ফিলিপীয় 2:25 - Chakma Bible

²⁵ মুই ইপাফ্রদীতরে তমা ইধু পাধানা দরকার্ মনে গুরিলুং। তে মর্ বিশ্বেজি ভেই। আমি এক সমারে কাম গুরিই আর খ্রীষ্টত্যে যুদ্ধো গুরিই। সেবাগুরিয়্যে ইজেবে মর্ দর্‌কার কাদেবাত্যে তারে তুমি মঅ ইধু পাধেইয়ো।

ফিলিপীয় 2:25 Cross References

গম্ উপদেজ্ 25:13

বিশ্বেজি হবর্ দিয়্যেবো তা গিরোজ ইদু যেন খেত-খেত্তি কাবিবার অক্তত্ ঠান্ডা তুষার; কিত্তে যিগুনে তারে পাদেয়োন তে সেই গিরোজ্‌‍সোর পরানান্ জুড়োয়।

যোহন 13:16

মুই তমারে ঘেচ্চ্যেক্‌গুরি কঙর্, চাগর্ তা গিরোজত্তুন্ দাঙর্ নয়। যিবেরে দিপাধা ওইয়্যে তে তাত্তুন্ দাঙর্ নয় যে তারে দিপাধেয়্যে।

যোহন 17:18

তুই যেবাবোত্যেগুরি মরে জগদত্ পাধেয়োচ্ সেবাবোত্যেগুরি মুইয়ো তারারে জগদত্ পাধেয়োং।

রোমীয় 16:3

প্রিষ্কিল্লা আর আকিলারে মর্ ভালেদি জানেয়ো। তারা খ্রীষ্ট যীশু কামত্ মঅ সমারে দুঘ্ গোজ্জ্যন্।

রোমীয় 16:9

উর্বাণ, যিবে আমা লগে খ্রীষ্টত্যে কাম্ গরে, তারে আর মর্ পরাণর্ দাংগু স্তাখিসরে ভালেদি জানেয়ো। আপিল্লিস্‌রে ভালেদি জানেয়ো।

১ করিন্হীয় 3:9

কিয়া আমি দ্বিয়ো জনেই গোজেন সমারে কাম গুরির্। তুমি গোজেনর্ খেত্, গোজেনর্ বানেয়্যে বিল্ডিং।

২ করিন্হীয় 2:13

মাত্তর্ তো মুই মনত্ শান্তি-ন-পাং, কিয়া মর্ বিশ্বেজি ভেই তীত সিধু ন-এলঅ। সেনত্যে ত্রোয়ার্ মানুচ্চুনোত্তুন্ বিদেয় লোইনে মুই ম্যাসিডোনিয়াত্ গেলুং।

ফিলিপীয় 2:26

তে তমারে বেক্কুনোরে দেগিবাত্যে চায় বিলিনে মুই তারে ফিরেই পাধাঙর্। সিয়েনবাদে তুমি তার্ অসুগোর্ কধা শুন্ন্য বিলিনে তে ভারী চিন্তেত্ আঘে।

ফিলিপীয় 4:18

মর্ বেক পাওনাগুন মুই পেইয়োং। আসলে মর্ যিগুন দরকার সিত্তুন্-অ বেচ্‌ মত্তুন্ আঘে। ইপাফ্রদীত আঢত্ তমার পাধেয়্যে বক্‌শিজ্‌চানি পেইনে ইক্কিনে মর্ যদেষ্ট ওইয়্যে। এই বক্‌শিজ্‌চানি তুম্‌বাজ্‌বলা আর মানিলোইয়্যে উৎসর্ব,

ফিলিপীয় 4:3

আর মর্ আজল্ সমাজ্জ্যে, মুই তরেয়ো কোজোলি গরঙর্-তুই এই মিলেগুনোরে সাহায্য গর্। তারা খ্রীষ্টর্ পৌইদ্যেনে গম হবরত্যে মঅ লগে আর ক্লীমেন্ত আর মর্ অন্য সমাজ্জ্যেগুনো সমারে দুঘ্ গোজ্জ্যন্। ইগুনোর্ নাঙানি জিংকানি-বোইবোত্ লেগা আঘে।

কলসীয় 1:7

সেই গম হবরানর্ কধা তুমি আমার কোচ্‌পেইয়্যে সমাজ্জ্যে ইপাফ্রাত্তুন্ শুন্ন্য। তে তমা পক্ষত্তুন্ খ্রীষ্টর এক্কো বিশ্বেজি সেবাগুরিয়্যে।

কলসীয় 4:11

যিবেরে যুষ্ট বিলিনে ডাগা অয় সেই যীশুয়ো তমারে পাত্তুরু তুরু জানার্। যিহূদীগুনো ভিদিরেত্তুন্ বানা এ তিনজনে গোজেন রেজ্যত্যে মঅ লগে কাম গরন্। তারা মরে বোউত্ উচ্চোমি দুয়োন।

ফিলীমন 1:24

ইয়েন বাদে মার্ক, আরিষ্টার্খ, দীমা আর লূক-মর্ এ সমাজ্জ্যে গুনেয়ো তরে ভালেদি জানাদন্।

ইব্রীয় 3:1

সেনত্যে পবিত্র ভেইয়ুন, তুমি যিগুনে স্বর্গর্ অধিকারী অবাত্যে তা ডাগনিলোই মাত্য, তুমি যীশু পৌইদ্যেনে মনযোগী অ। যিবে উগুরে আমি বিশ্বেজ্ গোজ্জ্যেই তেয়ই গোজেনর্ সেই পাধ্য়্যে মানুচ্ আর সেই দাঙর্ ধর্মগুরুবো।