ফিলিপীয় 3:13 - Chakma Bible

^13-14 ভেইলগ্, মুই যে সিয়েন ধুরি পাজ্জ্যং সিয়েন মনে ন-গরং। মাত্তর্ এক্কান কাম মুই গরঙর্-পিজেদি বেক্কানি ভুলি যেইনে মুজুঙেদি উজেইনে বেক বলান্দোই মুই শেষ্ দুযিগানদি উজেই যাঙর্। ইয়েন্দোই যেন খ্রীষ্ট যীশুর মাধ্যমে গোজেনর্ স্বর্গমোক্ক্যে ডাগনিগান ইধু যে বক্‌‌শিজ্‌চান আঘে সিয়েন মুই পাং।

ফিলিপীয় 3:13 Cross References

গীতসংহিতা 27:4

লগেপ্রভুর ইদু মুই এক্কান কোজোলী গরঙর্; মুই যিয়েন্ চাঙর্ সিয়েন্ অলদে- মুই সারা জিংকানিগান যেনে লগেপ্রভুর ঘরত্ বজত্তি গুরি পারং, যেনে মুই তার্ দোলান্ চেই পারং আর সেই থেবার ঘরানত্ তা বেপারান্দোই ধ্যান গুরি পারং;

গীতসংহিতা 45:10

ও মিলেবো, শুন, মনান্ দে, কান পাদ। তঅ মানুচ্চুনোরে তুই ভুলি যাহ্, ভুলি যাহ্ তঅ বাবর্ ঘর কধানি।

লূকে লেখ্যে গম্ হবর্ 10:42

মাত্তর্ এক্কান্ বানা দরকারী বিষয় আঘে। মরিয়মে সেই গম্ বিষয়ান বেঈ লোইয়্যে। সিয়েন তাত্তুন্ নেযা ন-অবঅ।”

লূকে লেখ্যে গম্ হবর্ 9:62

যীশু তারে কলঅ, “নাঙলত্ আঢ্ বাজেইনে যে পিজেদি রিনি চায় তে গোজেন রেজ্যর্ যগাজ্যে নয়।”

২ করিন্হীয় 5:16

সেনত্যে ইক্কেত্তুন্ ধুরি মান্‌জ্যরে আমি আর্ তার বারেদি অবস্থাগান্ দেগিনে বিচের্ ন-গুরিই। খালিক্ খ্রীষ্টরে আমি আগেদি সেবাবোত্যেগুরি বিচের্ গোজ্জ্যেই, মাত্তর্ ইক্কিনে আর সিয়েন ন-গুরিই।

ফিলিপীয় 2:12

মর্ কোচ্‌পেইয়্যে ভেইয়ুন, তুমি দঅ নিত্য বাধ্য ওইনে আঘঅ। সেধোক্ক্যেন গুরিনে বানা মর্ থানার্ সময়োত্ নয়, মাত্তর্ বিশেষ গুরিনে ইক্কিনে মর্ ন-থানার্ সময়োত্‌অ তুমি ভোক্তি আর দোরেনেই তমার্ কামর্ মাধ্যমে দেগঅ যে, তুমি পাপত্তুন্ উদ্ধোর্ পেয়ো।

ফিলিপীয় 3:12

মুই যিয়েনত্যে চেষ্টা গরঙর্ সিয়েন ইক্কিনে যে পেইয়োং বা পুরণ ওইয়্যে এমন্‌ নয়। মাত্তর্ যিয়েনত্যে খ্রীষ্ট যীশু মরে ধোজ্জ্যে সিয়েন ধুরিবাত্যে মুই ধাবা দোঙর্।

ফিলিপীয় 3:8

আসলে যাত্যে মুই এদক্কানি ক্ষতি স্বীগের্ গোজ্জ্যং মর্ সেই প্রভু খ্রীষ্ট যীশুরে জানানা ভিদিরে যে অাশিদ্‌বাদ্‌তান আঘে, তা কায়কুরে আর বেক্কানিরে মুই ক্ষতি বিলিনে মনে গরং। খ্রীষ্টরে যেন মুই পেই পারং আর মরে যেন খ্রীষ্ট সমারে এগত্তর্ দেগা যায়, সেনত্যে মুই সিয়েনিরে কাজর্ বিলিনে মনে গরং। আইন-কানুন্ পালন গরানাত্যে যে মুই নিদ্দুজি সিয়েন নয়, মাত্তর্ খ্রীষ্ট উগুরে বিশ্বেজর্ কারনে গোজেনে মরে নিদ্দুজি ইজেবে মানি লোইয়্যে। এ নিদ্দুজিগান গোজেনত্তুন্ এজে আর সিয়েন বিশ্বেজ্ উগুরে নির্ভর গরে।

ইব্রীয় 6:1

ইয়েনত্যে খ্রীষ্ট পৌইদ্যেনে পত্তমে যে শিক্ষ্যেগান পেইয়্যেই, এজঅ সিয়েন ফেলেইনে আমি পরিপূরোণ ইন্দি উজেই যেই। ন-ফলেদে কামত্তুন্ মন ফিরেনা, গোজেন উগুরে বিশ্বেজ্,

২ পিতর 3:8

মাত্তর্ ভেইলগ্, এই কধাগান ভুলি ন-যেইয়ো, প্রভু ইধু এক দিন সমান এক আজার্ বজর আর এক আজার্ বজর্ এক দিনোর্ সমান।