ফিলিপীয় 3:10 - Chakma Bible

¹⁰ মুই খ্রীষ্টরে জানিবাত্যে চাং আর যে খেমতালোই তারে মরণত্তুন্ জেদা গরা ওইয়্যে সেই খেমতাগানরে জানিবাত্যে চাং। মুই তার্ দুঘোর্ ভাগী অবার্ চাং। আজল্ কধা, যে মনভাব্‌পোই তে মোজ্জ্যে মুইয়ো সেবাবোত্যে মনভাব্ পেবাত্যে চাং।

ফিলিপীয় 3:10 Cross References

যিরমিয় 9:23

লগেপ্রভু কোইয়্যেদে, “জ্ঞানী মানুচ্চুনে তারার জ্ঞানর বাড়্ ন-গোরোক্, বা খেমতাবলাগুনে তারার তারার বলর্ বাড়্‌বো ন-গোরোক্ বা তাগোয়্যেগুনে তারার ধনর বাড়্‌বো ন-গোরোক্,

মথি লেখ্যে গম্ হবর্ 20:23

সেক্কে যীশু তারারে কলঅ, “ঘেচ্চেকগুরি তুমি মঅ গলজ্‌সোত্ হেবা, মাত্তর্ মঅ ডেনেদি বা বাঙেদি বুজিবাত্তে দিবার্ অধিকার মর্ নেই। মঅ বাপ্পো যিগুনোত্তে সিয়েন ঠিগ্ গুরি রাগেয়্যে তারা সিয়েন্ পেবাক্।”

যোহন 10:18

কনজনে মঅ পরাণান্ মত্তুন্ লোই ন-যেবাক্, মাত্তর্ মুই নিজেই সিয়েন্ দিম। পরাণান্ দিবার্‌অ খেমতা মর্ আঘে। আরঅ পরাণান্ ফিরেই নেযেবার্ খেমতায়ো মর্ আঘে। এ কামান্ মুই মঅ বাবত্তুন্ পেইয়োং।”

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

রোমীয় 8:17

যুনি আমি পুয়ো-ছা ওই থেই সালে গোজেনে তা পুয়ো-ছা গুনোরে যিয়েন দিবো বিলিনে এগেম্ গোজ্জ্যে আমি সিয়েন পেবং। খ্রীষ্ট গোজেনত্তুন্ সিয়েন পেবঅ আর আমিয়ো তা সমারে সিয়েন পেবং; কিয়া যুনি আমি খ্রীষ্ট সমারে দুঘ্ ভুগি পারিই সালে তা সমারে মানীগুণির্‌‌‌অ ভাগি অবং।

রোমীয় 8:29

গোজেনে যিগুনোরে আগেদি বেঈ লোইয়্যে তারারে তে তার্ পুয়ো ধোক্ক্যেন্ অবাত্তে আগেদি ঠিগ্ গুরিয়ো থোইয়্যে, যেন সেই পুয়োবো ভালোক্ ভেইয়োত্তুন্ আজল্লো অয়।

রোমীয় 8:36

পবিত্র বোইবোত্ লেগা আঘে, তত্যে নিত্য আমাত্তুন্ কাররে নলে কাররে মারে ফেলা অর্; জবাই গোজ্জ্যে ভেড়া ধোক্ক্যেন্ মান্‌জ্যে আমারে মনে গরন্।

২ করিন্হীয় 1:10

এক দর্‌‌গরেপারা মরণর্ আঢত্তুন্ তে আমারে রোক্ষ্যে গোজ্জ্যে আর এজঅ গরের্। আমি তা উগুরে এ আজাগান রাগেই যে, তে নিত্য আমারে রোক্ষ্যে গরানাত্ থেবঅ।

২ করিন্হীয় 1:5

খ্রীষ্ট ধোক্ক্যেন গুরি আমি যেবাবোত্যে বোউত্ দুঘ্ সোজ্জ্য গুরির্ সেবাবোত্যেগুরি তা মাধ্যমে বোউত্ সান্তনা পেইর্।

২ করিন্হীয় 13:4

তারে মেরা মেরা অবস্থায় ক্রুশোত্ দিয়্যে ওইয়্যে ঠিগ্, মাত্তর্ গোজেনর্ খেমতালোই তে জেদা আঘে। আমি তা লগে মিজেইনে মেরা ওইয়্যেই, মাত্তর্ তমাত্যে গোজেনর্ খেমতালোই তা লগে আমি জেদা থেবং।

গালাতীয় 2:20

মরে খ্রীষ্ট সমারে ক্রুশোত্ দিয়্যে ওইয়্যে। সেনত্যে মুই আর্ জেদা নয়, খ্রীষ্টই মঅ ভিদিরে জেদা আঘে। ইক্কিনে এই কিয়্যেগান্দোই মুই যে জিংকানি কাদাঙর্ সিয়েন গোজেন পুয়োবো উগুরে বিশ্বেজর্ মাধ্যমে কাদাঙর্। তে মরে কোচ্‌‌‌‌পেইনে মত্যে নিজোরে দান গোজ্জ্যে।

