল্ গুরি বজত্তি গোজ্জ্যে, ঠিগ্ সেত্তমান যন্ত্রণা আর দুঘ্ তারে দে; কিয়া তা মনভিদিরে সেবাবোত্যেগুরি, ‘মুই দঅ রাণী ওইনে বৈ আঘং, মুই রানি মিলে নয়; কনঅ বাবদে মুই দুঘ্ ভুগি ন-পারিম।’

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।

১ শমূয়েল 2:29

সালে মর্‌ ঘরত্‌ যেদক্কানি উৎসর্ব গুরিবাত্তে মুই উগুম দুয়োং তুমি কিত্তে সিদুক্কুন য়েমান-উৎসর্ব আর অন্য উৎসর্বগুনোর অসর্মান গরর্‌? মর্‌ মানুচ্ ইস্রায়েলীয়গুনোর উৎসর্বগুনোর বেগত্তুন গম্‌ ভাক্কুন দিইনে নিজোরে পক্তামক্তা গুরিনে কিত্তে তুই মত্তুন্‌ বেশ্‌ তর্‌ পূঅগুনোরে দাঙর্‌ গুরি দেগর্‌?