ফিলিপীয় 2:9 - Chakma Bible

⁹ গোজেনে ইয়েনত্যে তারে বেগত্তুন্ অজলত্ তুলিলো আর এমন্‌ এক্কান নাঙ্ দিলো যিয়েন বেক্‌ নাঙানিত্তুন্ মহৎ,

ফিলিপীয় 2:9 Cross References

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

গীতসংহিতা 110:1

লগেপ্রভু মঅ গিরোজ্‌সোরে কোইয়্যেদে, “যেদক্কন সং মুই তঅ শত্রুগুনোরে তঅ টেঙত্ তলে ন-রাগাং, সেদক্কন্ সং তুই মঅ ডেনেন্দি বস।”

গীতসংহিতা 110:5

প্রভু তঅ ডেন্ ডাগেন্দি আঘে; তার্ রাগ উদিলে তে রাজাগুনোরে শেজ্ গুরি ফেলেব।

গীতসংহিতা 89:27

মুইয়ো তারে মর্ পত্তম পুয়ো বানেম; পিত্‌থিমীর রাজাগুনো ভিদিরে তারে আজল্লো গুরিম।

গীতসংহিতা 91:14

লগেপ্রভু কোইয়্যেদে, “কোচ্‌পানালোই যে মরে আজাবোধে ধোজ্যে, তারে মুই রোক্ষ্যে গুরিম; মুই তারে দজাত্ ন-ফেলেম, কিত্তে তে মরে ঘেচ্ছেক্‌গুরি চিন্যে।

যিশাইয় 52:13

লগেপ্রভু কত্তে, “চাহ্, মঅ চাগর্‌বো সফল অবঅ। তারে অজলত্ তুলো অবঅ আর তে বাঈনী আর সন্মান পেবঅ। ‌‌

যিশাইয় 53:12

সেনত্তে মহৎ মানুচ্চুনো ভিদিরে মুই তারে এক্কান ভাগ্ দিম আর তে বোলিগুনো সমারে জিদেনার ফল ভাগ গুরিবো, কিত্তে তে নিজোর আওজে পরাণান্ দিয়্যে। তারে পাপীগুনো সমারে গোণা ওইয়্যে; তে ভালোক্ জনর পাপ বুয়োই নেযেয়্যে আর পাপীগুনোত্তে কোজোলী গোজ্যে।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

দানিয়েল 7:14

সেই মান্‌‌‌‌‌‌‌জ্যপুয়োবোরে শাজন্, সর্মান আর রাজাগিরি গুরিবার খেমতা দিয়্যে অলঅ যেন বেক্ জাদ্‌তুনোর, দেজর্ আর ভাযার মানুচ্চুনে তারে সেবা গরন্। তার রাজাগিরি উমরর্; সিয়েন থুম্ ন-অবঅ আর তার রেজ্যগান কনদিন্‌অ ভস্ত ন-অবঅ।‌‌‌‌‌‌‌

মথি লেখ্যে গম্ হবর্ 11:27

মঅ বাপ্পো বেক্কানি মঅ আঢত্ দিয়্যে। বাপ্পো বাদে পুয়োবোরে কনজনে হবর্ ন-পায় আর পুয়োবো বাদে বাপ্পোরে কনজনে হবর্ ন-পায়, আর পুয়োবো যাইদু বাবরে ফগদাং গুরিবাত্তে আওজ্ গরে তেয়ই তারে হবর্ পায়।

মথি লেখ্যে গম্ হবর্ 28:18

সেক্কে যীশু কায়কুরে এইনে তারারে এ কধাগান্ কলঅ, “স্বর্গর্ আর পিত্‌থিমীর বেক্ খেমতাগান্ মরে দিয়্যে ওইয়্যে।

লূকে লেখ্যে গম্ হবর্ 10:22

মঅ বাপ্পো মঅ আঢত্ বেক্কানি দিয়্যে। বাবে বাদে আর কেঅ হবর্ ন-পান্ পুয়ো কন্না, আর পুয়ো বাদে আর কেঅ হবর্ ন-পান্ বাপ কন্না। ইয়েন বাদেয়ো পুয়োবো যিগুনো ইধু বাবরে ফগদাং গুরিবাত্তে আওজ্ গরে বানা তেয়ই হবর্ পায়।

যোহন 13:3

যীশু কোই পারিদো, বাবা গোজেনে তা আঢত্ বেক্কানি দিয়্যে। তে আরঅ কোই পারিদো, তে তাত্তুন্ এচ্চ্যে আর তা ইধু ফিরি যার্।

যোহন 17:11

মুই আর এ পিত্‌থিমীত্ নেই, মাত্তর্ তারা দঅ এ পিত্‌থিমীত্ আঘন্; আর মুই তঅ ইধু এজঙর্। পবিত্র বাবা, তুই মরে তর্ যে নাঙান্ দুয়োচ্ সেই নাঙানর্ গুণে ইগুনোরে রক্ষ্যে গর্, যেন আমি যেধোক্ক্যেন্ এক, ইগুনেয়ো সেধোক্ক্যেন্ এক ওই পারন্।

যোহন 17:12

মুই যেদক্ দিন তারা সমারে এলুং সেদক্ দিন তর্ যে নাঙান্ তুই মরে দুয়োচ্ সেই নাঙানর্ গুণে মুই তারারে রোক্ষ্যে গুরি এচ্চ্যং। মুই তারারে চুগি দুয়োং, তারাত্তুন্ কনজনে বর্‌বাদ্ ন-অন্। বানা যিবের্ ভস্ত অবার্ কধা এলঅ তেয়ই ভস্ত ওইয়্যে, যেন পবিত্র বোইবোর্ কধা পূরোণ্ অয়।

