ফিলিপীয় 2:4 - Chakma Bible

⁴ বানা নিজোরে লোইনে কামত্ ন-থেইয়ো, বরং একজন আরেক জনত্যে চিন্তে গরঅ।

ফিলিপীয় 2:4 Cross References

ইষ্টের 2:22

মর্দখয়ে কুজুরোমির্‌ কধা হবর্‌ পেইনে রাণী ইষ্টেররে সে কধাগান জানেল। রাণী মর্দখয়র নাঙান্‌ কোইনে সিয়েন্‌ রাজারে জানেল।

গণাণা 32:6

সেক্কে মোশি গাদ আর রূবেণ-গুট্টির মানুচ্চুনোরে কলঅ, তমার ভেইয়ুনে যুদ্ধো গুরিবাত্তে যেবাক্‌ আর তুমি এই জাগানত্‌ বোই থেবা?

মথি লেখ্যে গম্ হবর্ 18:6

মঅ উগুরে বিশ্বেজি এই চিগোনুনো ভিদিরে কাররে যুনি কেঅ পাপ পধেদি নেযায় সালে তা গত্তনাত্ এক্কো দাঙর্ পাত্তর্ বানিনে তারে সাগর গভীন্ পানিত্ ভুরোনা বরং তা পক্ষে গম্।

রোমীয় 12:15

যিগুনে ফুত্তি গরন্ তারা সমারে হুজি অ; যিগুনে কানন্ তারা সমারে কানঅ।

রোমীয় 15:1

আমি যিগুনে বিশ্বেজদি ঠিগ্, আমি যেন নিজোরে হুজি গরানা ইন্দি চোগ্ ন-দিইনে কম্ বিশ্বেজিগুনোর্ দুর্বলানি সোজ্জ্য গুরিই।

১ করিন্হীয় 10:24

কেঅ তার নিজোর্ মংগল চেষ্টা ন-গোরোক্ বরং পত্তিজনে অন্যর্ মংগল চেষ্টা গোরোক্।

২ করিন্হীয় 11:29

কেঅ বল্‌‌পোজ্যে অলে মুই কি তার্ বল্‌‌পোজ্যেগানর্ ভাগি ন-অং? কারঅ কারনে কেঅ পাপত্ পড়িলে মুই কি মনত্ জ্বালা ন-পাং?

২ করিন্হীয় 6:3

খ্রীষ্টত্যে আমি যে কাম্ গুরিই সিয়েনর যেন বদ্‌‌নাঙ্ ন-অয় সেনত্তে আমি এমন্‌ কিজু ন-গুরির্ যিয়েনর কারনে কেঅ কনঅ বাবদে মনত্ দুঘ্ ন-পান্।

ফিলিপীয় 2:21

অন্য বেক্কুনে যীশু খ্রীষ্ট পৌইদ্যেনে কামত্ ন-থেইনে নিজো পৌইদ্যেনে কামত্ থান্।

যাকোব 2:8

পবিত্র বোইবোত্ লেগা আঘে, “তঅ পাড়াল্ল্যেগুনোরে নিজো ধোক্ক্যেন কোচ্‌পেবে।” তুমি যুনি সত্য গুরিনে খ্রীষ্ট রেজ্যর্ এ সুদোমান মানি চলঅ সালে গম গরর্।