গালাতীয় 6:17

শেজদি কং, কেঅ মরে দুঘ্ ন-দোক্, কিয়া যীশুর্ আঘাতর্ চিহ্নোগান মুই মঅ কিয়্যেগানত্ ভুগিনে লোই বেড়াঙর্।

ইফিষীয় 4:13

ইয়েনর্ উদ্দেচ্চ্যগান অলঅ, আমি যেন বেক্কুনে গোজেন পুয়োবো উগুরে বিশ্বেজ্ গুরিনে আর তারে গমেডালে কোই পারিনে এক ওই; আর খ্রীষ্ট যেবাবোত্যে বেক্‌ গুণেদি ভরা, আমিয়ো যেন সেবাবোত্যেগুরি বেক্‌ গুণেদি ভরা ওইনে পেলেং পেলেং ওই। সেক্কে আমি আর চিগোন গুরো ধোক্ক্যেন ন-থেবং।

ফিলিপীয় 3:8

আসলে যাত্যে মুই এদক্কানি ক্ষতি স্বীগের্ গোজ্জ্যং মর্ সেই প্রভু খ্রীষ্ট যীশুরে জানানা ভিদিরে যে অাশিদ্‌বাদ্‌তান আঘে, তা কায়কুরে আর বেক্কানিরে মুই ক্ষতি বিলিনে মনে গরং। খ্রীষ্টরে যেন মুই পেই পারং আর মরে যেন খ্রীষ্ট সমারে এগত্তর্ দেগা যায়, সেনত্যে মুই সিয়েনিরে কাজর্ বিলিনে মনে গরং। আইন-কানুন্ পালন গরানাত্যে যে মুই নিদ্দুজি সিয়েন নয়, মাত্তর্ খ্রীষ্ট উগুরে বিশ্বেজর্ কারনে গোজেনে মরে নিদ্দুজি ইজেবে মানি লোইয়্যে। এ নিদ্দুজিগান গোজেনত্তুন্ এজে আর সিয়েন বিশ্বেজ্ উগুরে নির্ভর গরে।

কলসীয় 1:24

মুই তমাত্যে যে দুঘ্ ভুগোঙর্ সিয়েনত্যে মুই হুজি। খ্রীষ্টর্ কিয়্যেগানর্, অত্তাৎ মন্ডলীত্যে তার্ যে দুঘোত্ ভুগোনা এজঅ বাগী আঘে সিয়েন মুই মঅ কিয়্যেগান্দোই পূরেই দুয়োং।

কলসীয় 2:13

তুমি দঅ পাপর ফলে আর চুনু মাঢা-ন-কাবানার ফলে মরা এলা, মাত্তর্ গোজেনে তমারে খ্রীষ্টর্ লগে জেদা গোজ্জ্যে।

কলসীয় 3:1

সালে তুমি যেক্কে খ্রীষ্ট সমারে মরণত্তুন্ জেদা ওইয়ো সেক্কে খ্রীষ্ট স্বর্গত যিয়েনত্ গোজেনর্ ডেন্ ডাগেদি বৈই আঘে সেই স্বর্গীয় বেপারানিত্যে আয়োজি অ।

১ পিতর 1:3

আমা প্রভু যীশু খ্রীষ্টর্ গোজেন আর বাবার্ বাঈনী গরা ওক্‌। যীশু খ্রীষ্টরে মরণত্তুন্ জেদা গুরি তুলিনে গোজেনে তার্ দোয়্যেলোই আমারে নুয়ো জর্ম দান গোজ্জ্যে। সিয়েনর্ কারনে আমি এক্কান জদবদে আশ্বাস পেইয়্যেই,

২ পিতর 1:13

মাত্তর্ মুই মনে গরং, যেদক দিন মুই এ তাম্বুলো ধোক্ক্যেন কয়েক দিনোত্যে বাঁজি থেম্ সেদক দিন এ বেপারানি ইদোত্ তুলি দিইনে তমারে জাগেই রাগানা মর্ উচিত্;

১ যোহন 2:3

আমি যুনি তার বেক্‌ উগুমানি পালেই সালে আমি ঘেচ্চ্যেকগুরি বুঝি পারিবোং যে, আমি তারে চিন্ন্যেই।

১ যোহন 2:5

মাত্তর্ যে তা কধানি পালায় তা ভিদিরে গোজেনর্ কোচ্‌পানাগান ঘেচ্চ্যেকগুরি আঘে। কেঅ যুনি কয় তে তা ভিদিরে আঘে সালে তে যেধোক্ক্যেন গুরি চলিদো সেধোক্ক্যেন গুরি তার্‌অ চলানা উচিত্। ইয়েন্দোই আমি কোই পারিই যে, আমি তা সমারে আঘিই।

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।