যোহন 17:5

বাবা, পিত্‌থিমীগান্ বানেবার্ আগেদি তঅ সমারে মর্ যে মহিমাগান্ এলঅ সেই মহিমাগান্ তুই আরঅ মরে দে।

প্রেরিত্‌ 5:31

গোজেনে তারে রাজা আর উদ্ধোর গুরিয়্যে ইজেবে নিজো ডেন্ ডাগদি বঝিবার বাঈনী দান গোজ্যে, যাতে তে পাপত্তুন্ ইস্রায়েলীগুনোর মনানি ফিরেবার সুযোগ্ দিইনে পাপর ক্ষেমা দান গুরি পারে।

ইফিষীয় 1:10

তে ঠিগ্ গুরি থোইয়্যেদে যে, সময় পুরেলে পরেদি সেই উদ্দেচ্চ্যগান্ গুরিবাত্যে তে স্বর্গর্ আর পিত্‌থিমীর্ বেক্কানি এগত্তর্ গুরিনে খ্রীষ্টর্ শাসন অধীনোত্ আনিবো।

কলসীয় 1:18

ইয়েনবাদে তেয়ই তার্ কিয়্যেগানর্, অত্তাৎ মন্ডলীর মাঢাবো। তেয়ই পত্তম্ আর তেয়ই মরণত্তুন্ পৌইল্যা জেদা ওইয়্যে, যেন বেক্কানিত্ তেয়ই আজল্লো ওই পারে।

২ থিষলনীকীয় 1:12

সালে আমা গোজেন আর প্রভু যীশু খ্রীষ্টর্ দোয়্যের কারনে আমা প্রভু যীশুর বাঈনী তমার্ মাধ্যমে ফগদাং অবঅ, আর তুমিয়ো তার্ মাধ্যমে বাঈনী পেবা।

ইব্রীয় 1:4

তা বাবত্তুন্ তে যে নাঙান্ পেয়্যে সিয়েন যেধোক্ক্যেন স্বর্গদূত্‌তুনোর্ নাঙানিত্তুন্ দাঙর্, সেধোক্ক্যেন গুরি তে নিজেয়ো স্বর্গদূত্‌তুনোত্তুন বোউত বেচ্‌ দাঙর্ ওইয়্যে।

ইব্রীয় 1:9

তুই ন্যায়ানরে কোচ্‌পেইয়োচ অার অন্যেয়ানরে ঈচ্ গরচ্; সেনত্যে গোজেন, তর্ গোজেন, তঅ সমাজ্জ্যেগুনোত্তুন্ বোউত্ বেশ্ হুজি তেল ধোক্ক্যেন গুরি তঅ উগুরে ঢালি দিয়্যে।”

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।

ইব্রীয় 2:9

মাত্তর্ যীশুরে দঅ আমি দেগির্। তারে স্বর্গদূত্‌তুনোত্তুন্ সামান্য নীজো গরা ওইয়্যে, যেন গোজেনর্ দোয়্যেই পত্তি মান্‌জ্যর পৌইদ্যেনে তে নিজেই মুরি পারে। তে দুঘে মোজ্জ্যে বিলি জিদেনার মালা ইজেবে বাঈনী আর সর্মান তারে দান গরা ওইয়্যে।

১ পিতর 3:22

যীশু স্বর্গত্ যেয়্যে আর ইক্কিনে গোজেনর্ ডেন্ ধাগেদি আঘে, আর স্বর্গদূত্‌তুনে, খেমতার্ অধিকারীগুনে আর শাসনগুরিয়্যেগুনে তা অধীনত্ আঘন্।

২ পিতর 1:17

“ইবে মর্ কোচ্‌পেইয়্যে‌ পুয়ো, ইবে উগুরে মুই ভারী হুজী,” স্বর্গত্তুন্ কোইয়্যে এই কধাগান্দোই খ্রীষ্ট বাবা গোজেনত্তুন্ সর্মান আর বাঈনী পেইয়্যে।

৩ যোহন 1:7

তারা খ্রীষ্টত্যে নিগিল্ল্যন্ আর অবিশ্বেজিগুনোত্তুন্ কনঅ কিচ্চু ন-লন্।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।

ফগদাং পেইয়্যে 19:16

তার্ পোজাগত্ আর দামানাত্ এ নাঙান্ লেগা আঘে, “রাজাগুনোর রাজা, প্রভুগুনোর প্রভু।”

ফগদাং পেইয়্যে 3:21

“মুই জিদিনেই যেধোক্ক্যেন গুরি মঅ বাবা সমারে তা সিংহাসনানত্ বোস্যং, ঠিগ্ সেধোক্ক্যেন যে জিদিবো তারে মুই মঅ সমারে মঅ সিংহাসনানত্ বুজিবার্ অধিকার দিম।

ফগদাং পেইয়্যে 5:12

তারা জোরে জোরে এ কধাগান কদন্: “যে ভেড়া-ছবোরে মারে ফেলা ওইয়্যে, তেয়ই খেমতা, ধন, জ্ঞান, বল্, সম্মান, বাঈনী আর নাঙ্ গিনে হেবার যোগ্য।”