5 খ্রীষ্ট যীশুর্ যে মনভাব্ এলঅ সিয়েন যেন তমা মনত্অ থায়।
মঅ জুঙোলান্ তমা উগুরে তুলি নেযঅ আর মত্তুন্ শিগো, কিয়া মঅ খাচ্চ্যত্তান্ নরম আর চিদে।
কন্না দাঙর্, যে হেবাত্যে বজে, না যে চাগর্বো পরিবেশন্ গরে? যে হেবাত্যে বজে, তে নয় কি? মাত্তর্ মুই তমা ইধু সেবাগুরিয়্যে ধোক্ক্যেন্ ওইয়োং।
তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।
মুই যিয়েনি গোজ্জ্যং সিয়েনি বেক্কানি তমারে দেগেয়োং, এবাবোত্যেগুরি জদবদে কাম্ গুরিনে বল্পোজ্যেগুনোরে সাহায্য গরানা উচিত্ আর প্রভু যীশুর্ এ কধাগান আমাত্তুন্ ইদোত্ রাগানা উচিত, পানাত্তুন্ দেনাত্ আরঅ বেশ্ আশিদ্বাদ আঘে।
কনঅ হানাত্যে যুনি তুই তঅ ভেইয়ো মনত্ দুঘ্ দুয়োচ্ সালে দঅ তুই আর কোচ্পানার্ মনভাব্পোই ন-চলর্। যে ভেইয়োত্যে খ্রীষ্ট মোজ্জ্যে, হানাত্যেই তারে নাশ্ ন-গোজ্জ্য।
খ্রীষ্টয়ো নিজোরে হুজি ন-গরে। পবিত্র বোইবোত্ লেগা আঘে, “যিগুনে তরে অগমান্ গরন্ সিগুনোর্ গোজ্জ্যে বেগ্ অগমানানি মঅ উগুরে পোজ্জ্যে।”
খ্রীষ্ট যীশু সমারে চলিবার্ পধত্ ধৈজ্জ্য আর উচ্চোমি দিয়্যে গোজেনে তমারে বেক্কুনোর্ মনানি এক গোরোক্।
খ্রীষ্ট যেধোক্ক্যেন গুরি আমারে কোচ্পেইয়্যে আর আমাত্যে গোজেনর্ উদ্দেচ্চ্যে তুমবাচ্বলা উৎসর্ব ইজেবে নিজোরে দিয়্যে, ঠিগ সেবাবোত্যেগুরি তুমিয়ো কোচ্পানার পধেদি চলঅ।
তীমথিয় আর মুই পৌল-আমি খ্রীষ্ট যীশুর চাগর্। খ্রীষ্ট যীশু লগে এগত্তর্ ওইয়্যে গোজেনর্ যিদুক্কুন মানুচ্ ফিলিপী শঅরত্ আঘন্ আমি তারা ইধু আর তারার্ পরিচালগ্কুনো ইধু আর সেবা গুরিয়্যেগুনো ইধু লিগির্।
ইয়েনত্যে গোজেনে তমারে ডাক্ক্যে, কিয়া খ্রীষ্ট তমাত্যে দুঘ্ ভুগিনে তমা ইধু আলাম্ থোই যেয়্যে, যেন তুমিয়ো তা ধোক্ক্যেন চলঅ,
সেনত্যে খ্রীষ্ট কিয়্যেদি দুঘ্ সোজ্জ্য গোজ্জ্যে বিলিনে তুমিয়ো নিজো মনভিদিরে সেই একই মনভাব গরঅ, কিয়া কিয়্যেদি যে দুঘ্ ভোগ্ গোজ্জ্যে তে পাপর্ অভ্যেচ্চান ছাড়ি দিয়্যে।
