ফিলিপীয় 3:17 - Chakma Bible

¹⁷ ভেইলগ্, তুমি বেক্কুনে মঅ ধোক্ক্যেন গুরি চলঅ, আর যিগুনে এবাবোত্যেগুরি আঢাউদো গরন্ তারারে চিনি রাগঅ। কেধোক্ক্যেন গুরিনে চলা পরে সিয়েন আমি তমারে দেগেয়্যেই।

ফিলিপীয় 3:17 Cross References

গীতসংহিতা 37:37

নিদ্দুযি মানুচ্চুনোর জিংকানিগানি ইন্দি চাহ্; সেই গম্ মানুচ্চুনো ইন্দি চাহ্। যিগুনে সুগ্-শান্দি গম্ পান তারার্ বংশগুন থেবাক্।

রোমীয় 16:17

ভেইলগ্, তুমি যে শিক্ষ্যে পেইয়ো সিয়েনির বিরুদ্ধে শিক্ষ্যে দিইনে যিগুনে দলাদলি আর মানা গরন্, সিগুনো উগুরে খিয়েল্ রাগেবাত্তে মুই তমারে বিশেষ্ গুরিনে কোজোলি গরঙর্। তুমি তারাত্তুন্ দূরোত্ থেইয়ো,

১ করিন্হীয় 10:32

মুই যেবাবোত্যে গুরি বেক্‌ মান্‌জ্যরে নানান্ বাবোত্যে গুরি হুজি গুরিবাত্তে চেষ্টা গরং তুমিয়ো সেবাবোত্যে গরঅ; অত্তাৎ যিহূদী বা অযিহূদী বা গোজেন মন্ডলীর মানুচ্চুনোর পধত্ কাঙেলেত্যে ন-গোজ্জ্য। মুই নিজোর্ মংগল চেষ্টা ন-গুরিনে ভালোক জনর্ মংগলর্ চেষ্টা গরং যেন তারা পাপত্তুন্ উদ্ধোর্ পান্।

১ করিন্হীয় 11:1

মুই যেবাবোত্যেগুরি খ্রীষ্ট ধোক্ক্যেন চলঙর্ তুমিয়ো সেবাবোত্যেগুরি মঅ ধোক্ক্যেন চলঅ।

১ করিন্হীয় 4:16

সেনত্তে মুই বিশেষ গুরিনে তমারে কোজোলি গরঙর্, মুই যিয়েন গরং তুমিয়ো সিয়েন গরঅ;

ফিলিপীয় 4:9

তুমি মঅ ইধু যিয়েনি শিগ্‌কো আর গম্ বিলিনে মানি লোইয়ো আর মইধু যিয়েনি দেক্ক্য আহ্ মঅ মুয়োত্তুন্ যিয়েনি শুন্ন্য, সিয়েনিলোই নিজোরে কামত্ রাগঅ। সেক্কে শান্তিদিয়্যে গোজেনে তমা সমারে সমারে থেবঅ।

১ থিষলনীকীয় 1:6

বোউত্ অত্যেচারর্ ভিদিরেয়ো পবিত্র আত্মার দিয়্যে হুজিলোই সেই গম হবরান মানি লোইনে তুমি আমার আর প্রভু ধোক্ক্যেন গুরি চলর্।

২ থিষলনীকীয় 3:14

এ চিধিগান ভিদিরে লেগা আমা কধানি যুনি কেঅ ন-মানন্ সালে সেই মানুচ্চোরে চিনি রাগঅ। তা সমারে ন-মিল্ল্য যাতে তে লাজ্ পায়।

২ থিষলনীকীয় 3:7

কেধোক্ক্যেন গুরিনে আমা ধোক্ক্যেন চলানা উচিত সিয়েন তুমি নিজেই কোই পারঅ। তমা ইধু থেবার সময়োত্ আমি আল্‌সি গুরিনে ন-চুলিই,

২ থিষলনীকীয় 3:9

তমাত্তুন্ সাহায্য লবার অধিকার যে আমার নেই সিয়েন নয়, মাত্তর্ তুমি যেন আমা ধোক্ক্যেন ওইনে চলঅ সেনত্যে আমি এবাবোত্যে গুরি কাম্ গুরিনে তমারে দেগেয়্যেই।

১ তীমথিয় 4:12

তুই গাবুজ্যে বিলিনে কেঅ যেন তরে ঈচ্ ন-গরন্। কধালোই, চাল্‌চলনত্, কোচ্‌পানাত্, বিশ্বেজত্ আর পবিত্রতালোই তুই বিশ্বেজিগুনো ইধু আদর্শ অ।

ইব্রীয় 13:7

যিগুনে তমা ইধু গোজেনর্ কধা কদাক্ তমার্ সেই নেতাগুনোর্ কধা ইদোত্ রাগেয়ো। তারার্ জিংকানির থুমোর্ কধাগান গমেডালে চিন্তে গোজ্জ্য আর তারা ধোক্ক্যেন গুরি তুমিয়ো বিশ্বেজ্ গোজ্জ্য।

১ পিতর 5:3

তমা তলেদি যিগুনে আঘন সিগুনো উগুরে প্রভু ন-ওইয়ো, বরং এমন্‌ অ যেনে তমারে দেগিনে তারা শিগি পারন্।