ফিলিপীয় 3:16 - Chakma Bible

¹⁶ যিয়েন ওক্‌, আমি যেবাবোত্যে অবস্থানত্ লুম্মেয়ি সেই মজিম চলানা উচিত।

ফিলিপীয় 3:16 Cross References

রোমীয় 12:16

তমার্ একজন উগুরে অন্যর্ মনভাব্ যেন এক্কুই অয়। দাঙর্ মান্‌জ্যর্ ভাব্ ন-দেগেইনে বরং যিগুনে দাঙর্ মানুচ্‌ নয় তারা সমারে মিজেয়ো। নিজোরে জ্ঞানী মনে ন-গোজ্য।

রোমীয় 15:5

খ্রীষ্ট যীশু সমারে চলিবার্ পধত্ ধৈজ্জ্য আর উচ্চোমি দিয়্যে গোজেনে তমারে বেক্কুনোর্ মনানি এক গোরোক্।

গালাতীয় 5:7

তুমি দঅ ভারী গমেডালে চোল্ল্য; মাত্তর্ সত্যর্ বাধ্য অদে কন্না তমারে মানা গুরিলো?

গালাতীয় 6:16

যিগুনে এ সুদোমত্ চলন্ তারার্, অত্তাৎ গোজেনর্ আজল্ ইস্রায়েলীয়গুনোরে তে শান্তি আর দোয়্যে দান গোরোক্।

ফিলিপীয় 1:27

বেগত্তুন্ দাঙর্ কধাগান অলঅ, তুমি এন্‌ গুরিনে তমার জিংকানিগান কাদঅ যিয়েন খ্রীষ্ট পৌইদ্যেনে গম হবরর্ যগাজ্জ্যে। সালে মুই নিজে এইনে তমারে দেগংগি বা দূরোত্তুন্ তমা কধা শুনোং, মুই হবর্ পেম্‌‌বে, তুমি মনে-পরাণে এক ওইনে থির্ গুরিনে থিয়্যেই আঘঅ আর যে বিশ্বেজ্‌‌চান গম্ হবরর্ মাধ্যমে এজে সিয়েনত্যে এক সমারে কাম গরর্।

ফিলিপীয় 2:2

সেক্কে তুমি এবাবোত্যেগুরি মর্ হুজীগান পূরেই দুয়ো-তমার বেক্কুনোর্ মনানি এক ওক্‌, তুমি একজন আরেকজনরে কোচ্‌পঅ আর মনে-পরাণে এক অ।

ফিলিপীয় 4:2

উবদিয়া আর সুন্তখী, মুই তমারে বিশেষ গুরিনে এ কোজোলিগান গরঙর্-প্রভুর্ লগে মিজেইয়ো বিলিনে তমা মনানি যেন এক অয়।

কলসীয় 2:6

তুমি যেবাবোত্যেগুরি খ্রীষ্ট যীশুরে প্রভু ইজেবে মানি লোইয়ো ঠিগ সেবাবোত্যেগুরি তা সমারে মিজেইনে তমা জিংকানিগানি কাদঅ।

কলসীয় 4:2

তুমি কৃতজ্ঞ আর সজাগ্ ওইনে তবনা গুরিনে নিজোরে কামত্ রাগেয়ো;

ফগদাং পেইয়্যে 3:3

ইয়েনত্যে যিয়েন তুই পেইয়োচ্ আর শুন্ন্যচ্ সিয়েন ইদোত্ তুল্ আর পালন গর্, আর এ অবস্থাত্তুন্ মনান ফিরা। যুনি তুই জাগি ন-উদোচ্ সালে মুই চুরো ধোক্ক্যেন এইম্, আর মুই কন্‌ অক্‌তদ্ তইধু এইম্ সিয়েন তুই হবর্‌অ ন-পেবে।