ফিলিপীয় 2:27 - Chakma Bible

²⁷ আর ঘেচ্চ্যেকগুরি তার্ এমন অসুগ্ ওইয়্যে যে, তে মরং মরং ওইয়্যে; মাত্তর্ গোজেনে তা উগুরে দোয়্যে গোজ্জ্যে-বানা যে তা উগুরে দোয়্যে গোজ্জ্যে সিয়েন নয়, মঅ উগুরেয়ো দোয়্যে গোজ্জ্যে যেন মুই দুঘো উগুরে দুঘ্ ন-পাং।

ফিলিপীয় 2:27 Cross References

২ রাজাবলী 20:1

সে অক্তত্‌ হিষ্কিয় অসুখ্‌ ওই পেরায় মরা ধোক্ক্যেন ওইয়্যে। সেক্কে আমোস পুয়ো ভাববাদী যিশাইয় তাইদু যেইনে কলঅ, “লগেপ্রভু কোইয়্যেদে, তুই যেনে তঅ ঘরর্‌ বেবস্থাগান্‌ গুরিনে রাগাচ্, কিত্তে তুই মুরি যেবে, গম্‌ নঅ-অবে।”

ইয়োব 5:19

ছগান্ দযাত্তুন্‌ তে তরে রোক্ষ্যে গুরিবো, সাত্‌তান দযার্‌ সময় তমার্‌ কনঅ খেতি ন-অবঅ‌।

গীতসংহিতা 34:19

যে ন্যায়র পধেদি চলে তা দজাগান দাঙর্ অলেয়ো সিয়েনিত্তুন্ লগেপ্রভু তারে উদ্ধোর্ গরে।

যিশাইয় 27:8

তে বিচের্ গুরিনে তারে নিগিলেই দিয়্যে, মাত্তর্ সিয়েনত্ পাওনাত্তুন্ বেশ্ সাজা দিয়্যে ন-অয়; পুগো বোইয়্যের ধোক্ক্যেন্ গুরি তা অমকদ ঝাবুদোলোই তে তারে ধাবেইনে নিগিলেই দিয়্যে।

যিশাইয় 38:17

“ঘেচ্চেকগুরি মর্ ভালেদিত্তে মুই এ অমকদ দুঘ্‌‌কানি ভোগ গোজ্যং, মাত্তর্ ভস্তর্ গাদত্তুন তর্ কোচ্‌পানালোই তুই মরে উদ্ধোর্ গোজ্যস্। মর্ বেক পাপ্‌‌‌পানি তুই পিজেদি ফেলেই দুয়োচ্।

যিশাইয় 43:2

তুই যেক্কে পানি উগুরেদি যেবে সেক্কে মুই তঅ লগে লগে থেম্। যেক্কে তুই গাঙ উগুরেদি যেবে, সেক্কে সিয়েনিয়ে তরে ন-ডুবেব; তুই যেক্কে আগুনো উগুরেদি যেবে, সেক্কে তুই পুড়ি ন-যেবে, আগুনো জ্বিলান্ তঅ কিয়্যেত্ ন-বাঁজিবো;

যিরমিয় 10:24

ও লগেপ্রভু, বানা ন্যায়বিচেরলোই তুই মরে সংশোধন গর্, মাত্তর্ তর্ রাগে সিয়েন ন-গুরিচ্, গুরিলে তুই মরে এক্কুবারে শূন্য গুরি দিবে।

যিরমিয় 45:3

তুই কোইয়োচ্, হায়! লগেপ্রভু মঅ পীড়ে উগুরে মরে দুঘ্ দিয়্যে; মুই ফবাদে ফবাদে বল্‌‍পোজ্যে ওইয়োং,জিরেন ন-পাঙর্।

যিরমিয় 8:18

মর্ দুঘ্‌খোগান এদক্ বেশ্, সিয়েনর সান্ত্বনা নেই; মঅ ভিদিরে মঅ মনানে অমকদ দুঘ্ পার্।‌‌

হবক্‌‌‌‌কূক 3:2

ও লগেপ্রভু, মুই তঅ কাম কধা শুনিনে দোরেলুং। ও লগেপ্রভু, আমা সময়োত্ সিয়েনি তুই আরঅ গর্; আমা সময়োত্ তুই সিয়েনি দেগা। রাগর্ সময়োত্ তুই মেয়্যে গুরিবার কধা ভুলি ন-যেচ্।

প্রেরিত্‌ 9:37

তে অসুগ্ ওইনে মুরি যেইয়্যে, আর মানুচ্চুনে তারে গাদেইনে উগুরে গুদিবোত্ থোইয়োন্।

১ করিন্হীয় 10:13

মান্‌জ্য জিংকানিত্ যেদক্কানি পোরোক্ষ্যে ওই থায় সিয়েনি বাদে আর অন্য কনঅ পোরোক্ষ্যে দঅ তমা উগুরে ন-অয়। গোজেনে বিশ্বেজবলা; সোজ্জ্যর্ বারেদি পোরোক্ষ্যে তে তমা উগুরে অবাত্তে ন-দিবো, বরং পোরোক্ষ্যের্ লগে লগে সিয়েনত্তুন্ নিগিলি এবার্ এক্কান পধ-অ তে গুরি দিবো যেন তুমি সিয়েন সোজ্জ্য গুরি পারঅ।

২ করিন্হীয় 2:7

তুমি বরং ইক্কিনে তারে ক্ষেমা গরঅ আর সান্তনা দুয়ো, যেন অমকদ দুঘোত্ তে আজা ন-আরায়।

ফিলিপীয় 2:26

তে তমারে বেক্কুনোরে দেগিবাত্যে চায় বিলিনে মুই তারে ফিরেই পাধাঙর্। সিয়েনবাদে তুমি তার্ অসুগোর্ কধা শুন্ন্য বিলিনে তে ভারী চিন্তেত্ আঘে।

ফিলিপীয় 2:28

সেনত্যে ভারী আওজ্ গুরিনে মুই তারে পাধাঙর্ যেন তারে দেগিনে তুমি হুজী অ আর মর্-অ চিদেচজ্জা কমে।

ফিলিপীয় 2:30

খ্রীষ্টর্ কামত্যে তে মরণর্ মুয়ো-মি ওইয়্যে। তুমি আঝির্ ন-থানার্ কারনে মত্যে যিয়েন গুরি ন-পারঅ সিয়েন গুরিবাত্যে তে তার্ পরাণান দিবাত্যেয়ো রাজি এলঅ।